სახურავის კატალოგი
ავზის კატალოგი
სახელმძღვანელო
ბეტეკის კატალოგი
ნიჟარები და ხელსაბანები
დალაგება:
მოიძებნა 79 პროდუქტი
ხელსაბანი და ნიჟარა - ჰიგიენა და სასიამოვნო რუტინა
ჰიგიენაზე ზრუნვა დღეს, როგორც არასდროს, ყველაზე მნიშვნელოვანი საკითხი გახდა. ახლა 2-ჯერ უფრო მეტად ვიბანთ ხელს ან ვწმენდთ ნივთებს მოსალოდნელი დაავადებების თავიდან ასარიდებლად. ეს პროცესი კი გაცილებით კომფორტულია სასიამოვნო ვიზუალისა და ხარისხიანი ხელსაბანის დახმარებით. რეალურად, მასზე არა მხოლოდ ჰიგიენური ფაქტორები, არამედ განწყობაცაა დამოკიდებული. დილით თავის მოწესრიგების ან ჭურჭლის დარეცხვის სასიამოვნო რიტუალი დღის პოზიტიურად დაწყების საწინდარია.
ცხადია, ზემოთ ხსენებულ ბენეფიტებს ვერ მივიღებთ ჩვენთვის სასურველი ნიჟარის გარეშე. ამიტომ წარმოგიდგენთ რამდენიმე ტიპის ნიჟარას თქვენი კომფორტისთვის:
კერამიკის ნიჟარა
საინტერესო და ორიგინალური დიზაინით გამოირჩევა აბაზანის კერამიკის ხელსაბანი, რომელიც ჯამივით ჩაღრმავებულია. უბრალოება, პრიალა ზედაპირი და ნაცრისფერი ლაქები მას კიდევ უფრო მიმზიდველს ხდის. ასეთი ტიპის ხელსაბანები თურქეთიდან შემოდის და მიეწოდება ნოვას მომხმარებლებს.
ერთ-ერთი მათგანი გობელენის მსგავს კალათას ჩამოჰგავს, რომელიც დილის რუტინას გაგილამაზებთ. კერამიკული ხელსაბანები შეიძლება ითქვას ხელოვნების ნიმუშებს წარმოდგენენ. მათი სრულად ნახვა შეგიძლიათ ჩვენს ვებგვერდზე.
აბაზანის ხელსაბანი "გამმა"
მსგავსი სტილი აქვს გამმას ნიჟარას, იმ განსხვავებით, რომ ნაკლებად ჩაღრმავებულია. ეს მოდელი შედარებით "ნაკლებად პრეტენზიულია" და შეგიძლიათ ყოველგვარი გართულების გარეშე, წარმატებით შეუსაბამოთ კაფელის თითქმის ნებისმიერ ფერს.
დასადგამიანი ხელის დასაბანი
იმ შემთხვევაში თუ ნიჟარის კომპლექტის შეძენა გსურთ, თქვენთვის ზედგამოჭრილი იქნება DERYAPLASTIK-ის ხელსაბანების თეთრი მოდელები. თუმცა გასათვალისწინებელია მოკლე დასადგამიანი გჭირდებათ თუ გრძელი ვარიანტი. ბუნებრივია, თქვენს გემოვნებასთან ერთად ეს აბაზანის კაფელის, სარკისა და ავეჯის დიზაინზეა დამოკიდებული. თუ შერჩევა გაგიჭირდათ არც ესაა პრობლემა, ნოვას გამოცდილი კონსულტანტები ამაში მარტივად დაგეხმარებიან.
სამზარეულოს ნიჟარა
სამზარეულოსთვის მეტალის ნიჟარებს გირჩევთ, რომლებიც უფრო პრაქტიკული და მოსახერხებელია ჭურჭლის დარეცხვისას. სხვა მასალის ხელსაბანები მარტივად ზიანდება მეტალის ჩანგლებისა და კოვზების გასუფთავების დროს, ხოლო უჟანგავი ფოლადის მოდელი ასეთი შემთხვევებისგან დაზღვეულია, შესაბამისად დიდხანს ძლებს.
თუ ტრადიციული ვარიანტები არ მოგწონთ შეგიძლიათ გრანიტის ვარიანტიც განიხილოთ, რომელიც იშვიათი და დახვეწილი დიზაინით გამოირჩევა.
ხელმისაწვდომია ელიფსური, უჟანგავი ფოლადის, ორსექციანი ოთხკუთხა, მრგვალი და კიდევ უამრავი სახეობის სამზარეულოს ნიჟარა.
ჩამოსაკიდი ხელსაბანები
დასადგამი ნიჟარების ალტერნატივა სწორედ ჩამოსაკიდი ვარიანტებია. იმ ადამიანებისთვის, ვისაც არ აკმაყოფილებს ტრადიციული ვერსიები, LOTUS MONOBLOCK-ის იშვიათი ვიზუალის მქონე ჩამოსაკიდ ხელსაბანებს აწარმოებს. მაგ: თეთრი LOTUS MONOBLOCK W.HUNG WB.WITH TAP HOLE-60CM-A მოდელი ძაბრს ან ფილტრს მოგაგონებთ. ეს მოდელი ხელმისაწვდომია სხვადასხვა ფერში.
რა უნდა გავითვალისწინოთ შეძენისას?
უმნიშვნელოვანესია თავის მოწესრიგების პროცესი იყოს კომფორტული. ამისათვის კი ნიჟარის მოცულობა იმხელა უნდა იყოს რომ თავისუფლად შეგვეძლოს მოქმედების შესრულება.
ზოგჯერ წყლის შხეფები ტანსაცმელს ხვდება, ამიტომ ნიჟარის შერჩევისას ყურადღება უნდა მივაქციოთ დასადგამი ხელსაბანის ფეხის სიგრძეს.
იდეალური კომფორტისთვის კი უნდა განვსაზღვროთ გვექნება თუ არა საშუალება ხელსაბანის კიდეზე რაიმე სახის პროდუქტი დავალაგოთ.
თუ ჰიგიენური ნიჟარების შეძენას გადაწყვეტთ შეგიძლიათ ნოვას გამოცდილი კონსულტანტების დახმარებით სწორი არჩევანი გააკეთოთ და რაც მთავარია დაბალ ფასად.