რა ვიცით სხვადასხვა სამშენებლო მასალის შესახებ

სახლის მშენებლობის ან რემონტის დაგეგმვისას, ჩვეულებრივ, რამდენიმე მნიშვნელოვან საკითხს ვითვალისწინებთ, მაგალითად: საღებავის ფერის არჩევა, ხელოსნების მოძებნა, მასალების შერჩევა და ყიდვა. დაბალი ფასის გამო შერჩეული მასალა შეიძლება კონკრეტული ზედაპირისთვის საერთოდ არ გამოდგეს ან უფრო მალე დაჭირდეს შეცვლა. 

მასალების შერჩევისას ყურადღება უნდა მიექცეს მათ ხარისხსა და მახასიათებლებს ( ტენიანობას, ზედაპირის ტიპს, შიდა თუ გარე გამოყენებას, ტემპერატურას და ა.შ.). დროთა განმავლობაში ნებისმიერი მასალა ცვდება, ხოლო უხარისხო პროდუქტი შესაძლოა ხანგრძლივი გამოყენებისთვის საკმარისად გამძლე არ აღმოჩნდეს. 

ამ ბლოგში განვიხილავთ რამდენიმე სამშენებლო მასალას, რომელიც მშენებლობასა და სარემონტო სამუშაოებში ხშირად გამოიყენება - ესენია: ცემენტი, წებო-ცემენტი, თბოიზოლაცია, ანტიკოროზიულ საფარი და საღებავები.

როგორ გამოიყენება წებო-ცემენტი სამშენებლო სამუშაოებში 

წებო-ცემენტი მშენებლობასა და სარემონტო სამუშაოებში ფართოდ გამოიყენება, განსაკუთრებით კერამიკული ფილების, ბუნებრივი ქვისა და სხვა მასალების მოსაპირკეთებლად. წებო-ცემენტის შერჩევისას ყურადღება უნდა მიექცეს კონკრეტული პროდუქტის ტიპს, დანიშნულებას, გამოყენების პირობებსა და მწარმოებლის მითითებებს.

თუ სტანდარტული კერამიკული ფილა წყალს იწოვს (რაც ხელს უწყობს მყარ მოჭიდებას), კერამოგრანიტს წყლის დაბალი შთანთქმა ახასიათებს. ასეთი მასალა როგორც წესი, საჭიროებს მაღალი ადჰეზიის (მოჭიდების) მქონე წებო-ცემენტს.  კიდევ უფრო სპეციფიკურია იატაკქვეშა გათბობა და გარე სივრცეები (აივანი, ეზო), სადაც ტემპერატურის ცვალებადობის გამო მასალები მუდმივად ფართოვდება და იკუმშება. ასეთ პირობებში მნიშვნელოვანია შესაბამისი ელასტიკურობისა და ყინვაგამძლეობის მქონე წებო-ცემენტის გამოყენება. 

წებო-ცემენტის სხვადასხვა ტიპი ერთმანეთისგან შემადგენლობით, სიმტკიცით, მოქნილობითა და გამოყენების სივრცით განსხვავდება. მაგალითად, ზოგი პროდუქტი განკუთვნილია კერამიკული ფილებისთვის, ზოგი კი, მაგალითად, ნესტისა და ყინვის მიმართ მდგრადი წებო-ცემენტი, გარე სამუშაოებისთვისაც გამოიყენება. ამიტომ პროდუქტის არჩევამდე უნდა განისაზღვროს, კონკრეტულად რა მასალის დასამაგრებლად და რა ტიპის ზედაპირზე იგეგმება მისი გამოყენება. თუ შესაბამის პროდუქტს ეძებთ, შეგიძლიათ წებო-ცემენტის კატეგორიაში არსებული არჩევანიც შეადაროთ.

„ნოვას“ კატალოგში წარმოდგენილია სხვადასხვა დანიშნულების წებო-ცემენტი, მათ შორის კერამიკული ფილებისთვის განკუთვნილი პროდუქტები, ასევე ნესტისა და ყინვის მიმართ მედეგი და თბოიზოლაციის ფილებთან სამუშაო მასალები. პროდუქტის ტექნიკური მახასიათებლები, როგორიცაა წებოვნების სიმტკიცე და ჩამოცურებისადმი მედეგობა კონკრეტული სამუშაოსთვის შესაბამისი ვარიანტის შერჩევაში დაგეხმარებათ.

პროდუქტის შეძენისას შენახვის პირობები და ვადაც უნდა შემოწმდეს. მშრალი ნარევები უნდა ინახებოდეს მშრალ და გრილ გარემოში, ხოლო გამოყენებისას დაცული უნდა იყოს კონკრეტული მწარმოებლის მითითებები. „ნოვას“ პროდუქციისა და წარმოების შესახებ დამატებითი ინფორმაციის ნახვა შესაძლებელია გვერდზე ნოვას წარმოება.

თბოიზოლაციის მნიშვნელობა

სახლის მშენებლობისას ან მასშტაბური სარემონტო სამუშაოების დროს თბოიზოლაციის სწორად შერჩევას დიდი მნიშვნელობა აქვს. არასაკმარისი თბოიზოლაციის შემთხვევაში ზამთარში სითბო უფრო სწრაფად იკარგება, ზაფხულში კი შენობის შიდა სივრცე მარტივად თბება.

