წყლის გამაცხელებლის უსაფრთხოება - რა უნდა იცოდეს მომხმარებელმა

რატომ არის მნიშვნელოვანი წყლის გამაცხელებელთან დაკავშირებული უსაფრთხოების წესების ცოდნა? წყლის გამათბობელი მაღალ ტემპერატურაზე, წნევის ქვეშ მუშაობს და იყენებს ელექტროენერგიას ან ბუნებრივ აირს. არასწორმა მონტაჟმა ან ექსპლუატაციამ შეიძლება გამოიწვიოს სერიოზული პრობლემები - დაწყებული წყლის გაჟონვით, დამთავრებული უფრო სერიოზული საფრთხეებით.

ამ გზამკვლევში გაგიზიარებთ მნიშვნელოვან ინფორმაციას იმის შესახებ, თუ:

• როგორ გამოვიყენოთ წყლის გამაცხელებელი უსაფრთხოდ;
• როგორ ამოვიცნოთ პოტენციური პრობლემები;
• როგორ მოვიქცეთ საგანგებო სიტუაციებში.

წყლის გამაცხელებელი - მისი ტიპები და მათი თავისებურებები

წყლის გამცხელებლის შეძენისას პირველი არჩევანი ელექტრო და გაზის გამათბობლებს შორის უნდა გააკეთოთ. ორივე ტიპს  საკუთარი უპირატესობები და უსაფრთხოების სპეციფიკური მოთხოვნები აქვს, რომელთა ცოდნაც აუცილებელია ყველა მომხმარებლისთვის.

ელექტრო წყლის გამაცხელებელი

ელექტრო იგივე დენის წყლის გამაცხელებელი ერთ-ერთი ყველაზე გავრცელებული საყოფაცხოვრებო მოწყობილობაა, რომელიც ხშირად პატარა ზომის ბინებში გამოიყენება. მისი მთავარი უპირატესობა არის ის, რომ არ საჭიროებს სპეციალურ სავენტილაციო სისტემას და შეიძლება პრაქტიკულად ნებისმიერ სივრცეში დამონტაჟდეს. თუმცა, არსებობს უსაფრთხოების ასპექტები, რომლებიც უნდა გაითვალისწინოთ: ელექტრო გამათბობლის დამონტაჟებისას აუცილებელია სწორი დამიწების სისტემის არსებობა და შესაბამისი სიმძლავრის ელექტრო ქსელი. 

გაზის წყლის გამაცხელებელი

გაზის წყლის გამაცხელებელი ხშირად უფრო ეკონომიური არჩევანია, თუმცა მისი უსაფრთხო ექსპლუატაცია მოითხოვს განსაკუთრებულ ყურადღებას მოითხოვს. მთავარი მოთხოვნა მონტაჟისას სათანადო ვენტილაციის არსებობაა. გაზის წვის პროცესში წარმოქმნილი ნახშირბადის მონოქსიდი სახიფათოა და აუცილებლად უნდა გამოიდევნოს შენობიდან.

აუცილებელია სპეციალური სავენტილაციო მილის გაყვანა, რომელიც უზრუნველყოფს წვის პროდუქტების გარეთ გამოდევნას. ასევე რეკომენდებულია გაზის დეტექტორის დამონტაჟება, რომელიც გაზის გაჟონვის შემთხვევაში სიგნალს ჩართავს.

ორივე ტიპის, გაზისა თუ დენის წყლის გამაცხელებლისთვის მნიშვნელოვანია სწორი ადგილის შერჩევა. გამათბობელი უნდა განთავსდეს ისეთ ადგილას, სადაც დაცული იქნება წყლის გაჟონვისგან და სხვა მექანიკური დაზიანებებისგან. 

წყლის გამაცხელებელი მხოლოდ კვალიფიციურმა სპეციალისტმა უნდა დაამონტაჟოს. ეს არ არის მოწყობილობა, რომლის ინსტალაციაც დამოუკიდებლად შეიძლება, რადგან არასწორმა პროცესმა შეიძლება გამოიწვიოს სერიოზული პრობლემები, წყლის გაჟონვა, ხანძარი ან სხვა საფრთხეები წარმოქმნას.

