Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ უნიტაზი - 10 ყურადსაღები საკითხი

როგორ შევარჩიოთ უნიტაზი - 10 ყურადსაღები საკითხი

უნიტაზის შერჩევისას ყურადღება უნდა გამახვილდეს ნიჟარის კონსტრუქციაზე, ჩარეცხვის სისტემაზე, ჩამრეცხ მექანიზმზე,  მასალასა და სხვა მახასიათებლებზე, რათა ფულიც დაზოგოთ, ნერვებიც შეინარჩუნოთ და დიზაინერული ჩანაფიქრიც აისრულოთ.

როგორი სისტემაა უფრო უხმაურო?

წყლის ავსებისას ხმაურის დონე დამოკიდებულია დამოკიდებულია ავზისა (ბაჩოკის) და წყლის სისტემის კავშირზე.  პრაქტიკულად უხმაუროდ მუშაობს უნიტაზის ჩამრეცხი, რომელსაც „ქვედა წყალმომარაგება“ აქვს.  „გვერდითა წყალმომარაგების“ დროს ხმაური მეტია, თუმცა, მის შესამცირებლად შეგიძლიათ, პატარა შლანგი გამოიყენოთ, რომელიც წყლის ჭავლს ავზის ძირში მიმართავს.

უნიტაზის ჩარეცხვის სისტემა

როგორი უნიტაზი ირეცხება უკეთესად?

უნიტაზის ჩარეცხვის სისტემა, ძირითადად, ორგვარი არსებობს: პირდაპირი ჩარეცხვის მექანიზმი და წრიული(გვერდული ჩასარეცხი). პირველ შემთხვევაში წყალი გამოედინება ნიჟარის ერთი ხვრელიდან და სქელ ნაკადად მიედინება ძირს. მეორე შემთხვევაში - წყალი გამოედინება უნიტაზის ნიჟარის მთლიან წრეზე დატანებული მრავალი წვრილი ხვრელიდან და „ძაბრის“ ფორმას ქმნის. ასეთი სისტემა უფრო სრულყოფილია და წყალსაც ნაკლებს მოიხმარს.  

კიდევ უფრო  „სუფთა ჩარეცხვა“ აქვს და წყლის ეკონომიასაც აკეთებს „უკუსისტემის“ უნიტაზი -  მისი ნიჟარა წრეზე ბევრ ადგილას გახსნილია და ამ ადგილებიდან წყალი ძლიერი ჭავლით მოედინება.

რომელია გამძლე მოწყობილობა?

ფიტინგების (მილსადენის შემაერთებელი ნაწილი) ექსპლუატაციის ვადა დამოკიდებულია, არა მხოლოდ, მასალის ხარისხზე, არამედ წყლის ხარისხზეც. პროფესიონალთა რეკომენდაციაა, რომ მექანიკური წყლის ფილტრი დააყენოთ. ზოგიერთ მწარმოებელს უკვე აქვს კიდეც უნიტაზები, ავზში დამონტაჟებული წყლის ფილტრით.

ჩასაშენებელი უნიტაზი

წყლის ჩამოღვრის როგორი მეთოდი შევარჩიოთ?

ზოგადად, უნიტაზი ერთი ჩამოღვრისას 6 ლიტრ წყალს მოიხმარს. თანამედროვე მოწყობილობების ბევრ მოდელს აქვს ორმაგი ჩამოღვრის სისტემა ან წყლის ჩამოღვრის შეწყვეტის ფუნქცია, რაც წყლის ეკონომიის საშუალებას მოგცემთ. ორმაგი ჩამოღვრის სისტემაზე მიუთითებს ორნაწილიანი ღილაკი - ერთი ნაწილზე დაჭერისას ავზში არსებული წყალი სრულად ჩამოიღვრება, მეორეზე ნაწილზე დაჭერისას კი - ავზი მხოლოდ ნახევრად დაიცლება.

დასაკიდი უნიტაზი

პოპულარობა, ძირითადად, განპირობებულია იმით, რომ დასაკიდი უნიტაზის მილები და ავზი კედელში „იმალება“, ხოლო თავად ნიჟარა ჰაერში „დგას“; ჩასაშენებელი უნიტაზი სააბაზანო ოთახის თავისუფლად დაგეგმარების საშუალებად გაძლევთ და, ამასთანავე, შეკიდული მოწყობილობის ქვეშ იატაკის წმენდაც უფრო მარტივია.

თუ არჩევანი ამგვარ მოწყობილობაზე შეაჩერეთ, მონტაჟის დროს ყურადღება მიაქციეთ დასაკიდ სიმაღლეს: ის იატაკიდან დაშორებული უნდა იყოს 40-43 სმ-ით. წინააღმდეგ შემთხვევაში, დასაჯდომად მოუხერხებელი იქნება.

