საძირკველი: რა უნდა ვიცოდეთ სახლის მშენებლობის დაწყებამდე

საძირკვლის ტიპის შერჩევა დამოკიდებულია ნიადაგის შემადგენლობაზე, გრუნტის წყლების დონეზე, შენობის დატვირთვასა და კონსტრუქციულ პროექტზე. კონკრეტული პირობების მიხედვით შეიძლება გამოყენებულ იქნეს ლენტური, წერტილოვანი, ფილოვანი ან ღრმა საძირკველი. შესაბამისი ტიპი უნდა შეირჩეს გეოტექნიკური კვლევისა და კონსტრუქციული გაანგარიშების საფუძველზე, ამიტომ ამ ეტაპზე ინჟინრის ჩართვა აუცილებელია. 

ბეტონის შემადგენლობაც გადამწყვეტია. მის ძირითად კომპონენტებს წყალი, ქვიშა და მსხვილი შემავსებელი, მაგალითად ღორღი, შეადგენს, ხოლო ბეტონისთვის საჭირო თვისებების მისაღებად ნარევს სპეციალური დანამატებიც ემატება. სამშენებლო სამუშაოებში მნიშვნელოვანია წებო-ცემენტის სწორად შერჩევა, განსაკუთრებით მაშინ, როცა ბეტონის ზედაპირი კერამიკული ფილებით ან სხვა მასალით უნდა მოპირკეთდეს. ასეთ შემთხვევაში მნიშვნელობა აქვს მასალის წებოვნების სიმტკიცეს, ზედაპირთან მოჭიდებას, ჩამოცურებისადმი მედეგობასა და გამოყენების პირობებს. ბეტონის ხარისხზე გავლენას ახდენს კომპონენტების თანაფარდობა, შემავსებლების ხარისხი, ნარევის სწორი მომზადება, ჩასხმა, დატკეპნა და შემდგომი მოვლა.წებო-ცემენტი, რომელიც ცემენტის ბაზაზე მზადდება, სხვადასხვა ტიპის მოსაპირკეთებელ მასალასთან გამოიყენება. შესაბამისი პროდუქტი კი სამუშაოს ტიპისა და ზედაპირის მიხედვით უნდა შეირჩეს. 

საძირკველი გრუნტთან უშუალო კონტაქტშია, ამიტომ მისი ტენისა და წყლისგან დაცვა განსაკუთრებით მნიშვნელოვანია. არასათანადოდ მოწყობილმა ჰიდროიზოლაციამ მოგვიანებით სარდაფში ან კედლებზე ნესტი და მოსაპირკეთებელი მასალების დაზიანება შეიძლება გამოიწვიოს. ჰიდროიზოლაციის ტიპის შერჩევისას გასათვალისწინებელია გრუნტის წყლების დონე, ტენიანობა, წყლის შესაძლო წნევა, დასამუშავებელი ზედაპირი და პროექტის მოთხოვნები. 

კედლები: როგორ შევარჩიოთ შესაბამისი სამშენებლო ბლოკი 

კედლის მასალა გავლენას ახდენს სახლის თბოიზოლაციასა და ხმის იზოლაციაზე, ასევე ტენიანობის მიმართ მის მახასიათებლებზე. ამიტომ ბლოკის შერჩევისას მხოლოდ სიმტკიცე არ არის  განმსაზღვრელი ფაქტორი.

კედლების მშენებლობისთვის გამოიყენება კერამიკული აგური, ბეტონის ბლოკი და ავტოკლავური აირბეტონი, რომელსაც ხშირად გაზობლოკსაც უწოდებენ. კერამიკული აგურის თბური თვისებები კედლის სისქესა და მთლიან კონსტრუქციაზეა დამოკიდებული. ბეტონის ბლოკი შეიძლება გამოიყენებოდეს როგორც გამყოფი, ისე სხვა ტიპის კედლებისთვის, თუმცა მისი კონკრეტული დანიშნულება ბლოკის მახასიათებლებისა და კონსტრუქციული პროექტის მიხედვით განისაზღვრება. აირბეტონის ბლოკი შედარებით მსუბუქია და კარგი თბური მახასიათებლები აქვს, თუმცა მუდმივი ტენის ზემოქმედებისგან სათანადო დაცვა სჭირდება.