ყოველდღიური მონიტორინგი

რეგულარულად შეამოწმეთ:

• წყლის წნევა - თუ შეამჩნევთ მკვეთრ ცვლილებებს, დაუკავშირდით სპეციალისტს, რადგან ეს შეიძლება ნადების დაგროვებაზე, თერმული გაფართოების პრობლემაზე ან წნევის მარეგულირებელი სარქვლის გაუმართაობაზე მიუთითებდეს;
• უჩვეულო ხმები მუშაობისას - როგორც წესი, გაცვეთილი დეტალის, წყლის ზედმეტად მაღალი ტემპერატურის, სისტემაში ჰაერის არსებობის ნიშანია. 
• გაჟონვის ნიშნები გამაცხელებლის ძირში ან მილებთან - ამ პრობლემას კოროზია, არასწორი მონტაჟი, გაცვეთილი შემაერთებელი ან ზედმეტი წნევა იწვევს. 

გაზის გამაცხელებლის შემთხვევაში დამატებით:

• გაზის სუნის არსებობა - გაზის მილების გაჟონვა, ან გაცვეთილი შემაერთებლები იწვევს;
• ალის ფერი (უნდა იყოს მოცისფრო, არა ყვითელი) - ფერის ცვლილებას არასრული წვის, არასაკმარისი ჟანგბადის ან დაბინძურებული სანთურის ნიშანია.
• კვამლის ან ნამწვის სუნი - გაუმართავი ვენტილაცია, დაბინძურებული საკვამური ან არასწორი წვა იწვევს. 

გაფრთხილების ნიშნები - როგორ ამოვიცნოთ პრობლემა დროულად

წყლის გამაცხელებელთან დაკავშირებული პრობლემების უმეტესობა თავს იჩენს გარკვეული ნიშნებით, სანამ სერიოზულ გაუმართაობაში გადაიზრდება. მნიშვნელოვანია ვიცოდეთ ეს ნიშნები, რათა დროულად მივიღოთ ზომები და თავიდან ავიცილოთ სერიოზული პრობლემები.

ელექტრო გამაცხელებლის საგანგაშო ნიშნები

იმ შემთხვევაში, თუ დენის გამაცხელებელი მუშაობისას უჩვეულო ხმებს გამოსცემს, ერთ-ერთი პირველი სიგნალია, რომ რაღაც წესრიგში არ არის. ბზუილი, წკაპუნი ან ვიბრაცია შეიძლება მიუთითებდეს გაცვეთილ დეტალებზე ან მინერალური ნადებით გამოწვეულ პრობლემებზე.

წყლის ტემპერატურის მკვეთრი ცვალებადობა ასევე საყურადღებო ნიშანია. თუ წყალი ხან ძალიან ცხელია, ხან კი საერთოდ არ თბება, ეს შეიძლება თერმოსტატის გაუმართაობაზე მიუთითებდეს.

გაჟონვის ნიშნები გამაცხელებლის ძირში ან მილებთან საჭიროებს დაუყოვნებლივ რეაგირებას საჭიროებს. გაჟონვა არა მხოლოდ წყლის ხარჯს ზრდის, არამედ ამ პრობლემას შეიძლება მოკლე ჩართვა გამოიწვიოს და სერიოზული საფრთხე შეუქმნას თქვენს უსაფრთხოებას.

გაზის გამაცხელებლის საგანგაშო სიგნალები

გაზის სუნი ყველაზე სერიოზული გამაფრთხილებელი ნიშანია. გაზის წყლის გამაცხელებელი და მისი შემოგარენი გაზის მკვეთრი სუნით გამოირჩევა, დაუყოვნებლივ გამორთეთ გამაცხელებელი, გააღეთ ფანჯრები და დაუკავშირდით გაზის სამსახურს. 

ალის ფერის ცვლილება მნიშვნელოვანი ინდიკატორია. ჯანსაღი ალი მოცისფროა. ყვითელი ან ნარინჯისფერი ალი კი არასრულ წვაზე მიანიშნებს, რაც მონოქსიდის წარმოქმნის გამო სახიფათოა.

