Roof catalog
Manual
Betek catalog
Fireproof plasterboard
Sort by:
1 Products found
თაბაშირ-მუყაოს ცეცხლგამძლე ფილა
მშენებლობაში ხანძარსაწინააღმდეგო ღონისძიებები ხშირად მაშინ ხვდება ყურადღების ცენტრში, როდესაც პროექტი დასრულების პირასაა. სინამდვილეში, ცეცხლმედეგი კონსტრუქციის გათვლა სამუშაოს დაწყებამდე ხდება და ცეცხლგამძლე თაბაშირ-მუყაოც სწორედ ამ ეტაპზე ჩნდება.
რა არის და სად გამოიყენება ასეთი ფილა?
ცეცხლგამძლე ფილა გარეგნულად ჩვეულებრივ თაბაშირ-მუყაოს ჰგავს, მაგრამ განსხვავება მასალაშია. გაძლიერებული თაბაშირის გულს მინის ბოჭკო და მინერალური დანამატები ემატება, რაც მაღალ ტემპერატურაზე ფილის ბირთვის მთლიანობას უფრო დიდხანს ინარჩუნებს. სწორედ ამ თვისებით განსხვავდება წითელი ფილა სტანდარტული თეთრი ან ნესტგამძლე მწვანე სახეობებისგან. ევროპულ სტანდარტში EN 520 ეს პროდუქტი Type F ან Type DF კატეგორიას განეკუთვნება, ხოლო ცეცხლზე რეაქცია A2-s1,d0-ით არის კლასიფიცირებული.
აქ ერთი მნიშვნელოვანი ნიუანსია: ცეცხლგამძლე გიფსოკარდონი არ ნიშნავს ცეცხლგაუმტარს. ეს ფილა passive fire protection სისტემებში გამოიყენება და ცეცხლის გავრცელებასა და სითბოს გადაცემას გარკვეული დროით აფერხებს. ამასთან, ცეცხლმედეგობა ყოველთვის მთლიან კონსტრუქციაზე – ტიხარზე, ჭერზე ან შახტზე ფასდება და არა ერთ, კონკრეტულ ფილაზე. დაცვის ხანგრძლივობა სრულ სამონტაჟო სისტემაზე: თაბაშირ-მუყაოს პროფილებზე, ფენების რაოდენობაზე, თბოიზოლაციასა და შეერთებების სისწორეზეა დამოკიდებული.
ცეცხლგამძლე თაბაშირის ყველაზე ხშირი გამოყენება
ცეცხლგამძლე ფილა ყველაზე ხშირად გამოიყენება შიდა ტიხრებში, შეკიდულ ჭერებში, საევაკუაციო დერეფნებსა და სახანძრო შახტების კედლებში. ამ გამოყენებებისთვის ყველაზე გავრცელებული სისქე არის 12.5 მმ, ხოლო სტანდარტული ზომა კი – 2500×1200 მმ-ია, რაც 3 მ² დაფარვას იძლევა. 15 და 18 მმ სისქის ვარიანტები გამოიყენება მაშინ, როდესაც სახანძრო დაცვის მომეტებული მოთხოვნები არსებობს. ნოვაში მათი ფართო არჩევანია წარმოდგენილი.