Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
რატომ უნდა შევარჩიოთ აბაზანა ნოვაში

რატომ უნდა შევარჩიოთ აბაზანა ნოვაში

სააბაზანო ოთახის დიზაინი და სივრცის სწორად ათვისება ბინის მოწყობის ძალიან მნიშვნელოვანი  ნაწილია. ოთახის ფართის სიმცირიდან გამომდინარე, აუცილებელია ყველა დეტალს მიექცეს ყურადღება. მთავარი და ყველაზე მნიშვნელოვანი დეტალი კი მოგვეხსენება, რომ აბაზანაა.

ნოვამ იზრუნა, რომ ეს თავსატეხი მარტივად მოგვარებადი ყოფილიყო - ზომები და ფასი თანამედროვე სტანდარტებზეა მორგებული და ჩვენც გირჩევთ, რომელი იქნება თქვენთვის ყველაზე გამოსადეგი.

რატომ პლასტმასის აბაზანა?

1. დაბალი ფასი

ერთ-ერთი მთავარი პლიუსი რაც პლასტმასის აბაზანას აქვს მისი ხელმისაწვდომობაა. რთულად თუ ნახავთ მასზე იაფ ვარიანტს.  პლასტმასის ეს პროდუქტი გლობალურ ბაზარზე დაახლოებით 20 წელია გამოჩნდა და  მის მერე წარმატებით მოახერხა კერამიკული, თუჯისა და სხვა აბაზანებისთვის კონკურენციის გაწევა. ამ ახალმა პროდუქტმა შეძლო შეენარჩუნებინა მთავარი ღირსებები - ყოფილიყო პრაქტიკული, ესთეტიური, კომფორტული და თან გამხდარიყო ბევრად ხელმისაწვდომი.

ნოვაც ინარჩუნებს ხელმისაწვდომობის ამ ნიშას ქართულ ბაზარზე. აქ დაგხვდებათ  პლასტმასის აბაზანების ფართო არჩევანი - ოვალური, თუ მართკუთხა ტიპის. ბევრი სხვადასხვა ზომის, სანდო და რაც მთავარია მისაღები ფასით. მაგალითად, 100x100 ზომის ფასდაკლებით  375 ლარი დაგიჯდებათ, ხოლო ყველაზე დიდი - 150x100 კი მხოლოდ 560 ლარი. 

 

ნოვას პლასტმასის ოვალური აბაზანები

2. მსუბუქი და კომპაქტური

  • მსუბუქი
  • მარტივად დასამონტაჟებლი
  • ადვილად იწმინდება
  • დიდხანს ინარჩუნებს ტემპერატურას
  • მარტივად შეკეთებადია

ფასთან ერთად პლასტმასის აბაზანის გამორჩეული პლიუსი მისი სიმსუბუქე და კომპაქტურობაა. ნოვას ეს პროდუქტი ძალიან მსუბუქია, რაც ძალიან ამარტივებს ინსტალაციის პროცესს. სხვა მატერიალის დროს მონტაჟი ძალიან იწელება და უამრავ პრობლემას ქმნის. მისი ტრანსპორტირება ბევრად მარტივია, ისევე როგორც კორპუსის ბინაში ატანა და შემდეგ მონტაჟი.

 ყველა ეს პროცედურა დამატებითი და ხშირად გაუთვალისწინებელი ხარჯებისგან გვათავისუფლებს. თუჯის შემთხვევაში გასათვალისწინებელია სავსე მდგომარეობაში რამდენად გაუძლებს იატაკი ამ დატვირთვას, მაგრამ პლასტმასის აბაზანის მფლობელს ასეთი დეტალებზე წუხილი არ უწევს. სანამ თქვენი მეზობლის ბინიდან მძიმე აბაზანის უშედეგოდ დამონტაჟების ხმები ისმის, თქვენ ამ დროს თქვენს აბაზანაში ნებივრობთ.

კერძო ბინის დროსაც, თუ მოინდომეთ მეორე სართულზე მის დადგმას, პლასტმასი არ საჭიროებს იატაკისთვის დამატებითი მხარდაჭერის დამონტაჟებას.

ასევე მნიშვნელოვანი დეტალი რაც გასათვალისწინებელია ამ პროდუქტის შეძენისას - რამდენად მარტივი და მოსახერხებელია მისი გაწმენდა. ზემოთხსენებული მოდელი ამ კომპონენტშიც იდეალურია, მისი გაწმენდა და დასუფთავება მინიმალურ ენერგიას მოითხოვს. გაუთვალისწინებელი შემთხვევის დროს, თუ რამე დაუზიანდა, პანიკა და ახლის ყიდვაზე ფიქრი საჭირო არაა. პლასტმასის ამ პროდუქტის შეკეთება ძალიან მარტივია და დიდ ხარჯებსა და დროს არ მოითხოვს.