კედლებზე ან ფანჯრებზე ნესტის/კონდენსატის წარმოქმნა შეიძლება არასათანადო ვენტილაციაზე მიუთითებდეს. 

საგანგებო სიტუაციები და რეაგირება

მიუხედავად იმისა, რომ წყლის გამაცხელებელი საიმედო მოწყობილობაა, მაინც შეიძლება შეიქმნას საგანგებო სიტუაცია. მნიშვნელოვანია ვიცოდეთ, როგორ მოვიქცეთ ასეთ დროს, რათა დავიცვათ საკუთარი და ოჯახის წევრების უსაფრთხოება.

ელექტრო გამაცხელებელთან დაკავშირებული საგანგებო სიტუაციები

წყლის გაჟონვის შემთხვევაში, განსაკუთრებით თუ მოწყობილობა აბაზანაშია განთავსებული, პირველი ნაბიჯი არის ელექტროენერგიის გათიშვა. მნიშვნელოვანია წინასწარ იცოდეთ, სად მდებარეობს მთავარი ამომრთველი. გამორთეთ დენი ავტომატური ამომრთველის საშუალებით და მხოლოდ ამის შემდეგ გადაკეტეთ წყლის მიწოდება. არასოდეს შეეხოთ გამაცხელებელს ან წყალს, სანამ არ დარწმუნდებით, რომ ელექტროენერგია გათიშულია.

კვამლის ან დამწვრის სუნის შემთხვევაში დაუყოვნებლივ გამორთეთ გამაცხელებელი. ეს შეიძლება მიუთითებდეს ელექტრო იზოლაციის პრობლემაზე. არ სცადოთ ხელახლა ჩართვა - დაუკავშირდით სპეციალისტს.

გაზის გამაცხელებელთან დაკავშირებული საგანგებო სიტუაციები

გაზის გაჟონვის შემთხვევაში მოქმედების თანმიმდევრობა განსაკუთრებით მნიშვნელოვანია:

დაუყოვნებლივ გადაკეტეთ გაზის მთავარი ონკანი. აუცილებელია წინასწარ იცოდეთ მისი მდებარეობა და გადაკეტვის ტექნიკა. არ ჩართოთ და არ გამორთოთ არანაირი ელექტრო მოწყობილობა, რადგან ნაპერწკალმაც კი შეიძლება გამოიწვიოს აფეთქება.

დაუყოვნებლივ გააღეთ ფანჯრები და კარები ოთახის გასანიავებლად. გაიყვანეთ ყველა ოჯახის წევრი შენობიდან.

როდის უნდა დავუკავშირდეთ სპეციალისტს?

ნებისმიერი ზემოთ ჩამოთვლილი ნიშნის გამოვლენისას რეკომენდებულია დაუკავშირდეთ კვალიფიციურ სპეციალისტს. განსაკუთრებით მნიშვნელოვანია დაუყოვნებლივი რეაგირება შემდეგ შემთხვევებში:

• გაზის სუნის არსებობისას;
• წყლის გაჟონვისას;
• როდესაც წყალი არ თბება ან ზედმეტად ცხელდება;
• თუ გესმით უჩვეულო ხმები.

სპეციალისტის დროული ჩარევა დაგეხმარებათ თავიდან აიცილოთ სერიოზული პრობლემები და წყლის გამაცხელებლის უსაფრთხო და ეფექტური მუშაობა აღადგინოთ. გახსოვდეთ, რომ პრევენცია ყოველთვის უკეთესია, ვიდრე პრობლემის მოგვარება მას შემდეგ, რაც ის უკვე სერიოზულ სახეს მიიღებს. 

პრევენციული მოვლა და სეზონური მომზადება

წყლის გამაცხელებლის გამართული მუშაობისა და ხანგრძლივი სიცოცხლისუნარიანობისთვის აუცილებელია რეგულარული მოვლა და სეზონური მომზადება. მარტივი პრევენციული ზომები დაგეხმარებათ თავიდან აიცილოთ სერიოზული პრობლემები და შეამციროთ მოულოდნელი გაუმართაობის რისკი.

