სახურავის კატალოგი
ავზის კატალოგი
სახელმძღვანელო
ბეტეკის კატალოგი
სააბაზანო ოთახი ნებისმიერი ბინის მნიშვნელოვანი ნაწილია. როცა სააბაზანოში დიდი ფართია, რა თქმა უნდა, იქ თავისუფლად შეგიძლიათ განათავსოთ თქვენთვის საჭირო ავეჯი - კომოდი იქნება ეს, თეთრეულის კალათა, კედლის კარადა თუ აბაზანის სარკე, მაგრამ პატარა სააბაზანო ოთახისთვის ავეჯის შერჩევა უფრო გულისყურით მოგიწევთ, რათა ყოველი კვადრატული სანტიმეტრი ფუნქციურად იყოს დატვირთული და სივრცე არ გადაიჭედოს.
ვიდრე აბაზანის სხვადასხვა ავეჯის თავისებურებებზე ვისაუბრებთ, უნდა აღინიშნოს, რომ ავეჯის კომპლექტი აბაზანისთვის არა მხოლოდ გარეგნულად უნდა შეეხამებოდეს ინტერიერს, არამედ უნდა იყოს ფუნქციონალური და ხარისხიანი - კარგად უძლებდეს ტენიანობას, ტემპერატურის ცვალებადობას და სხვა ნეგატიურ ფაქტორებს.
სააბაზანო ავეჯის თანამედროვე ასორტიმენტი დიდი არჩევანის საშუალებას იძლევა, თუმცა ჩვენ ყურადღებას შევაჩერებთ ყველაზე მეტად გავრცელებულ და ხელმისაწვდომ საგნებზე.
როგორ შევარჩიოთ ხელსაბანი კარადით
ხელსაბანის კარადა პატარა ზომის სააბაზანოშიც დაეტევა. როგორც დასახელებიდანაც ჩანს, ხელსაბანის კარადას არა მხოლოდ ნივთების შენახვის ფუნქცია აქვს, არამედ ხელსაბანის საყრდენიც არის. ამიტომ უპირველესი კრიტერიუმი, რომელსაც ყურადღება უნდა მიაქციოთ, აბაზანის ავეჯის მასალაა.
ხელსაბანის კარადებისთვის მასალად გამოიყენება:
- მერქან-ბურბუშელოვანი ფილა, იგივე "დეესპე" - ეს მასალა დღეს ავეჯის დასამზადებლად საკმაოდ პოპულარულია, თუმცა აბაზანის ავეჯისთვის არცთუ საუკეთესო ვარიანტია. მუდმივად მოგიწევთ მისი დაცვა დასველებისგან, რაც სააბაზანო ოთახში რთული მოსახერხებელია. წინააღმდეგ შემთხვევაში, „დეესპეს“ კარადა 2-3 წელიწადში დაკარგავს თავის პირვანდელ სახეს და, გარკვეულწილად, ფუნქციონალობასაც;
- მერქან-ბოჭკოვანი ფილა, იგივე ემდეეფის მასალა - ის წარმოების ტექნოლოგიით განსხვავებულია „დეესპესგან“, რის გამოც უფრო წყალ და ნესტგამძლეა. თუ გათვალისწინებით, რომ აბაზანის ავეჯი წყალგამძლე უნდა იყოს, ცხადია, რომ „დეესპე“, როგორც აბაზანის ავეჯის მასალა, გაცილებით საიმედოა;
საყურადღებოა, ასევე, აბაზანის ავეჯის ფურნიტურა: უმჯობესია, აბაზანის კარადის სახელურები, საკიდები და სხვა აქსესუარები ქრომირებული იყოს, რათა ეს ლამაზი დეტალები ნესტის ზემოქმედებით 2-3 წელიწადში არ დაჟანგდეს.
ფეხებით თუ ფეხების გარეშე? - ზოგადად, უმჯობესია, აბაზანის ავეჯი ფეხებზე იდგას - ფეხიანი ხელსაბანის ძირს ნაკლებად ეხება წყალი, რომელიც შეიძლება, შხაპის მიღების პროცესში იატაკზე გადმოისხას. ავეჯის ფეხები კიდევ უფრო მეტ დატვირთვას იძენს, თუკი სააბაზანო ოთახში მზე არ შედის და არ ნიავდება.
ხელსაბანის კარადაში თაროების რაოდენობა და განლაგება შეიძლება, სხვადასხვა იყოს და აქ არჩევანს უკვე თქვენი საჭიროებები განაპირობებს. ასევე, მოსახერხებელი ავეჯია აბაზანის კარადა უჯრებით.