სამშენებლო ბლოკის ზომები ერთ-ერთი გასათვალისწინებელი პარამეტრია, თუმცა ბლოკის დანიშნულება მხოლოდ სისქით არ განისაზღვრება. მზიდი, გარე და შიდა გამყოფი კედლებისთვის შესაბამისი ბლოკი მისი ტექნიკური მახასიათებლების მიხედვით უნდა შეირჩეს.ხოლო ზომა და ტიპი შენობის პროექტის, ბლოკის ტექნიკური მახასიათებლებისა და კედლის დანიშნულების მიხედვით.

სახლის მშენებლობაში მინა ბლოკები ცალკე კატეგორიაა. ისინი სინათლის გასატარებლად, სივრცეების გასამიჯნად და დეკორატიული კედლების მოსაწყობად გამოიყენება. სტანდარტული მინა ბლოკის კედელი მზიდ კონსტრუქციად არ განიხილება, ამიტომ მასზე შენობის კონსტრუქციული დატვირთვის დაყრდნობა დაუშვებელია. 

კედლების მოწყობის შემდეგ სამუშაოების თანმიმდევრობა პროექტისა და მშენებლობის გეგმის მიხედვით განისაზღვრება. შიდა შელესვა, როგორც წესი, მას შემდეგ იწყება, რაც შენობა ნალექისგან დაცულია და შელესვამდე შესასრულებელი საინჟინრო გაყვანილობები მოწყობილია. გარე შელესვა კედლის შესაბამისი სისტემის ნაწილია და მის შესრულებასაც კონკრეტული მასალისა და ფასადის ტექნოლოგიური მოთხოვნები განსაზღვრავს. შიდა შელესვა ზედაპირს შემდგომი მოპირკეთებისთვის ამზადებს.

იატაკი: ფენების სწორი თანმიმდევრობა

იატაკის ფილის შერჩევაზე რამდენიმე ფაქტორი მოქმედებს: ტვირთგამძლეობა, ზედაპირის ტიპი, გლუვია თუ უფრო მდგრადი მოცურებისადმი, ასევე, სად უნდა დაიგოს - სველ თუ მშრალ სივრცეში. ეს მახასიათებლები განსაზღვრავს, თუ რა სახის ფილაა საჭირო კონკრეტული სივრცისთვის.

ტექნიკური მახასიათებლებიდან PEI კლასი ფილის ზედაპირის ცვეთამედეგობას განსაზღვრავს, ხოლო R მაჩვენებელი მოცურებისადმი მდგრადობას. კონკრეტული ფილის შერჩევისას უნდა გაითვალისწინოთ მწარმოებლის მიერ მითითებული კლასიფიკაცია და ფილის დანიშნულება.

გათბობა და ცხელი წყალი: ორი ინფრასტრუქტურული გადაწყვეტა

სახლის გათბობა და ცხელი წყლით მომარაგება ორი ცალკე საინჟინრო სისტემაა, თუმცა ხშირად მათ საერთო დანადგარი ემსახურება. გათბობის სისტემის დაგეგმვისას გადამწყვეტია, თუ რა ტიპის შენობასთან გვაქვს საქმე. კერძო სახლის შემთხვევაში აუცილებლად უნდა გავითვალისწინოთ სართულების რაოდენობა და შენობის თბოდანაკარგი, ბინის შემთხვევაში კი სისტემა უფრო მეტად მორგებულია არსებულ კვადრატულობასა და შიდა იზოლაციაზე. რაც შეეხება ცხელ წყალს, აქ გადამწყვეტი ოჯახის წევრების რაოდენობა და მოხმარების მოცულობაა.