ზამთრისთვის მომზადება

ზამთრის სეზონი განსაკუთრებულ ყურადღებას მოითხოვს წყლის გამაცხელებლის მოვლის თვალსაზრისით. თუ გამაცხელებელი განთავსებულია გაუთბობელ სივრცეში, მაგალითად, სარდაფში ან აივანზე, აუცილებელია მისი დაცვა გაყინვისგან. შეამოწმეთ მილების თბოიზოლაცია და საჭიროების შემთხვევაში განაახლეთ ის. გაყინული წყლის მილებს გახეთქავს და სერიოზულ დაზიანებას გამოიწვევს. 

ხანგრძლივი არყოფნის შემთხვევაში

თუ რამდენიმე დღეზე მეტი ხნით ტოვებთ სახლს, განსაკუთრებით ზამთარში, მიზანშეწონილია გარკვეული ზომების მიღება. ელექტრო გამაცხელებლის შემთხვევაში შეგიძლიათ დააყენოთ თერმოსტატი მინიმალურ ტემპერატურაზე ენერგიის დაზოგვის მიზნით. გაზის გამაცხელებლის შემთხვევაში კი უმჯობესია საერთოდ გამორთოთ მოწყობილობა და გადაკეტოთ გაზის მიწოდება.

რეგულარული შემოწმება

წელიწადში ერთხელ მაინც აუცილებელია სრული პროფილაქტიკური შემოწმების ჩატარება. სპეციალისტი შეამოწმებს უსაფრთხოების სარქვლებს, თერმოსტატის გამართულობას, წყლის ტუმბოს მდგომარეობას და გაწმენდს დაგროვილ ნადებს. ელექტრო გამაცხელებლის შემთხვევაში განსაკუთრებით მნიშვნელოვანია ანოდის შემოწმება და საჭიროების შემთხვევაში მისი შეცვლა.

წყლის ხარისხის მონიტორინგი

თუ თქვენს რეგიონში მაღალია წყლის სიხისტე, შესაძლოა საჭირო გახდეს სპეციალური ფილტრების დაყენება ან უფრო ხშირი პროფილაქტიკური წმენდა. მინერალური ნადები ამცირებს გამაცხელებლის ეფექტურობას და ზრდის ენერგიის მოხმარებას.

ყოველთვიურად გამოუშვით მცირე რაოდენობის წყალი გამაცხელებლის ქვედა სარქვლიდან. ეს დაგეხმარებათ მოაცილოთ დაგროვილი ნალექი და შეამოწმოთ წყლის ხარისხი. თუ წყალი არის მღვრიე ან შეიცავს ნალექს, ეს მიუთითებს, რომ პროფესიონალური გაწმენდაა ჩასატარებელი.

ენერგოეფექტურობის შენარჩუნება

რეგულარული მოვლა არა მხოლოდ უსაფრთხოებას უზრუნველყოფს, არამედ ხელს უწყობს ენერგიის დაზოგვასაც. სუფთა, კარგად მოვლილი გამაცხელებელი უფრო ეფექტურად მუშაობს და ნაკლებ ენერგიას მოიხმარს. ეს კი პირდაპირ აისახება თქვენს კომუნალურ გადასახადებზე.

გახსოვდეთ, რომ წყლის გამაცხელებლის სწორი მოვლა და უსაფრთხოების წესების დაცვა არის საწინდარი თქვენი ოჯახის კომფორტისა და უსაფრთხოებისა. ამიტომ, ნებისმიერი ეჭვის ან პრობლემის აღმოჩენის შემთხვევაში,  ნუ გადადებთ სპეციალისტთან დაკავშირებას.

რატომ უნდა შეარჩიოთ წყლის გამაცხელებელი ნოვაში?

სამშენებლო და სარემონტო მასალების მაღაზია ,,ნოვა" ენერგოეფექტური და უსაფრთხო წყლის გამაცხელებლების ფართო არჩევანს გთავაზობთ. ჩვენს შოურუმში წარმოდგენილია სხვადასხვა მოცულობის, სიმძლავრისა და დიზაინის მოდელები, რომლებიც მორგებულია თითოეული მომხმარებლის ინდივიდუალურ საჭიროებებზე.

