Roof catalog
Manual
Betek catalog
Plasterboard profiles and accessories
Sort by:
38 Products found
თაბაშირ-მუყაოს პროფილები და აქსესუარები
თაბაშირ-მუყაოს კონსტრუქცია ლითონის კარკასზე უნდა განთავსდეს. სწორედ სამშენებლო პროფილების ეს სისტემა განსაზღვრავს, რამდენად მყარი და სწორი გამოვა ტიხარი, შეკიდული ჭერი ან კედლის მოპირკეთება. ვიზუალურად მსგავსი პროფილები ფუნქციით გამოიყოფა, ამიტომ სამშენებლო და სარემონტო მასალების შერჩევამდე უნდა გაირკვეს, რომელი ელემენტი სად გამოიყენება, რა მახასიათებლები აქვს და ა.შ.
ჭერის პროფილი: CD და UD
შეკიდული ჭერის სისტემა ორ ძირითად ელემენტს ეყრდნობა. UD პროფილი (ჭერის U) კედელზე, მთელ პერიმეტრზე მაგრდება – ის სისტემის ჩარჩოა და საწყის სიბრტყეს ქმნის. CD პროფილი (ჭერის C) ამ ჩარჩოში თავსდება.
სისქე 0.35-დან 0.60 მმ-მდე მერყეობს. დაბალ სივრცეებში და შედარებით მცირე ფართობებზე 0.35-0.45 მმ-იანი ვარიანტი საკმარისია. მაღალ სივრცეებში, სადაც პროფილს შორის მანძილი იზრდება ან სადაც დამატებითი ნათურების, სავენტილაციო ბადის ან სხვა ელემენტების ჩაწყობაა გათვალისწინებული, 0.50-0.60 მმ-იანი ვარიანტი უფრო გამართლებულია.
ტიხრის პროფილი: CW და UW
ტიხრის სამშენებლო პროფილები ჭერის მსგავსად მუშაობს, ოღონდ ვერტიკალური სიბრტყისთვის. UW პროფილი (ტიხრის U) იატაკსა და ჭერზე თავსდება და ტიხრის მიმართულებას განსაზღვრავს. CW სვეტი (ტიხრის C) UW-ში ჩადის და ვერტიკალურ ჩონჩხს ქმნის. ტიხრის პროფილის ფასი და ზომა დამოკიდებულია სიგანეზე. “ნოვაში” 130, 150, 152 და 178 მმ.-იანი ვარიანტებია ხელმისაწვდომი.
სიგანის არჩევანი კონკრეტულ ამოცანაზეა დამოკიდებული. თუ ტიხარში ელექტროგაყვანილობა, სანტექნიკა ან ხმოვანი იზოლაციის მასალა უნდა მოთავსდეს, 130 მმ. და მეტი სიგანე უფრო გამართლებულია.
პროფილის გადასაბმელი და სხვა სამაგრი ელემენტები
გრძელ ჭერებში CD პროფილის სიგრძე ხშირად არ კმარა. ამ შემთხვევაში გამოიყენება პროფილის გადასაბმელი, რომელიც ორ პროფილს ერთ ხაზში ათავსებს უწყვეტი სიბრტყის შესანარჩუნებლად. CD-ს ჭერზე დამაგრებას კი პროფილის საკიდი აგრაფი უზრუნველყოფს.
ის პროფილის სიმაღლის რეგულირებასაც შესაძლებელს ხდის, რაც განსაკუთრებით მნიშვნელოვანია მაშინ, როდესაც ჭერის ზედაპირი სრულიად სწორი არ არის. ასევე გამოიყენება ზედაპირის სასწორებელი პროფილი, რომელიც CD-ს ჰორიზონტალური სიბრტყის გასწორებაში ეხმარება.
ეს ელემენტები ხშირად მეორეხარისხოვნად აღიქმება, მაგრამ სწორი ჭერის სიბრტყე მათ გარეშე ვერ მიიღწევა.
სამღებრო კუთხოვანა
სამღებრო კუთხოვანა ტიხრისა და ნიშის გარე კუთხეებზე გამოიყენება. ის კუთხეს სიმტკიცეს მატებს და სწორ ხაზს ქმნის. დაზიანება გარე კუთხეებზე ყველაზე ხშირია, ამიტომ ეს ელემენტი საბოლოო შედეგის ხარისხზე მოქმედებს. “ნოვაში” ხელმისაწვდომია თუთიის (Z275, გალვანიზებული ტენიანი სივრცეებისთვის) და პლასტმასის ვარიანტი, რომელიც მშრალ ოთახებში გამოიყენება.
ნოვაში წარმოდგენილი გიფსოს პროფილები NOVA-ს ადგილობრივი წარმოებისაა. კომპანია ISO 9001 სერტიფიკატს 2015 წლიდან ფლობს, ხოლო საკუთარი საწარმოო ხაზი 2011 წლიდან ფუნქციონირებს.