რომელია გაზის საუკეთესო გამათბობელი?

როცა სახლის გათბობა გსურთ, გაზის გამათბობელი საუკეთესო არჩევანია იმის გათვალისწინებით, რომ ასეთი მოწყობილობა იაფია, მის მონტაჟს ერთი საათიც არ სჭირდება, უსაფრთხოა, სწრაფად ათბობს და ძალიან ეფექტიანია. კონვექტორი უზრუნველყოფს საცხოვრებელი სახლების, ბინების, აგარაკების, ოფისებისა თუ საყოფაცხოვრებო შენობების ავტონომიურ გათბობას.

გაზის გამათბობლის მუშაობის პრინციპი და კონსტრუქცია

გაზის კონვექტორის(გამათბობლის) მუშაობის პრინციპი კონვექციაა - ანუ, სხვა სიტყვებით რომ ვთქვათ, ჰაერის ნაკადების ცირკულაცია. მისი კონსტრუქცია მარტივია - კორპუსი პატარა ზომისაა, რადიატორს ჰგავს, არ ცხელდება, რაც მნიშვნელოვანია, თუკი სახლში პატარა გყავთ და საკმაოდ ესთეტიკური შესახედია. მასში ჩამონტაჟებულია დახურული წვის კამერა, რომელიც  უსაფრთხოდ, უხმაუროდ და ძალიან ეფექტიანად ათბობს შენობას. გაზის გამათბობლის მარგი ქმედების კოეფიციენტი, მინიმუმ, 85%-ია და გათბობის ცენტრალური სისტემის მქკ-ს აღემატება.

კიდევ ერთი საინტერესო დეტალი - გამათბობლის ფუნქციონირება არ არის დამოკიდებული ელექტრომომარაგებაზე - ანუ გაზის კონვექტორის მუშაობას დენი არ სჭირდება (განსხვავებით ცენტრალური გათბობის ქვაბისგან).

რას ნიშნავს დახურული წვის კამერა?

ტერმინები „დახურული წვის კამერა“ და „ღია წვის კამერა“ აჩვენებს, თუ როგორ მიეწოდება წვისთვის საჭირო ჰაერი გამათბობელის სანათურას (გარელკას).

ღია წვის კამერა წვისთვის ოთახში არსებულ ჟანგბადს იყენებს, ხოლო დახურული წვის კამერას ისეთი კონსტრუქცია აქვს, რომელსაც ჟანგბადი შენობის გარედან შემოაქვს  და წვის პროდუქტიც - ნახშირორჟანგიც შენობის გარეთ გააქვს კოაქსიალური მილის მეშვეობით („ტრუბა-ტრუბაში“ - ასე ამბობენ ხელოსნები). შედეგად ოთახში, სადაც კონვექტორი მუშაობს, სუფთა ჰაერია შენარჩუნებული და ადამიანის ჯანმრთელობასაც საფრთხე არ ემუქრება; ამიტომ გამათბობელი დახურული წვის კამერით, შეიძლება, საძინებელ ოთახშიც კი დააყენოთ - რა თქმა უნდა, იმ პირობით, რომ აუცილებლად სპეციალისტმა უნდა დაამონტაჟოს და მონტაჟის ყველა წესი დაცული უნდა იყოს.

გაზის AKOG გამათბობელი

ამგვარი მოწყობილობა უნივერსალური სისტემით გამოირჩევა, მას დახურული წვის კამერა და უსაფრთხოების ავტომატური სისტემა აქვს და შეგიძლიათ, ნებისმიერი ტიპის შენობაში დაამონტაჟოთ - ბინაში, აგარაკზე, ოფისში, საწყობში, მანქანის ფარეხშიც კი...

• პირველ რიგში, უნდა აღინიშნოს, რომ AKOG-ის კონვექტორი გათბობის სრულ ციკლს მოიცავს და მისთვის დამატებითი კომპონენტები არ დაგჭირდებათ;
• თბოგამტარი დამზადებულია მაღალი სიმტკიცის, ცეცხლმედეგი და კოროზიამედეგი ფოლადისგან, რომელსაც გავლილი აქვს ანტიკოროზიული დამუშავება, სპეციალური მელეგირებელი ელემენტების დამატებით, რის ხარჯზეც მოწყობილობა ექსპლუატაციაში საიმედოა, არ ჟანგდება, არ იყინება და საექსპლუატაციო ვადაც დიდი აქვს;
• მუშაობს როგორც ბუნებრივ გაზზე - თანახმად GOST 5542-87, ასევე თხევად გაზზე - თანახმად GOST 20448-90;
• აპარატი დაკომპლექტებულია იტალიური წარმოების უსაფრთხოების ავტომატური სისტემით 630 EUROSIT, რაც იმას ნიშნავს, რომ გამათბობელს აქვს უსაფრთხოების მაღალ დონე და უხარვეზოდ მუშაობს;
• აპარატი დაკომპლექტებულია თერმორეგულატორით, რომლის საშუალებითაც ოთახში ინარჩუნებს განსაზღვრულ, შერჩეული ტემპერატურას - ქვედა ზღვარზე არანაკალებ 13 გრადუსისა და ზედა ზღვარზე არაუმეტეს 40 გრადუსისა.

გამათბობლის უპირატესობები:

• სწრაფად ათბობს ოთახს;
• აქვს მაღალი მარგი ქმედების კოეფიციენტი;
• აბსოლუტურად უსაფრთხოა - აღჭურვილია იტალიური კომპანია Sit Group-ის ავტომატური უსაფრთხოების სისტემით 630 EUROSIT;
• ავტომატურად ინარჩუნებს შერჩეულ ტემპერატურას;
• ეკონომიურია - აქვს გზის მინიმალური ხარჯი;
• ყინვაგამძლეა;
• არ არის დამოკიდებული წყალმომარაგებაზე და ელექტრომომარაგებაზე;
• არ არის დამოკიდებული გაზის წნევის ცვალებადობაზე!
• სანათურას აქვს ცეცხლის დაბალი ალი;
• ინთება პიეზოელემენტით;
• იდეალურად მარტივია მისი მონტაჟი და ექსპლუატაცია.

ასე რომ, თუ გსურთ, შეიძინოთ საუკეთესო და ეკონომიური გაზის გამათბობელი, AKOG გაზის კონვექტორი ოპტიმალური არჩევანია.