გამაცხელებელი წყლისთვის, მაგალითად ელექტრო წყლის გამაცხელებელი  ან გაზის წყლის გამაცხელებელი, ოჯახის ზომის, ენერგიის წყაროს ხელმისაწვდომობისა და მოხმარების მიხედვით ირჩევა. ავზიანი მოწყობილობის შემთხვევაში მოცულობა უნდა შეესაბამებოდეს ცხელი წყლის საჭირო რაოდენობას.

სახურავი: კონსტრუქცია, მასალა და დაცვა

სახურავი სახლს ნალექისა და სხვა ატმოსფერული ზემოქმედებისგან იცავს და შენობის თბურ მახასიათებლებზეც მოქმედებს. შედეგი სახურავის კონსტრუქციაზე, ფერდობის დახრის კუთხეზე, საიზოლაციო ფენებსა და გადახურვის მასალაზეა დამოკიდებული. 

შეიძინეთ სახურავი "ნოვაში", სადაც წარმოდგენილია თუნუქის გადახურვის სხვადასხვა ტიპი. მათ შორისაა მეტალოკრამიტი, პროფილირებული ფენილი და ჩამკეტიანი ფურცლოვანი ფენილი. კონკრეტული ვარიანტის არჩევისას გასათვალისწინებელია სახურავის კონსტრუქცია, ფერდობის დახრა, თუნუქის სისქე  და მწარმოებლის სამონტაჟო რეკომენდაციები.

სახურავის თბოიზოლაციისთვის მასალა კონსტრუქციის მიხედვით უნდა განისაზღვროს. XPS (ექსტრუდირებული პოლისტიროლი), მინაბამბა და სხვა საიზოლაციო მასალები განსხვავებულ პირობებში გამოიყენება, ამიტომ ერთი მასალის ყველა სახურავისთვის შერჩევა არასწორია. სწორად მოწყობილი თბოიზოლაცია ზამთარში სახურავიდან სიცივის შემოსვლას უშლის ხელს, ხოლო ზაფხულში სახურავიდან სითბოს შემოსვლას ამცირებს.

სახურავის შეღებვა შეიძლება საჭირო გახდეს თუნუქის საფარის განახლებისა და კოროზიისგან დამატებითი დაცვისთვის. კონკრეტული სახურავის საღებავი უნდა შეირჩეს მასალის, არსებული საფარის მდგომარეობისა და პროდუქტის გამოყენების ინსტრუქციის მიხედვით.

ეტაპების თანმიმდევრობა

მშენებლობის ეტაპები ერთმანეთთან მჭიდროდ არის დაკავშირებული. საძირკვლის ჰიდროიზოლაცია შენობას ტენისა და წყლის ზემოქმედებისგან იცავს, ხოლო კედლის მასალა, მისი სისქე და თბოიზოლაცია შენობის თბურ მახასიათებლებზე გავლენას ახდენს. სახურავის სწორად მოწყობა კი შენობის კონსტრუქციას ნალექისა და სხვა გარემო ზემოქმედებისგან იცავს. ამიტომ ერთ ეტაპზე დაშვებულმა შეცდომამ შესაძლოა მომდევნო სამუშაოების ხარისხზეც იმოქმედოს.

სამშენებლო მაღაზიათა ქსელი "ნოვა" 2006 წლიდან მუშაობს. კომპანია საქართველოს 10 ქალაქს მოიცავს და ადგილობრივად 500-ზე მეტი დასახელების პროდუქტს აწარმოებს. კომპანია ფლობს ISO 9001:2015 ხარისხის მართვის სისტემის სერტიფიკატს. მასალის შეძენა ონლაინ არის შესაძლებელი. სტანდარტული მიწოდება 3–5 სამუშაო დღის განმავლობაში ხორციელდება, ხოლო სააქციო პერიოდში ვადა შეიძლება გაიზარდოს. განვადება 48 თვემდეა ხელმისაწვდომი.