პლასტმასის ეს პროდუქტი ასევე იდეალურია სითბოს შესანარჩუნებლად. ეს უპირატესობა გამოგადგებათ ზამთარში, როცა გსურთ მეტი დრო გაატაროთ ცხელ წყალში. პლასტმასის აბაზანა ძალიან მალე თბება და დიდ ხანს ინარჩუნებს ტემპერატურას

ოვალური აბაზანა თუ მართკუთხა ფორმის  აბაზანა?

შერჩევის პროცესში მნიშვნელოვანია იმის გათვალისწინება, თუ რომელი დიზაინის უფრო მისაღებია ჩვენთვის. აუცილებლად გასათვალისწინებელია ზომები, ფორმა და დიზაინი. ნოვა გთავაზობთ როგორც ოვალურ, კუთხის აბაზანას, ასევე მართკუთხა ტიპისას.

 

1. კუთხის აბაზანა

ნოვაში თქვენ შეგიძლიათ აირჩიოთ 3 სხვადასხვა ზომის ოვალური  - 90x90, 100x100 და 150x100 ზომის აბაზანები

პატარა სივრცისთვის ოვალური იდეალური გამოსავალია. როცა ადამიანს არ აქვს დიდი სივრცე და ბევრი მანევრირების საშუალება, ეს მოდელი თავის ტკივილს მარტივად გვაშორებს. ყველა კუთხის აბაზანა ძირითადად შექმნილია  სივრცის დაზოგვისთვის. მათი კონფიგურაცია შესაძლებელია სხვადასხვა კუთხით - მათი ზომებისა და სივრცის დაგეგმვის მიხედვით. მაგალითად, კუთხის შეიძლება განთავსდეს კედლის გასწვრივ, ორი კედლის კვეთაზე, ან კედლის კუთხეზე. კუთხის კონფიგურაცია ზოგავს ადგილს თქვენი ოთახის დიზაინის დამხინჯების გარეშე და ბუნებრივად ინტეგრირდება დანარჩენ სივრცესთან. 

კუთხის პატარა აბაზანა ფაზლის დაკარგული ნაწილია, რომელიც ზუსტად ჯდება ამ სივრცეში და გარემოს სრულყოფილად აქცევს.

თეთრი ოვალური პლასტმასის აბაზანა

90x90 ზომის ოვალური აბაზანა, რომელიც 395 ლარი ღირს, არამარტო ნებისმიერი ოთახის კუთხეს მოერგება, ასევე ჩაჯდება ნებისმიერი მყიდველის ბიუჯეტში. 

მიუხედავად სხვა მოდელების ზომებთან შედარებითი სიმცირისა, 90x90 ზომის გვაძლევს ყველა იმ პირობას, რაც მომხმარებელს ჭირდება. დასაბანი აუზის შიდა სივრცე ფართოა და პატარა კუთხის დასაჯდომი შხაპის მიღების პროცედურას ბევრად სასიამოვნოს და მოსახერხებელს ხდის.

2. მართკუთხა ფორმის  აბაზანა

დატვირთული ცხოვრების სტილის გამო ყოველდღე უფრო და უფრო მეტი ადამიანის ეძებს გზებს საკუთარი ბინის აბაზანა აქციოს ისეთ ადგილად, სადაც შეძლებენ დაისვენონ და მიეცენ რელაქსაციას. ამ ადგილის სპა-დასასვენებელი ადგილის მსგავს სივრცედ გადაკეთების ტრენდი მსოფლიოში ძალიან გავრცელებულია. ნოვას მართკუთხა ფორმის აბაზანები გაძლევთ საშუალებას, რომ ეკონომიურ ფასად თქვენც მოახერხოთ დიდი სიამოვნების მიღება. 

ნოვას მართკუთხა თეთრი აბაზანა

ოვალური ტიპის პროდუქტისგან განსხვავებით, რომელიც სივრცის დაზოგვაზეა ორიენტირებული, მართკუთხა ტიპის უფრო კომფორტისკენ მიილტვის და ისეთი დიზაინი და თვისებები აქვს, როგორიც ცნობილ იტალიურ აბაზანას. გარდა იმისა რომ საკმაოდ პრაქტიკულია, ასევე ესთეტიური თვალსაზრისით ახალ მნიშვნელობას სძენს ოთახს. უნიტაზები, ხელსაბანები, მრავალფეროვანი აბაზანის ავეჯი, საშხაპე კაბინები და ყველა სხვა დეტალი ხშირად ზუსტად ესადაგება ამ სივრცის სტილს. 