თბოიზოლაციის მასალებს განსხვავებული შემადგენლობა, სისქე, თბოგამტარიანობა და დანიშნულება აქვს.შერჩევისას უნდა გაითვალისწინოთ, სად გამოიყენებთ მას. საძირკველს, ფასადს, იატაკსა და სახურავს განსხვავებული ტექნიკური მოთხოვნები აქვს. 

„ნოვას“ კატალოგში წარმოდგენილი XPS,ექსტრუდირებული პოლისტიროლი, თბოსაიზოლაციო მასალაა. მისი გამოყენება შესაძლებელია შენობის გარე და შიდა თბოიზოლაცირებისთვის, ტერასებზე, იატაკებში, გარკვეულ სამაცივრე სისტემებსა და იატაკქვეშა გათბობის სისტემებთან. კონკრეტული სამუშაოსთვის თბოიზოლაციის მასალა სისქისა და ტექნიკური მახასიათებლების მიხედვით შეირჩევა. ეფექტური თბოიზოლაცია თქვენი სახლისთვის შეგიძლიათ „ნოვას“ შესაბამის კატეგორიაში შეარჩიოთ. 

სად და როგორ გამოიყენება საღებავი?

საღებავის არჩევისას მხოლოდ ფერი არ უნდა გაითვალისწინოთ. მნიშვნელოვანია, სად გამოიყენებთ მას, რა ზედაპირზე დაიტანთ და რამდენად ხშირად დასჭირდება შეღებილ ზედაპირს გაწმენდა. შიდა და გარე სამუშაოებისთვის განკუთვნილ საღებავებს განსხვავებული თვისებები აქვს.მათ შორის შემადგენლობა, ტენიანობისადმი გამძლეობა, ზედაპირთან თავსებადობა და მოვლის პირობებიც. 

დერეფნის, სამზარეულოსა და სააბაზანოსთვის უმჯობესია ისეთი საღებავი შეარჩიოთ, რომელიც სველი წმენდისთვისაა განკუთვნილი. ასე ლაქების მოშორებისას კედელი უფრო დიდხანს შეინარჩუნებს პირვანდელ იერსახეს. შიდა და გარე სამუშაოებისთვის განკუთვნილ საღებავებს განსხვავებული თვისებები აქვთ. განსხვავდება მათი შემადგენლობა, ტენიანობისადმი მედეგობა, ზედაპირთან თავსებადობა და მოვლის პირობებიც. ფასადის საღებავი სხვა საჭიროებებს უნდა აკმაყოფილებდეს – გარე ზედაპირისთვის განკუთვნილი საღებავი მზის სხივების, ნალექისა და ტემპერატურის ცვლილების მიმართ გამძლე უნდა იყოს. ასევე მნიშვნელოვანია, რომ საფარმა დროთა განმავლობაში ფერი და ზედაპირთან მოჭიდება მაქსიმალურად შეინარჩუნოს. 

„ნოვაში“ წარმოდგენილია ალპინას საღებავები, ასევე FAWORI-ის პროდუქცია. საღებავის არჩევისას უნდა გაითვალისწინოთ, შიდა სამუშაოებისთვის გჭირდებათ პროდუქტი თუ გარე ზედაპირისთვის და რა ტიპის ზედაპირზე აპირებთ მის გამოყენებას.

კატეგორიაში წარმოდგენილია ORIX ბრენდი, რომლის პროდუქტებიც კონკრეტული სამუშაოსა და ზედაპირის ტიპის მიხედვით უნდა შეირჩეს.

ლითონის კონსტრუქციების დაცვა

ტენი, ნალექი და გარემოს სხვა ზემოქმედება ლითონის ზედაპირზე დროთა განმავლობაში კოროზიას იწვევს. ღია სივრცეში განთავსებული ლითონის ელემენტები, მათ შორის ღობეები, კიბეები და სხვა კონსტრუქციები, კოროზიის მიმართ განსაკუთრებით დაუცველია. 

ანტიკოროზიული ემალი შესაბამისი ლითონის ზედაპირის დასაცავად გამოიყენება. ანტიკოროზიული ემალის დატანამდე ლითონის ზედაპირი უნდა გაიწმინდოს და მომზადდეს. დატანის მეთოდი, ფენების რაოდენობა და გაშრობის დრო კი კონკრეტული პროდუქტის ინსტრუქციის მიხედვით უნდა განისაზღვროს. 

სამშენებლო მასალის არჩევანი მხოლოდ ფასზე არ უნდა იყოს დამოკიდებული.  არჩევისას უნდა შეადაროთ პროდუქტის დანიშნულება, ტექნიკური მახასიათებლები და გამოყენების პირობები. ამ დეტალებზეა დამოკიდებული, რამდენად შეესაბამება მასალა კონკრეტულ სამუშაოს.  მსგავსი სახელწოდების მასალებსაც კი შეიძლება სრულიად განსხვავებული დანიშნულება ჰქონდეს. ამიტომ შეძენამდე უმჯობესია გადაამოწმოთ, კონკრეტულად რა სამუშაოსთვისაა პროდუქტი განკუთვნილი და რა პირობებში შეიძლება მისი გამოყენება.