Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
ჰაერის კონდიცირება და ადამიანის ჯანმრთელობა - დადებითი და უარყოფითი მხარეები

ჰაერის კონდიცირება და ადამიანის ჯანმრთელობა - დადებითი და უარყოფითი მხარეები

ჰაერის კონდიცირება და ადამიანის ჯანმრთელობა - დადებითი და უარყოფითი მხარეები

კონდიციონერი გვიცავს ზაფხულის სიცხისგან, გადახურების რისკებს ამცირებს და დღესდღეობით კომფორტული გარემოს შექმნის აუცილებელ ელემენტად მოიაზრება. თუმცა, ჰაერის კონდიცირებას ყველა დადებით მხარესთან ერთად, შესაძლოა ჩვენს ჯანმრთელობაზე გარკვეული უარყოფითი გავლენაც ჰქონდეს.

 

,,ნოვა”, მაღალი ხარისხის ტექნიკასთან ერთად, სასარგებლო რჩევებსაც გთავაზობთ, კონდიციონერის მოხმარება მაქსიმალური კომფორტით,  ჯანმრთელობის რისკის გარეშე შეძლოთ. ამ ბლოგში განვიხილავთ კონდიციონერის როგორც დადებით, ისე უარყოფით მხარეებს ჯანმრთელობასთან მიმართებაში და შემოგთავაზებთ პრაქტიკულ რჩევებს კონდიცირების ოპტიმალურად გამოყენების უზრუნველსაყოფად. 

კონდიციონერის დადებითი გავლენა

სიცხისგან თავის დაღწევის და პროდუქტიულობის შენარჩუნების პარალელურად, კონდიციონერს შეუძლია მნიშვნელოვანი სარგებელი მოუტანოს ადამიანის ჯანმრთელობას. 

სიცხისგან დაცვა და თერმული კომფორტი

კონდიციონერის ერთ-ერთი მთავარი დადებითი მხარე სიცხისგან დაცვა და თერმული კომფორტის უზრუნველყოფაა. ზაფხულის პიკის პერიოდში, როცა ტემპერატურა 30°C-ს აღემატება, გადახურებისა და სიცხისაგან მიღებული ზიანის შანსები იზრდება. ასეთ ვითარებაში განსაკუთრებით მოწყვლადები არიან ხანდაზმულები, ჩვილები და გულ-სისხლძარღვთა პრობლემების მქონე ადამიანები. კონდიციონერი, ექსტრემალური სიცხის პირობებში, ორგანიზმს გადახურებისაგან იცავს.  

ჰაერის ფილტრაცია და ალერგენების შემცირება

კონდიციონერები აღჭურვილია ჰაერის ფილტრებით, რომლებიც სივრცის შიგნით ჰაერს მტვრისგან, ბაქტერიებისაგან, ცხოველების ბეწვისა და სხვა ალერგენებისგან ასუფთავებს. ეს ფუნქცია განსაკუთრებით მნიშვნელოვანია ალერგიისა და ასთმის მქონე ადამიანებისთვის. თანამედროვე კონდიციონერებში დამონტაჟებული HEPA (High Efficiency Particulate Air) ფილტრები ჰაერიდან 99.97% მიკრონზე მეტი ზომის ნაწილაკებს აშორებს, მათ შორის  ყველაზე გავრცელებულ ალერგენებსაც.

ტენის კონტროლი და ობის პრევენცია

თანამედროვე კონდიციონერი ჰაერის ტენიანობასაც არეგულირებს, რაც მნიშვნელოვანი ფაქტორია ჯანსაღი გარემოს შექმნისთვის. ზედმეტი ტენი ხელს უწყობს ობის განვითარებას კედლებსა და ჭერზე, რაც თავის მხრივ სოკოს სპორების გაჩენის ალბათობას ზრდის. 