თუკი სააბაზანო ოთახის ფართი საშუალებას მოგცემთ, შეიძლება, აბაზანის ავეჯი ხელსაბანით და სარკით კუთხეშიც დადგათ. კუთხის ნიჟარა და კუთხის კარადა სივრცეს დაგიზოგავთ. ასევე, დიდი პლუსია თაროების რეგულირების შესაძლებლობა - ამ შემთხვევაში თაროებს შორის მანძილს იმის მიხედვით „დაიჭერთ“, თუ რა სიმაღლის ნივთის შენახვა გსურთ.
როგორ შევარჩიოთ სააბაზანოს ზედაპირი
ზედაპირი („სტალიშნიცა“), რომელზეც აბაზანის ნიჟარა იდგმება ან მონტაჟდება, ბოლო დროს ძალიან პოპულარული გახდა. ის ხელსაბანის ირგვლივ სასარგებლო სივრცეს შეგიქმნით, სადაც განალაგებთ როგორც ყოველდღიურად საჭირო საგნებს, ასევე დეკორის აქსესუარებს. ზედაპირის ქვეშ დარჩენილ ადგილი კი შეიძლება, კარადით შეავსოთ, რომელიც ლამაზიც იქნება და ფუნქციონალურიც.
სააბაზანოში ზედაპირის მასალა შეიძლება იყოს:
- ნატურალური ქვა - უმეტეს შემთხვევაში მარმარილო ან გრანიტი, რომელიც შეიძლება იყოს როგორც მქრქალი, ასევე პრიალა. ნატურალური ქვის ზედაპირი ხანმედეგია, ნებისმიერ ზემოქმედებას უძლებს, თუმცა დიდი წონა აქვს და ძვირია;
- ხელოვნური ქვა - უმეტეს შემთხვევაში მზადდება კვარცის ან გრანიტის ნამცეცებით და ხელოვნური მინარევებით. თვისებებით, ფაქტობრივად, არაფრით ჩამორჩება ნატურალურ ქვას, მოსავლელად გაცილებით მარტივია, იაფია და გარეგნული განსხვავებაც რთულად შესამჩნევია;
- მინის ზედაპირი - ნესტგამძლეა, ძნელად იკაწრება, შეგიძლიათ ნებისმიერი დიზაინის ტონირება გაუკეთოთ. თუმცა, ძლიერ მექანიკურ დაზიანებას ვერ უძლებს და წყლის წვეთებისგან ლაქებიც ეტყობა ხოლმე. ამიტომაც აბაზანისთვის მინის ზედაპირებმა დიდი პოპულარობა ვერ მოიპოვა;
- მერქან-ბოჭკოვანი ფილა, იგივე ემდეეფის მასალა - ის, მართალია, წარმატებით გამოიყენება, როგორც აბაზანის კარადის და, ზოგადად, აბაზანის ავეჯის მასალა, თუმცა აბაზანაში ზედაპირისთვის შედარებით მოუხერხებელია - ის შეიძლება, ადვილად დაზიანდეს და დროთა განმავლობაში გაუარესდეს მისი როგორც ესთეტიკური მხარე, ისე ამტანობის მაჩვენებელი;
- ნატურალური ხე - რაც არ უნდა უცნაურად მოგეჩვენოთ, ნატურალური ხის ზედაპირი აბაზანაში გაცილებით გამძლეა, მით უფრო, როცა ხე დამცავი ლაქით არის დამუშავებული.
როგორ შევარჩიოთ აბაზანის კომოდი
თუკი თქვენი აბაზანა პატარა ზომისაა, ხელსაბამის ირგვლივ ზედაპრისთვის შეიძლება, ადგილი არ დარჩეს. ამ შემთხვევაში ძალიან პრაქტიკულია ნივთების შესანახად კომოდის და თაროების გამოყენება.
აბაზანაში კომოდის დადგმა ადრე ბევრს გააოცებდა, თუმცა დღეს აბაზანის კომოდი ისეთივე საჭირო ნივთია, როგორც ხელსაბანი და აბაზანის შემრევი ონკანი. აბაზანის კომოდში შეგიძლიათ შეინახოთ პირსახოცები, თავის მოვლის საშუალებები და კიდევ ბევრი რამ, რაც კი შეიძლება სააბაზანო ოთახში დაგჭირდეთ.
აბაზანის კომოდები, როგორც წესი, დაბალია, სიგანე და მასალა კი შეიძლება, სხვადასხვაგვარი იყოს:
- მერქან-ბოჭკოვანი ფილა, იგივე „ემდეეფი“ - ეს მასალა აბაზანის კომოდისთვის ყველაზე ოპტიმალურია ფასისა და ხარისხის გათვალისწინებით;
- მერქან-ბურბუშელოვანი ფილა, იგივე „დეესპე“ - აბაზანის კომოდისთვის ნაკლებად რეკომენდებულია;
- ნატურალური ხე, რომელსაც სპეციალური დამცავი საფარი აქვს - ის საკმაოდ გამძლე, ხანმედეგი და ამასთანავე ლამაზია;
- პლასტმასა - ეს ყველაზე იაფი და ნესტგამძლე მასალაა, თუმცა ასორტიმენტი და, შესაბამისად, არჩევანი არ არის მრავალფეროვანი.