დასაკიდი უნიტაზი

სისუფთავის პრობლემა

რა მოვუხერხოთ შხეფებს ნიჟარიდან? ეს პირდაპირ დამოკიდებულია უნიტაზის ნიჟარის კონსტრუქციაზე. თეფშა უნიტაზი, ფაქტობრივად, გამორიცხავს შხეფების პრობლემას, მაგრამ მისი წმენდა მოუხერხებელია და სუნის თვალსაზრისითაც, ცოტა არ იყოს, პრობლემურია. ასევე, არსებობს დახრილი უნიტაზები, როცა ნიჟარის ერთი გვერდის დახრილობა 35-40 გრადუსია - ასეთი კონსტრუქციის მქონე ნიჟარის გაწმენდა ძალიან მარტივია, ხოლო შხეფების პრობლემის ასარიდებლად ძირში დაგროვებული წყლის სიმაღლე 7 სმ-ს არ უნდა აღემატებოდეს. ეს ტექნიკურ აღწერილობაში უნდა ნახოთ.

კიდევ რას უნდა მიაქციოთ ყურადღება?

რა თქმა უნდა, ყველას გვსურს, უნიტაზი იაფად შევიძინოთ, მაგრამ აქვე უნდა გქონდეთ ინფორმაცია, თუ რა ბონუსები აქვს ძვირადღირებულ მოდელებს. კერძოდ, ეს არის: ჭუჭყის საწინააღმდეგო საფარი, სახურავი მიკროლიფტით, რომელიც  თავისით ფრთხილად ეშვება და მჭიდროდ ეხურება, დეოდორიზაცია, ჰაერის წმენდის სისტემა და ა.შ.;

უნიტაზი

უნიტაზის მასალა - ფაიანსი თუ ფაიფური?

ფაიანსი გარეგნულად წააგავს ფაიფურს, მაგრამ განსხვავდება წარმოების ტექნოლოგიით. ეს არის თიხის თეთრი ან ფერადი მასა, რომელიც დაფარულია მინანქრით. თუკი ფაიანსი ადგილ-ადგილ (მაგ. უნიტაზის ნიჟარის წრეზე) სრულყოფილად არ არის მომინანქრებული, ამ ადგილებში სუნი ჯდება. ამიტომ, შერჩევისას კარგად შეამოწმეთ, ნიჟარა სრულყოფილად არის თუ არა მომინანქრებული.

გაცილებით მაღალი სამომხმარებლო თვისებების გარანტიებს იძლევა ფაიფურის უნიტაზი. ფაიფური უმაღლესი ხარისხის თიხისგან - კაოლინისგან დამზადებული ნაკეთობაა, რომელიც ასევე დაფარულია მინანქრით.

ფაიანსის და ფაიფურის ერთმანეთისგან გარჩევა რთულია, მაგრამ თუ კარგად დააკვირდებით - ფაიფური ქათქათა თეთრია, ფაიანსს კი - მონაცრისფრო ელფერი დაჰკრავს.

სხვა ბლოგები

რომელია გაზის საუკეთესო გამათბობელი?

რომელია გაზის საუკეთესო გამათბობელი?

როცა სახლის გათბობა გსურთ, გაზის კონვექტორი საუკეთესო არჩევანია იმის გათვალისწინებით, რომ ასეთი მოწყობილობა იაფია, მის მონტაჟს ერთი საათიც არ სჭირდება, უსაფრთხოა, სწრაფად ათბობს და ძალიან ეფექტიანია. კონვექტორი უზრუნველყოფს საცხოვრებელი სახლების, ბინების, აგარაკების, ოფისებისა თუ საყოფაცხოვრებო შენობების ავტონომიურ გათბობას.

19 ნოემბერი 2021

როგორ შევარჩიოთ ცენტრალური გათბობის ქვაბი?

როგორ შევარჩიოთ ცენტრალური გათბობის ქვაბი?

ცენტრალური გათბობის ქვაბის შერჩევისას უამრავი კითხვა ჩნდება: რამდენს წვავს ცენტრალური გათბობა, რომელია ყველაზე კარგი გათბობის ქვაბი, რას ნიშნავს ერთკონტურიანი და ორკონტურიანი და ა.შ.;

18 ოქტომბერი 2021

როგორ შევარჩიოთ აბაზანის სარკე

როგორ შევარჩიოთ აბაზანის სარკე

აბაზანის სარკე ინტერიერის ის საგანია, რომელიც მთელ ოჯახს სჭირდება. ამიტომ, ის ყველას უნდა „ერგებოდეს“ და, ამასთან ერთად, ჰარმონიულად ავსებდეს სააბაზანო ოთახის დიზაინს.

9 სექტემბერი 2021

როგორ შევარჩიოთ კერამოგრანიტი იატაკისთვის

როგორ შევარჩიოთ კერამოგრანიტი იატაკისთვის

კერამოგრანიტი მოსაპირკეთებელი მასალაა, საუკეთესო საექსპლუატაციო თვისებებით. ეს მასალა გამძლეა, ადვილად იწმინდება და რაც მთავარია, ხანმედეგია.

30 ივლისი 2021