 

მსოფლიო ჯანდაცვის ორგანიზაციის თანახმად, თავიდან რომ ავიცილოთ ტენთან დაკავშირებული ჯანმრთელობის პრობლემები, შენობებში ფარდობითი ტენიანობის ოპტიმალური დონე უნდა იყოს 40-60%-ის ფარგლებში. თანამედროვე კონდიციონერი, ჰაერის სიმშრალის კონტროლის ფუნქციის დახმარებით ავტომატურად ინარჩუნებს სასურველ ტენიანობას და, შედეგად, უზრუნველყოფს  ჯანსაღ გარემოს სახლებსა თუ ოფისებში.

კონდიციონერის უარყოფითი მხარეები ჯანმრთელობისთვის

მიუხედავად მოწყობილობის ბევრი დადებითი ფუნქციისა, არსებობს გარკვეული რისკები, რომლებიც კონდიცირების სისტემების არასწორ ან გადაჭარბებულ გამოყენებას უკავშირდება.

სუსტი იმუნიტეტი და ხშირი გაციება

კონდიციონერის გამოყენება ზოგჯერ სუსტ იმუნიტეტთან და ხშირ გაციებასთან ასოცირდება. როდესაც ადამიანი ხანგრძლივად იმყოფება კონდიცირებულ სივრცეში და შემდეგ ხვდება ბუნებრივ პირობებში, სადაც ტემპერატურა ბევრად მაღალია, ორგანიზმს გარემოს ცვლილებასთან ადაპტირება უჭირს. ეს ტემპერატურული შოკი აღიზიანებს სასუნთქ გზებს და ზრდის ვირუსული ინფექციების რისკს.

 

მაგალითად, ოფისის თანამშრომლები, რომლებიც მუდმივად კონდიცირებად სივრცეში მუშაობენ, ხშირად უჩივიან ყელის ტკივილისა და  სურდოს. ძლიერად კონდიცირებულ გარემოში ხანგრძლივი ყოფნა აქვეითებს ორგანიზმის თერმორეგულაციის უნარს და ამცირებს სხეულის ბუნებრივი დამცავი მექანიზმების ეფექტურობას.

კანის და სასუნთქი სისტემის გამოშრობა

კონდიცირების გვერდითი ეფექტი შეიძლება იყოს კანის და სასუნთქი გზების გამოშრობა. კონდიციონერი ამცირებს ჰაერის ტენიანობას და აშრობს გარემოს, რაც ნეგატიურად ზემოქმედებს ჩვენს ლორწოვან გარსებზე. კანი კარგავს ელასტიკურობას, ხდება გამომშრალი, მარტივად იქერცლება და ჩნდება ქავილის შეგრძნება. 

,,შენობის დაავადების სინდრომი" და თავის ტკივილი

"შენობის დაავადების სინდრომით" (Sick Building Syndrome - SBS) მოიხსენიებენ ჯანმრთელობის გარკვეული პრობლემების ჯგუფს - თავის ტკივილი, თვალების, ცხვირისა და ყელის გაღიზიანება, დაღლილობა, თავბრუსხვევა და ა.შ. SBS-ის ძირითადი გამომწვევებია ისეთი ფაქტორები, როგორც შიდა ჰაერის ცუდი ხარისხი, არაადეკვატური ვენტილაცია, ქიმიური დამაბინძურებლები და სხვა.

მსოფლიო ჯანდაცვის ორგანიზაციის შეფასებით, ახალი და განახლებული შენობების 30%-ში "შენობის დაავადების სინდრომის" პოტენციური გამომწვევი ელემენტები შეინიშნება. ჰაერის კონდიცირების სისტემებიც ასრულებს გარკვეულ როლს SBS-ის განვითარებაში. კონდიციონერის ფილტრების არასათანადო მოვლამ შეიძლება ხელი შეუწყოს ბაქტერიების, ობის და მავნე ნივთიერებების დაგროვებას. 