ჩვენი პროდუქციის უპირატესობები:

• ენერგოეფექტურობა: გამაცხელებლები აღჭურვილია თანამედროვე ტექნოლოგიებით, რაც ელექტროენერგიისა თუ გაზის მდგრად წვას განაპირობებს;
• უსაფრთხოება: ყველა მოწყობილობა შეესაბამება უსაფრთხოების საერთაშორისო სტანდარტებს და აქვს დაცვის ფუნქციები;
• ხარისხი: ,,ნოვაში" წარმოდგენილი წყლის გამაცხელებლები დამზადებულია საუკეთესო მასალებით, რაც განაპირობებს მათი გამძლეობისა და გრძელვადიანი ექსპლუატაციის გარანტია;
• მრავალფეროვნება: ელექტროსა და გაზზე მომუშავე მოდელების გარდა, ასევე გთავაზობთ ჰიბრიდულ მოწყობილობებს, რომლებიც თავსებადია მზის ენერგიის პანელებთან.

ნდობა და ინდივიდუალური მომსახურება ყოველთვის იყო ჩვენი პრიორიტეტი. სწორედ ამიტომ, ჩვენი კონსულტანტები მზად არიან დაგეხმარონ იდეალური წყლის გამაცხელებლის შერჩევაში და გაგიზიარონ პროფესიონალური რჩევები.

ნუ დაელოდებით ზამთრის ცივ  სეზონს - გვეწვიეთ დღესვე და შეიძინეთ მაღალი ხარისხის, ენერგოეფექტური წყლის გამაცხელებელი ან სამშენებლო-სარემონტო მასალები ხელსაყრელ ფასად.

ფაქტები მითების წინააღმდეგ

მითი 1: წყლის გამაცხელებლის დამოუკიდებლად მონტაჟი დამკვირებული პრაქტიკაა. 

სიმართლე: წყლის გამაცხელებელი მხოლოდ კვალიფიციურმა სპეციალისტმა უნდა დაამონტაჟოს. ეს არ არის მოწყობილობა, რომლის ინსტალაციაც დამოუკიდებლად შეიძლება, რადგან არასწორმა პროცესმა შეიძლება გამოიწვიოს სერიოზული პრობლემები, წყლის გაჟონვა, ხანძარი ან სხვა საფრთხეები წარმოქმნას.

მითი 2: წყლის გამაცხელებლის რეგულარული მოვლა არ არის აუცილებელი. 

სიმართლე: წყლის გამაცხელებლის გამართული მუშაობისა და ხანგრძლივი სიცოცხლისუნარიანობისთვის აუცილებელია რეგულარული მოვლა და სეზონური მომზადება. მარტივი პრევენციული ზომები დაგეხმარებათ თავიდან აიცილოთ სერიოზული პრობლემები და შეამციროთ მოულოდნელი გაუმართაობის რისკი.

მითი 3: წყლის გამაცხელებლიდან წყლის ტემპერატურის ცვალებადობა ნორმალურია.

 სიმართლე: წყლის ტემპერატურის მკვეთრი ცვალებადობა საყურადღებო ნიშანია. თუ წყალი ხან ძალიან ცხელია, ხან კი საერთოდ არ თბება, ეს შეიძლება თერმოსტატის გაუმართაობაზე მიუთითებდეს და საჭიროებს სპეციალისტის ჩარევას.

მითი 4: გაზის და ელექტრო წყლის გამაცხელებლები ერთნაირ უსაფრთხოების წესებს საჭიროებს. 

სიმართლე: მართალია, ორივე ტიპის წყლის გამაცხელებელი მოითხოვს უსაფრთხოების წესების დაცვას, თუმცა არსებობს მნიშვნელოვანი განსხვავებები. ელექტრო გამაცხელებლისთვის უმთავრესია ელექტროუსაფრთხოება, როგორიცაა სწორი დამიწება და ელექტროსამონტაჟო სამუშაოები. გაზის გამაცხელებლისთვის კი განსაკუთრებით მნიშვნელოვანია ხანძარსაწინააღმდეგო უსაფრთხოება და სათანადო ვენტილაცია. ორივე შემთხვევაში აუცილებელია კვალიფიციური სპეციალისტის ჩართულობა მონტაჟისა და მომსახურების პროცესში.