პატარა სააბაზანო ოთახისთვის ძალიან მოხერხებულია აბაზანის პენალი - ვიწრო და მაღალი კარადა, რომლის ქვედა თაროებზე ყოველდღიურად გამოსაყენებელ ნივთებს დააწყობთ, ზედა თაროებზე კი იმ საგნებს შეინახავთ, რომლებიც იშვიათად გჭირდებათ.
როგორ შევარჩიოთ აბაზანის კედლის კარადები და თაროები
აბაზანაში, სადაც ისედაც მცირე ადგილია, სივრცე მაქსიმალურად უნდა გამოიყენოთ - მათ შორის, კედლებიც. აბაზანის კედელზე, იქ სადაც თქვენთვის მოსახერხებელი იქნება, შეიძლება ჩამოიკიდოს როგორც პატარა კარადები, სხვადასხვა ზომის და ფორმის თაროები, მათ შორის - კუთხის თაროები.
ასევე, ძალიან პრაქტიკულია ავეჯია აბაზანის სარკე-კარადა, განათებით ან განათების გარეშე, თუმცა თუკი თქვენ სააბაზანოში დიდი სარკის ან მრგვალი სარკის დაკიდება გსურთ, გაითვალისწინეთ, რომ აბაზანის სარკე-კარადა ხშირად სტანდარტული ზომისაა და შეიძლება, თქვენი სურვილი ვერ დააკმაყოფილოს. ისიც გაითვალისწინეთ, რომ სარკე-კარადაში თაროები პატარა სიღრმისაა.
აქვე, თუ გაინტერესებთ რატომ უნდა შევარჩიოთ აბაზანა ნოვაში და რა უპირატესობებით ისარგებლებთ, ეწვიეთ მითითებულ ბმულს.
ავეჯის კომპლექტი აბაზანისთვის - ოპტიმალური გადაწყვეტილება
აბაზანის ოთახის მოწყობისას მნიშვნელოვანია როგორც ფუნქციონალურობა და საიმედოობა, ასევე ესთეტიკური მხარე. ხშირად აბაზანის ავეჯის ცალ-ცალკე ყიდვისას ცოტა რთულია, ისე შეარჩიოთ ყველა ნივთი, რომ ისინი ჰარმონიულად ეხამებოდეს ერთმანეთს. ამისთვის მაღაზიებში სიარული და, შესაბამისად, მეტი დრო და ძალისხმევაა დაგჭირდებათ.
სწორედ ამიტომ ალბათ საუკეთესო გადაწყვეტილებაა, შეიძინოთ მზა ავეჯის კომპლექტი აბაზანისთვის.
აბაზანის კომპლექტი არა მხოლოდ ფუნქციონალურია და ადგილს დაგიზოგავთ, არამედ სააბაზანო ოთახში ჰარმონიულ გარემოსაც შექმნის.
აქვე, გაითვალისწინეთ, რომ დაგჭირდებათ აბაზანის აქსესუარები, რომლებიც ასევე უნდა ეხამებოდეს სააბაზანოს დიზაინს - იქნება ეს სასაპნე, საჭიქე, აბაზანის ფარდა, ტუალეტის საქარალდე და ჯაგრისი, პირსახოცის საკიდი, პირსახოცის რგოლი, მეტალის საკიდი ტანსაცმლისთვის თუ სხვ.
დასკვნის სახით
აბაზანის ავეჯის ყიდვა, ერთი შეხედვით, თითქოს მარტივი საქმეა, თუმცა ბევრი ნიუანსის გათვალისწინებაა საჭირო, მათ შორის, იმის რომ:
- ბევრ ბინაში სააბაზანო ოთახი პატარაა, ამიტომ მოგიწევთ, მაღაზიებში სანტიმეტრით სიარული, რათა ზომებში არ შეცდეთ ან ავეჯის შეკვეთით დამზადება, რაც უფრო ძვირი სიამოვნებაა;
- აბაზანაში მუდმივად სისველეა, ამიტომ აბაზანის ავეჯი წყალგამძლე უნდა იყოს;
- აბაზანის ავეჯი ჰარმონიულად უნდა შეეხამოს სააბაზანე ოთახის ინტერიერს, იყოს მაქსიმალურად ფუნქციონალური და მოსახერხებელი;
რაც შეეხება აბაზანის ავეჯის სტილს, ფერს და ფორმას, აქ არჩევანი უკვე თქვენს გემოვნებაზეა დამოკიდებული.
