შექმენი იდეალური გარე სივრცე ზაფხულისთვის

ეზო საცხოვრებელი სახლის უმნიშვნელოვანესი ნაწილია, რომელიც საშუალებას გაძლევთ დაისვენოთ, გაერთოთ და ღია ცის ქვეშ სასიამოვნო დრო გაატაროთ საყვარელ ადამიანებთან ერთად. 

სწორედ ამიტომ, მას გაფრთხილება და სწორად მოწყობა სჭირდება. 

“ნოვა” ამ ბლოგპოსტში 4 მარტივ ნაბიჯს შემოგთავაზებთ, რომელიც საცხოვრებელი სახლის გარე სივრცის თქვენი ოცნების ეზოდ ქცევაში დაგეხმარებათ. 

როგორ მოვაწყოთ სახლის გარე სივრცე? 

ნაბიჯი 1: ავეჯის შერჩევა

ისეთი გარე ავეჯი, როგორიცაა სასადილო მაგიდა და სკამები საოჯახო წვეულებებისა და მეგობრული შეკრებების განუყოფელი ნაწილია. 

ეზოსთვის მოძებნეთ გამძლე მასალით აგებული თანამედროვე გარე ავეჯი, რომელიც როგორც ცხელ, ისე ცივ ამინდებს გაუძლებს. 

მაქსიმალური კომფორტისთვის შეგიძლიათ ბუდე საქანელა შეიძინოთ. ის როგორც ბავშვების, ისე მოზრდილების ერთ-ერთი საყვარელი აქსესუარი გახდება. 

ბუდე საქანელა შეგიძლიათ საჩრდილობლის ქვეშ მოათავსოთ, რომელიც ზაფხულის მწველი მზისგან დაგიცავთ და საშუალებას მოგცემთ ღია სივრცეში მეტი დრო გაატაროთ. 

ნაბიჯი 2: შესაფერისი განათების შერჩევა

რაც უფრო დიდ დროს გაატარებთ გარეთ, მით მეტად დაგჭირდებათ სათანადო გარე ავეჯი  და განათება. განათების სწორი დაგეგმვა ეზოში თბილ და მხიარულ გარემოს შექმნის როგორც საღამოს საათებში, ასევე ღამით. დეკორატიული ლამპიონები ან მიწაში ჩასმული სანათები გამოაცოცხლებს ეზოს და უზრუნველყოფს ადამიანების უსაფრთხო გადაადგილებას. 

ეზოს განათების შერჩევა “ნოვას” მაღალკვალიფიციური კონსულტანტების დახმარებით შეგიძლიათ. ისინი დაგეხმარებიან თქვენს საჭიროებებზე მაქსიმალურად მორგებული პროდუქტის შეძენაში. 

ნაბიჯი 3: მწვადის მომზადება

ეზოს ერთ-ერთი უმნიშვნელოვანესი დანიშნულებაა მისი გარე სამზარეულოდ გამოყენება. ეზოებში ხშირად იწვება მწვადი და მზადდება სხვადასხვა ტიპის საკვები. 

სამწვადე მაყალი ეზოსთვის “ნოვას” ჰიპერმარკეტში შეგიძლიათ შეიძინოთ საუკეთესო ფასად. 

ნაბიჯი 4: გრილის მოწყობა 

გარდა მწვადისა, გრილის არსებობა კიდევ უფრო მრავალფეროვანს გახდის თქვენს გარე სამზარეულოს. თანამედროვე გრილები გარდა ხორცეულისა, საშუალებას გაძლევთ მოამზადოთ სხვადასხვა სახის ბოსტნეულიც. 

შეარჩიეთ გრილის თქვენთვის სასურველი ზომა და გამოყავით შესაბამისი სივრცე ეზოში. 

ეზოს ამგვარად მოწყობა შექმნის იდეალურ გარემოს დასვენებისა და გართობისთვის. კომფორტული გარე ავეჯი, სათანადო განათება და კარგი სამწვადე სივრცე თქვენი ეზოს სასიამოვნო კუთხედ აქცევს, რომელიც საუკეთესო მოგონებების შექმნაში დაგეხმარებათ. 

ეზოს აქსესუარები და ავეჯი ბავშვებისთვის

ბავშვებისთვის ეზოს სწორად მოწყობა არა მხოლოდ გასართობ გარემოს ქმნის, არამედ მათ ჯანსაღ განვითარებასაც უზრუნველყოფს. ეზო არის ადგილი, სადაც ბავშვებს შეუძლიათ ითამაშონ, იმოძრაონ და ბუნებას აქტიურად დააკვირდნენ. შესაბამისი ავეჯისა და აქსესუარების შერჩევა კი მას უფრო მიმზიდველს და სახალისოს გახდის.

საქანელა კლასიკური ეზოს აქსესუარია, რომელიც ყოველთვის იზიდავდა ბავშვების ყურადღებას. საქანელები არა მხოლოდ გასართობია, არამედ ბავშვებს ბალანსისა და კოორდინაციის განვითარებაში ეხმარება. 

“ნოვა” საშუალებას გაძლევთ მაღალი ხარისხის ბუდე საქანელა საუკეთესო ფასად შეიძინოთ. კომფორტული ბუდე საქანელა თქვენს პატარებს თამაშის შემდეგ მშვიდად დასვენების საშუალებას მისცემს. 

იმისთვის, რომ ეზო ბავშვებისთვის უსაფრთხო სივრცეს წარმოადგენდეს და დაზიანების რისკი მინიმუმამდე იყოს დაყვანილი, მნიშვნელოვანია სივრცის ეფექტურად განათება. 

სივრცის მრავალფეროვნებისთვის ფერადი ეზოს განათება შეგიძლიათ შეიძინოთ.

გარე ავეჯი და აქსესუარები - “ნოვას” პროდუქცია 

“ნოვა” ქართულ ბაზარზე 2006 წელს გამოჩნდა. 2020 წლიდან კი კომპანიამ საცალო მიმართულების განვითარება დაიწყო და დღესდღეობით საქართველოს 7 დიდ ქალაქში: თბილისში, ქუთაისში, ბათუმში, თელავში, გორში მარნეულსა და ხაშურში ფლობს ჰიპერმარკეტებს. 

სასურველი პროდუქტის შემდეგ შეგეძლებათ მიტანის სერვისით სარგებლობაც, რომელიც მთელი ქვეყნის მასშტაბითაა ხელმისაწვდომი.