სამზარეულოს გამწოვი - როგორ შევარჩიოთ იდეალური მოდელი?

ადამიანი სამზარეულოში დღეში საშუალოდ 67 წუთს ატარებს, რაც წელიწადში დაახლოებით 400 საათის ტოლფასია.   საკვების მომზადებას და ოჯახთან ერთად საუზმესა თუ ვახშამს საკმაოდ დიდ დროს უთმობთ.  გიფიქრიათ ოდესმე, რა გავლენას ახდენს სამზარეულოს გარემო თქვენს კულინარიულ გამოცდილებაზე? 

სასიამოვნო ინტერიერისა და სივრცის ერგონომიულობის გარდა, სამზარეულოში კომფორტის შექმნაში დიდ როლს თამაშობს სამზარეულოტექნიკაც. მაგალითად, კერძების მომზადებისას წარმოქმნილი სუნი, ორთქლი და ცხიმის ნაწილაკები მნიშვნელოვნად ცვლის სამზარეულოს ატმოსფეროს. ამ გამოწვევის გადასაჭრელად კი სწორად შერჩეული გამწოვი დაგჭირდებათ. 

მაგრამ როგორ უნდა შეარჩიოთ ისეთი გამწოვი, რომელიც იდეალურად მოერგება თქვენს საჭიროებებს და სამზარეულოს სივრცეს? რა ფაქტორები უნდა გაითვალისწინოთ არჩევანის გაკეთებისას? ამ თემაზე პრაქტიკულ რჩევებს ,,ნოვა” გაგიზიარებთ. 

გამწოვების სპექტრი: ტიპები ყველა სტილისა და ზომის სამზარეულოსთვის

სამზარეულოს გამწოვები მრავალფეროვანია და ხშირად ხალხს უჭირს შესაფერისი ვარიანტის შერჩევა. T-ტიპის, გამოსაწევი, დახრილი თუ პირამიდის ფორმის - თითოეულ მათგანს თავისი უნიკალური მახასიათებლები, უპირატესობები და ნაკლოვანებები აქვს. სწორი არჩევანი კი გადამწყვეტია არა მხოლოდ თქვენი სამზარეულოს გამართული ფუნქციონირებისთვის, არამედ სივრცის ესთეტიკური მხარითაც.

T ტიპის გამწოვი

T ტიპის გამწოვი დიდი მოცულობის ორთქლისა და სუნის შეწოვის უნარით გამოირჩევა. მას აქვს ფართო მოქმედების არეალი, რაც იდეალურია დიდი სამზარეულოებისთვის. მისი შთამბეჭდავი დიზაინი ხშირად სამზარეულოს ცენტრალური დეკორატიული ელემენტიც კი ხდება. 

იმ შემთხვევაში თუ პატარა ზომის სამზარეულო სივრცისათვის ეძებთ გამწოვს და ერთ-ერთ ვარიანტად ამ ტიპს განიხილავთ, უმჯობესია სხვა შეარჩიოთ. ეს იმიტომ, რომ მისი მასშტაბი მცირე ზომის სივრცეებში გამოწვევებს ქმნის - შეიძლება ზედმეტად დომინანტური იყოს და გადატვირთოს ინტერიერი. 

გამოსაწევი გამწოვი

მთავარი უპირატესობები მისი კომპაქტურობა და სამზარეულოს ავეჯში მარტივი ადაპტირების უნარია. ეს მოდელი, როგორც წესი, ხელმისაწვდომია ფასის თვალსაზრისით და იდეალურია მცირე სამზარეულოებისთვის, რადგან დიდი სივრცისთვის შესაძლოა სიმძლავრე არასაკმარისი აღმოჩნდეს, ან სუნი და ორთქლი არაეფექტურად შეიწოვოს. 

დახრილი გამწოვი

დახრილი გამწოვი გამოირჩევა ელეგანტური და თანამედროვე დიზაინით. ის ფუნქციონალობასა და ესთეტიკას შორის კარგ ბალანსს ქმნის. დახრილი გამწოვები ხშირად აღჭურვილია თანამედროვე ტექნოლოგიებით, მაგალითად, სენსორული მართვის პანელით ან LED განათებით, რაც ზრდის მათ მოხერხებულობასა და ეფექტურობას. 

პირამიდის ტიპის გამწოვი

პირამიდის ტიპის გამწოვის მთავარი უპირატესობები მისი კლასიკური, ელეგანტური დიზაინი და მოქმედების ფართო არეალია. პირამიდის ტიპის გამწოვი იდეალურია ტრადიციული ან ქანთრი სტილის სამზარეულოებისთვის. გადაწყვეტილების მიღებამდე გაითვალისწინეთ, რომ მისი კლასიკური დიზაინი შეიძლება არ შეესაბამებოდეს თანამედროვე ტენდენციებს.