რჩევები, როგორ უნდა გამოიყენოთ კონდიციონერი უსაფრთხოდ

კონდიციონერის ჯანმრთელობისთვის უსაფრთხო გამოყენებისთვის გთავაზობთ რამდენიმე რჩევას:

  1. რეგულარული გასუფთავება და ფილტრების გამოცვლა აუცილებელია ჰაერში ბაქტერიების, ობის და სხვა დამაბინძურებლების დაგროვების თავიდან ასაცილებლად;
  2. შეეცადეთ შიდა და გარე ტემპერატურებს შორის სხვაობა არ აღემატებოდეს 8°C-ს. ეს შეამცირებს დისკომფორტს, სასუნთქი გზების პრობლემებსა და სხვა ჯანმრთელობის რისკებს;
  3. კონდიციონერის ჰაერის ნაკადის ქვეშ ძილი ან ხანგრძლივი ჯდომა იწვევს კისრისა და კუნთების გაშეშებას. კონდიციონერი მოათავსეთ  ისეთ ადგილას, საიდანაც ჰაერის ნაკადი პირდაპირ ადამიანებისკენ არ იქნება მიმართული;
  4. კონდიციონერის მშრალი ჰაერი იწვევს ორგანიზმის გაუწყლოებას. აუცილებლად მიაქციეთ ყურადღება რომ სითხის დღიური რეკომენდებული ნორმა მაინც მიიღოთ თუ კონდიცირებულ სივრცეში იმყოფებით;;
  5. კონდიციონერის ზედმეტად მშრალი ჰაერი აღიზიანებს ლორწოვან გარსებს და ზრდის ინფექციებისადმი მიდრეკილებას. შეეცადეთ შეინარჩუნოთ 30-50%-იანი ფარდობითი ტენიანობა ოთახში;
  6. არ გამორთოთ კონდიციონერი მოულოდნელად. მოულოდნელმა ტემპერატურულმა ცვლილებებმა შეიძლება ორგანიზმი სტრესულ მდგომარეობაში ჩააგდოს. გამოიყენეთ პროგრამირებადი პარამეტრები ოპტიმალური ტემპერატურის შესანარჩუნებლად.

თუ ამ რჩევებს გაითვალისწინებთ, შეძლებთ ისარგებლოთ ჰაერის კონდიცირების უპირატესობებით და ამავდროულად ჯანმრთელობაზე შესაძლო ნეგატიური ზეგავლენა მინიმუმამდე შეამციროთ. 

თუ ჯერ კიდევ არ გაქვთ შეძენილი კონდიციონერი ან ძველის ახლით ჩანაცვლებას ფიქრობთ, მიმართეთ სანდო და გამოცდილ კომპანიას "ნოვა". თანამედროვე კონდიციონერების ფართო არჩევანი, მაღალკომპეტენტური კონსულტაციის სერვისისა და პროფესიონალური მონტაჟის წყალობით, მიიღებთ თქვენზე მორგებულ და ეფექტურ კონდიცირების სისტემას, რომელიც უზრუნველყოფს თქვენს კომფორტს მინიმალური ენერგოდანახარჯებით.

სხვა ბლოგები

შექმენი იდეალური გარე სივრცე ზაფხულისთვის

შექმენი იდეალური გარე სივრცე ზაფხულისთვის

8 მაისი 2024

როგორ შევინარჩუნოთ სიგრილე სახლში

როგორ შევინარჩუნოთ სიგრილე სახლში

30 აპრილი 2024

საუკეთესო აქსესუარები ეზოს გასალამაზებლად

საუკეთესო აქსესუარები ეზოს გასალამაზებლად

16 აპრილი 2024

როგორ გავათბოთ სახლი სწრაფად და მარტივად?

როგორ გავათბოთ სახლი სწრაფად და მარტივად?

ზამთრის დადგომასთან ერთად, საცხოვრებელი და სამუშაო სივრცეების გათბობა განსაკუთრებით მნიშვნელოვანი ხდება. ადამიანებისთვის კომფორტული ტემპერატურის შექმნასთან ერთად, გათბობა ჩვენი ჯანმრთელობისა და ზოგადი კეთილდღეობისთვისაც გადამწყვეტია. სივრცეებში სათანადო ტემპერატურის შენარჩუნება ისეთი დაავადებებისგან გვიცავს, როგორებიცაა სხეულის გადაციებასთან დაკავშირებული პრობლემები - მაგ.: პნევმონია.

29 დეკემბერი 2023