როგორი გადახურვის ტიპები არსებობს

გადახურვა სახლის მნიშვნელოვანი კომპონენტია, მისი ხარისხი კი, შეიძლება ითქვას, ყოველ ზამთარს მოწმდება. მისი შერჩევა დაკვირვებას მოითხოვს, ეს პროცესი კი, ძირითადად, სამ კითხვამდე დაიყვანება: რა სახის საფარი აქვს, რომელი ტიპის თუნუქის სახურავი სჯობს და რამდენი მასალაა საჭირო. ამ ბლოგში სწორედ  ამ სამ კითხვას  ვუპასუხებთ.

რა განსხვავებაა მოთუთიებულსა და ფერად სახურავს შორის 

თუნუქის გადახურვის გამძლეობა, პირველ რიგში, მასალის საფარზეა დამოკიდებული. ყველაზე გავრცელებული ვარიანტი მოთუთიებული თუნუქის მასალაა. თუთიის შემცველობა კოროზიისგან ზედაპირის გაცვეთის შემთხვევაშიც იცავს. მოთუთიებულ სახურავს კოროზიისკენ მიდრეკილება ყველაზე ნაკლებად აქვს.

თუნუქის ფერადი ფურცელი ამ დაცვას კიდევ ერთ შრეს ამატებს. თუნუქზე, თუთიის საფარის გარდა, პოლიმერული საღებავი თავსდება – ჯერ სათანადო გრუნტი, შემდეგ კი საღებავი. ეს კომბინაცია მასალას კოროზიისგან და ულტრაიისფერი გამოსხივებისგან იცავს. ორგანული საფარი ქარხნულ პირობებში, მაღალ ტემპერატურაზე მუშავდება, რაც მის სიმტკიცეს განსაზღვრავს. პრაქტიკული სარგებელი ისაა, რომ ფერი ბევრად უფრო დიდხანს ნარჩუნდება. 

ამ ორ ვარიანტს შორის არჩევანი, ძირითადად, კლიმატსა და გამოყენების პირობებზეა დამოკიდებული. მოთუთიებულ თუნუქს უფრო მეტი თუთიის შემცველობა აქვს და ძირითადად სამეურნეო დაწესებულებების გადასახურად იყენებენ. ფერად მეტალოკრმიტსა და პროფილირებულ ფენილს ემატება მრავალფეროვანი ვიზუალური არჩევანი.

კლიმატური პირობების გათვალისწინება გადახურვისას

ნალექი და ტენიანობა: უხვნალექიან რეგიონებში კრიტიკულად მნიშვნელოვანია კოროზიის მიმართ მდგრადი მასალის გამოყენება.

ქარი და სეტყვა: ძლიერი ქარის ან ხშირი სეტყვის ზონებში მასალა მყარად უნდა მაგრდებოდეს კონსტრუქციაზე და უნდა იყოს მტკიცე კონსტრუქციის მქონე (მაგალითად, ხარისხიანი მეტალოკრამიტი).

სამი ერთმანეთისგან განსხვავებული ვარიანტი

საფარის გარდა, სახურავის ფუნქციასა და ვიზუალს თუნუქის ფორმა განსაზღვრავს. სამშენებლო და სარემონტო მასალებში ყველაზე ხშირად სამ ვარიანტს შეხვდებით:

• მოთუთიებული სახურავი – ტრაპეციული ან ტალღოვანი კვეთის თუნუქი, რომელიც ყველაზე ხშირად სამეურნეო და სამრეწველო ობიექტებზე გამოიყენება. ტალღოვანი ფორმა მას სიმტკიცეს მატებს. სწორედ ამ სტრუქტურის გამო უძლებს კარგად თოვლის დატვირთვასა და ძლიერ ქარს – ეს ორი ფაქტორი გადახურვისთვის ყველაზე სერიოზული გამოწვევაა.
• ფერადი თუნუქის სახურავს ზემოთ აღწერილი დამცავი საფარის გარდა, ემატება პოლიმერის დაფარვა. გამოიყენება იქ, სადაც, ფუნქციასთან ერთად, ვიზუალიც მნიშვნელოვანია. აქვს მრავალფეროვანი არჩევანი ღარის სიმაღლეების მიხედვით. 
• ფერადი მეტალოკრამიტი სახურავის კლასიკური კრამიტის ფორმას იმეორებს. ეს ვარიანტი საცხოვრებელ სახლებზე უფრო ხშირად გამოიყენება, რადგან კლასიკური ვიზუალი თუნუქის სიმსუბუქესა და გამძლეობას ერწყმის. სახურავი კრამიტივით გამოიყურება, მაგრამ წონა გაცილებით ნაკლები აქვს, რაც სახლის კონსტრუქციაზე დატვირთვასაც ამცირებს. ამასთანავე, თუნუქი ერთი მთლიანი ნაჭრით ფარავს იმ ფართობს, რომლისთვისაც ათობით კრამიტი იქნებოდა საჭირო. ეს მონტაჟის პროცესს ამარტივებს და გადაბმების რაოდენობასაც ამცირებს.
• ჩამკეტიანი ფურცლოვანი ფენილი სხვა პრინციპით მუშაობს. თუნუქი ერთმანეთს სპეციალური ჩამკეტი კიდეებით უკავშირდება, რაც გადაბმას ბევრად უფრო მჭიდროს ხდის. შესაბამისად, ეს ვარიანტი ყველაზე კარგია იქ, სადაც ნალექების წინააღმდეგ განსაკუთრებული მდგრადობაა საჭირო.