გარდა მისი სარელაქსაციო თვისებებისა, მსგავსი ზომისა და ფორმის აბაზანების პატრონები ასევე ხშირად აღნიშნავენ მის პრაქტიკულობასა და უსაფრთხოებას. მინიმალურია წყლის გადმოსვლისა და იატაკის დატბორტვის რისკი. მიუხედავად მისი სიღრმისა ჩასვლა/გადმოსვლა ნებისმიერ ადამიანს უადვილდება.

ნოვას პლასტმასის 130x75 ზომის აბაზანა ფასდაკლებით, ძალიან ხელმისაწვდომ ფასად 375 ლარად შეგიძლიათ შეიძინოთ. ნოვას ყველაზე დიდი, პლასტმასის 170x70 ზომის მართკუთხა კი 550 ლარად გახდება თქვენი საშხაპე ოთახის მთავარი ღირსება.

 

თუ ნოვაში სხვა ჰიპერმარკეტის ფასების გათვალისწინებით შედგენილი ბიუჯეტით მიხვალთ, აღმოაჩენთ, რომ აქ ყიდვისას ბევრად მეტ თანხას დაზოგავთ, ვიდრე წარმოგედგინათ. ამ უეცარი სურპრიზის გამოყენება ადგილზევე შეგიძლიათ - შეიძინოთ სხვა მნიშვნელოვანი ხარისხიანი აბაზანის აქსესუარები ( სანტექნიკა - სამშენებლო და სარემონტო მასალების ონლაინ მაღაზია - Nova ). 

ნოვაში შეძენილი კუთხის აბაზანა, რომელიც უამრავ სივრცეს დაგაზოგინებთ და მართკუთხა ტიპის, რომელიც გარდა პრაქტიკულობისა, აბაზანის ოთახის განწყობას შესვლისთანავე შეგიქმნით, თქვენს სახლში 3 სამუშაო დღეში აღმოჩნდება. 




სხვა ბლოგები

აუზი - ზაფხულის აუცილებელი ატრიბუტი

აუზი - ზაფხულის აუცილებელი ატრიბუტი

წელიწადის ის დრო დადგა, როცა მზე მთელი ძალით აცხუნებს და ტემპერატურა მატულობს. ეს მხოლოდ ერთს შეიძლება ნიშნავდეს: აუზში ჩასვლის დროა. ზაფხულის სიცხის დასაძლევად არ არსებობს უკეთესი ვარიანტი, ვიდრე წყალში გაგრილებაა და ამასთან ერთად აუზი უსასრულო გართობას სთავაზობს როგორც ბავშვებს, ისე უფროსებს.

24 ივნისი 2022

ბეტეკი - ხარისხიანი ცემენტის სტანდარტი

ბეტეკი - ხარისხიანი ცემენტის სტანდარტი

ბეტეკი 1988 წელს დაარსდა და კომპანიამ პირველ ეტაპზე ბეტონის დანამატების, მზა კირხსნარისა და წყალგაუმტარი მასალების წარმოება დაიწყო. მაღალხარისხიანი სამშენებლო-სარემონტო მასალების ბაზარზე გამოჩენამ ხელი შეუწყო კომპანიის სწრაფ ზრდას. ბეტეკმა ნელ-ნელა გააფართოვა სამუშაო არეალი და პროდუქტების სიას სამშენებლო საღებავები დაამატა.

22 ივნისი 2022

იდეალური შპალერი - შერჩევის კრიტერიუმები

იდეალური შპალერი - შერჩევის კრიტერიუმები

თანამედროვე ინტერიერში შპალერი, ერთ დროს მივიწყებული, როგორც ძველმოდური დეკორაცია, დღეს თავიდან პოულობს ახალ სიცოცხლეს.  ბოლო პერიოდში მომატებულმა პოპულარობამ კიდევ უფრო გაზარდა არჩევანის საშუალება. ერთ კონკრეტულ ფონზე ჩამოყალიბება ის მნიშვნელოვანი სამომავლო ინვესტიციაა, რომელიც წლების განმავლობაში შეცვლის თქვენი სახლის იერსახეს.

20 ივნისი 2022

სამშენებლო - სარემონტო მასალების ბრენდები

სამშენებლო - სარემონტო მასალების ბრენდები

სახლისთვის სამშენებლო და სარემონტო მასალების შერჩევა ძალიან დიდ დროსა და ენერგიას მოითხოვს. მნიშვნელოვანია დახარჯული რესურსებმა სასურველი შედეგი გამოიღოს. სწორედ, ამიტომ ნოვა გთავაზობთ ხარისხიან, გამოცდილ და ენერგოეფექტურ ბრენდებს, რაც მთავარია ნაკლები დანახარჯებით.

21 მარტი 2022