რომელია უკეთესი სახლისათვის გაზის თუ ელექტრო გამათბობელი?

ყველაფერი რაც რემონტს, სახლის მოწყობას და დიდ, გრძელვადიან და ძვირ ცვლილებებს უკავშირდება, ასევე უკავშირდება დიდი რაოდენობით სტრესს. ინფორმაციის უამრავი წყაროს არსებობა, დაწყებული ცნობისმოყვარე მეზობლებიდან დამთავრებული ექსპერტებით, თეორიულად უნდა გვიმარტივებდეს არჩევანის გაკეთებას, თუმცა ხშირად ასე არ ხდება და ინფორმაციული გადატვირთულობა უფრო გვამძიმებს და გვაბნევს ვიდრე გვეხმარება. 

ამ სტატიით ვეცდებით ოდნავ მაინც შეგიმსუბუქოთ ეს გადაღლილობა და გაგიზიაროთ რამდენიმე გამოსადეგი რჩევა რათა უკეთ განსაჯოთ რომელია თქვენთვის უკეთესი, გაზის თუ ელექტრო გამათბობელი, ამ ყველაფერზე ინფორმაციის მიღებისა და პრიორიტეტების გადანაწილების შემდეგ კი მზად იქნებით მიიღოთ გადაწყვეტილება. 

თუ კი გაზის გამათბობელზე შეაჩერებთ არჩევანს შეგიძლიათ გაეცნოთ ჩვენს სტატიას იმის შესახებ თუ როგორ შევარჩიოთ გაზის გამათბობელი და შემდეგ თავდაჯერებულად და სრულიად ინფორმირებულად შეიძინოთ ყველაზე კარგი გაზის გამათბობელი. ელექტრო გამათბობლის შერჩევის შემთხვევაში კი ყველაფერ დანარჩენთან ერთად გაითვალისწინოთ სივრცის ზომაც და შემდეგ მიიღოთ გადაწყვეტილება.

რომელი სახის გამათბობელი გჭირდებათ?

მიუხედავად იმისა, რომ გაზის გამათბობელი და დენის გამათბობელი ერთმანეთისგან მრავალი ობიექტური ფაქტორით განსხვავდება, რაზეც ქვემოთ ვისაუბრებთ, მნიშვნელოვანია გვახსოვდეს, რომ საბოლოო ჯამში გადაწყვეტილება თქვენი გემოვნების, საჭიროებისა და საშუალების მიხედვით უნდა მიიღოთ.

გაქვთ თუ არა საშუალება ერთიანი ინვესტიცია გაწიოთ ყოველთვიური ხარჯის შემცირების სანაცვლოდ? რამდენად გამართულია თქვენი სახლის ინფრასტრუქტურა უსაფრთხოების კუთხით? გსურთ თუ არა გაითვალისწინოთ გავლენა, რომელსაც თქვენი გამათბობელი გარემოზე იქონიებს? ან თუნდაც ესთეტიკა - თქვენს სახლში თქვენ უნდა იცხოვროთ, ამიტომ სურვილი გამათბობელი გარეგნული მახასიათებლებითაც გამოირჩეოდეს, სრულიად ბუნებრივია.

ამ კითხვებზე თავდაჯერებული პასუხის გასაცემად კი საჭიროა გაგვაჩნდეს სწორი ინფორმაცია.

რომელია უფრო ენერგოეფექტური?

მიჩნეულია, რომ ენერგიის კუთხით ელექტრო გამათბობლები უფრო ეფექტურია. თითქმის ყველა თანამედროვე დენის გამათბობელი მოხმარებული ენერგიის 100%-ს სითბოდ გარდაქმნის, გაზის გამათბობლებისთვის კი იგივე მაჩვენებელი, მოდელის მიხედვით, 55-დან 97 პროცენტამდე მერყეობს, დანარჩენი კი წვის პროცესისას იკარგება.

თუმცა საგულისხმოა რომ გაზის გამათბობლები ძლიერი ნაკადის წყალობით უფრო სწრაფად ახერხებს სივრცის გათბობას, ამიტომ თუ ცდილობთ შეიძინოთ ხარისხიანი ცენტრალური გათბობის ქვაბი, გირჩევთ ყურადღება გაზის ქვაბებზე  გაამახვილოთ. 

რომელი სახეობაა უფრო ეკონომიური?

ეს არც ისე მარტივი შეკითხვაა, თუმცა, როგორც წესი გაზის გამათბობლის შეძენა და დაყენება ბევრად ძვირი ჯდება ვიდრე ელექტრო გამათბობლის. თუმცა, ბუნებრივი გაზი უფრო იაფია ვიდრე ელექტროდენი, ასე რომ დროთა განმავლობაში გაზის გამათბობელში გადახდილი თანხა თავის თავს ამოიღებს. ორივე - ეკონომიური დენის გამათბობელი და ეკონომიური გაზის გამათბობელი შეგიძლიათ შეიძინოთ ონლაინ ტექნიკის მაღაზია ნოვაში.

უსაფრთხოება

მნიშვნელოვანია აღინიშნოს, რომ სწორი მოხმარებისა და მოვლის შემთხვევაში, ყველა ტიპის გამათბობელი უსაფრთხოა, მაგრამ გაზის გამათბობლები, განსაკუთრებით თუ ცეცხლის ალთან გვაქვს საქმე, ბუნებრივი აირის გაჟონვის რისკის მატარებელია, ელექტრო გამათბობლები კი აალებად ნივთიერებებთან შეხების გარეშე აბსოლუტურად უსაფრთხოა.

დაყენების და გამოყენების მოსახერხებლობა

მოსახერხებლობის ჭრილში განხილვისას შეუძლებელია პასუხი ცალსახა არ იყოს - ელექტრო გამათბობლების დაყენებას მინიმალური ჩარევა სჭირდება, გაზის გამათბობლის დაყენება კი ხშირ შემთხვევაში რამდენიმე დღიანი პროცესიც კია - საჭიროა საწვავის წყაროს, ვენტილაციებსა და სხვა საკითხებზე ზრუნვა, რაც რესურსებთანაა დაკავშირებული. ელექტრო გამათბობელი ასევე ნაკლებად საჭიროებს მოვლას და შენახვას, და შეკეთება, საჭიროების შემთხვევაში, საკმაოდ მარტივი პროცესია. 

რას გთავაზობთ ნოვა

ონლაინ მაღაზია ტექნიკის მაღაზია ნოვა 2006 წელს, 5-მა მეგობარმა დააფუძნა და საწყის ეტაპზე სამშენებლო მასალების იმპორტითა და რეალიზაციით იყო დაკავებული. მას შემდეგ 17 წლის მანძილზე კომპანიას არ შეუწყვეტია ზრდა და განვითარება. დღეს მის მისიას მეტი ქართული პროდუქტის წარმოება, ხარისხიანი სამშენებლო - სარემონტო მასალების და საუკეთესო სერვისების მომხმარებლისთვის შეთავაზება წარმოადგენს.

დღევანდელი მდგომარეობით ნოვას პლატფორმაზე შეგიძლიათ შეიძინოთ ყველაფერი რაც სჭირდება სახლის კეთილმოწყობას, იქნება ეს გაზის თუ ელექტრო გამათბობელი,  ან სულაც ყურძნის საწური, თუ სახლში არაფერს უჩივით და გადაწყვიტეთ მევენახეობას მიუძღვნათ თავი.