მონტაჟი – რაზეც, ჩვეულებრივ, ნაკლებად ფიქრობენ

თუნუქის სახურავის გამძლეობა მხოლოდ მასალაზე არ არის დამოკიდებული, გადამწყვეტია სწორი მონტაჟიც. ერთ-ერთი მთავარი მოთხოვნაა სახურავის შესაბამისი დახრა. თუ დახრა რეკომენდებულზე ნაკლებია, წყალი ნელა გაედინება, იზრდება გადაბმის ადგილებში ტენის შეღწევის რისკი, რაც დროთა განმავლობაში შეიძლება კოროზიისა და კონსტრუქციის დაზიანების მიზეზი გახდეს. ამიტომ სახურავის მონტაჟი ყოველთვის უნდა შეესაბამებოდეს კონკრეტული სახლისა და სახურავის  ტექნიკურ მოთხოვნებს. 

გადახურვისას თუნუქის ქვეშ ჰიდრო-საიზოლაციო ფენა აუცილებელია, განსაკუთრებით გადახურვის ქვედა მიდამოში, სადაც ნესტის დაგროვება ყველაზე ხშირია. სრულყოფილი დათბუნებული კონსტრუქციისთვის საჭიროა: ორთქლსაიზოლაციო მემბრანა, ქვაბამბა/მინაბამბა და დიფუზიური მემბრანა. 

სამაგრები, ანუ ხრახნები, ამ პროცესის ბოლო, მაგრამ ერთ-ერთი მნიშვნელოვანი ნაწილია. აუცილებელია რეზინიანი ხრახნები, რათა არ გამოიწვიოს დეფორმაცია. 

კიდევ ერთი პრაქტიკული საკითხია ის, რომ მასალა, სამუშაო ადგილზე მიტანამდე  და შემდეგ, სწორად უნდა ინახებოდეს. 

რამდენი სხვადასხვა მასალაა საჭირო

ბოლო კითხვა, რომელზეც პასუხი ყოველთვის ზუსტად არ ვიცით ისაა, თუ რა რაოდენობის მასალა დაგვჭირდება კონკრეტული სამუშაოსთვის? სახლის სახურავის გადახურვის ფართობი, დახრის კუთხე, არჩეული თუნუქის სახურავი – ყველა ეს პარამეტრი საბოლოო რაოდენობაზე მოქმედებს. ხელით გამოთვლა შესაძლებელია, მაგრამ ზედმეტი მასალის შეძენა ან, პირიქით, ნაკლების –  ამ ეტაპზე დაშვებული ხშირი შეცდომებია, რომლებიც დროსა და ხარჯს ზრდის. 

სახლის სახურავის გადახურვის ფართობის გამოთვლა მარტივ, ბრტყელ კონსტრუქციაზე ადვილია, მაგრამ თაღოვან ან არარეგულარული ფორმის სახურავებზე დაანგარიშების პროცესი ბევრად რთულდება. ამ შემთხვევაში, ყოველი ფერდი ცალ-ცალკე გამოითვლება, გადაბმისთვის გათვალისწინებული გადახურვა ემატება, ბოლოს კი ეს რიცხვები ჯამდება. 

კალკულატორი სახურავის ფართობის გამოთვლას ბევრად უფრო ამარტივებს. საჭირო პარამეტრების შეყვანის შემდეგ ის მასალის საჭირო რაოდენობას ზედმეტი ვარაუდებისა და შეცდომის გარეშე ითვლის. 

სახლის სახურავის გადახურვის შერჩევა თანმიმდევრული პროცესების ჯაჭვია. ყველა ეტაპი მომდევნოზე მოქმედებს. "ნოვა" ამ პროცესის თითოეულ ეტაპზე – სამშენებლო და სარემონტო მასალების შერჩევიდან სამონტაჟო კონსულტაციამდე – შესაბამის პროდუქტს გთავაზობთ.