ამ პროცესში, ასევე, მნიშვნელოვანია სამზარეულოს განლაგების ანალიზი. ყურადღება მიაქციეთ, სად მდებარეობს თქვენი ქურა - კედელთან თუ კუნძულზე. ეს განსაზღვრავს, თუ რომელი ტიპის გამწოვი იქნება ყველაზე შესაფერისი. 

მთავარი მახასიათებლები გასათვალისწინებლად

სამზარეულოს გამწოვის შერჩევისას მნიშვნელოვანია რამდენიმე ძირითადი მახასიათებლის გათვალისწინება. ეს დაგეხმარებათ ისეთი პროდუქტის შერჩევაში, რომელიც საუკეთესოდ მოერგება თქვენს საჭიროებებსა და სამზარეულოს სპეციფიკას.

განსაზღვრეთ სიგანე და ზომა

სიგანე და ზომა თქვენი ქურის ან სამზარეულოს კუნძულის ზომას უნდა შეესაბამებოდეს. იდეალურ შემთხვევაში, გამწოვი უნდა იყოს იმავე სიგანის ან ოდნავ უფრო ფართო, ვიდრე ქურაა. ეს ოპტიმალურ დაფარვას და ეფექტურობას განაპირობებს. გაითვალისწინეთ თქვენი სამზარეულოს ზომები და დარწმუნდით, რომ გამწოვი არ იქნება ზედმეტად დიდი ან პატარა სივრცისთვის.

სიმძლავრე და შეწოვის უნარი 

სიმძლავრე და გაწოვის უნარი (CFM) ერთ-ერთი უმთავრესი მახასიათებელია. CFM (Cubic Feet per Minute) აჩვენებს, თუ რამდენ კუბურ ჰაერს წმენდს გამწოვი ერთ წუთში. რაც უფრო მაღალია CFM, მით უფრო ეფექტურია გამწოვი. ეს პარამეტრი თქვენი სამზარეულოს ზომისა და ქურის სიმძლავრის მიხედვით უნდა გათვალოთ. ზოგადი მითითების მიხედვით, 100 CFM ყოველ 10,000 BTU-ზე. მაგალითად, თუ დიდი ზომის სამზარეულო მაღალი სიმძლავრის გაზის ქურითაა (მაგ. 60,000 BTU) აღჭურვილი, მაშინ ის ეფექტური ვენტილაციისათვის საჭიროებს მინიმუმ 600 CFM-ის გამწოვს.  

ხმაურის დონე 

გამწოვის ხმაურის დონე დეციბელებში (dB) იზომება. დაბალი ხმაურის დონის მქონე გამწოვები (50-55) კომფორტულ გარემოს ქმნის, მაშინ როცა მაღალი ხმაურის დონის გამწოვები (70 dB და მეტი) შეიძლება დისკომფორტის შემქმნელი აღმოჩნდეს, იმ შემთხვევაში თუ სამზარეულო საცხოვრებელი სივრცისგან იზოლირებული არაა. გაითვალისწინეთ, რომ ხმაურის დონე, როგორც წესი, სიმძლავრესთან ერთად იზრდება. მაგალითად, ,,ნოვაში” ხელმისაწვდომი ერთ-ერთი მოდელის სიმძლავრე 106.6 W, ხოლო ხმაურის დონე 54დბ-ია. რაც შეეხება უფრო მძლავრ მოდელს, 215 W-იანი სიმძლავრის შემთხვევაში ხმაურის დონე 66 დბ-მდე გაიზარდა.

ფილტრაციის სისტემა

ფილტრაციის სისტემა განსაზღვრავს, თუ რამდენად ეფექტურად წმენდს გამწოვი ჰაერს ცხიმისგან, სუნისა თუ ორთქლისგან. არსებობს ორი ძირითადი ტიპის ფილტრაცია: გამწოვი (ducted) და რეცირკულაციური (ductless). გამწოვი სისტემები უფრო ეფექტურია, მაგრამ მოითხოვს სავენტილაციო არხების არსებობას. რეცირკულაციური სისტემები ნაკლებად ეფექტურია, მაგრამ უფრო მოქნილია მონტაჟის თვალსაზრისით.

მასალა და დიზაინი

მასალა და დიზაინი გავლენას ახდენს როგორც გამწოვის გამძლეობაზე, ისე მის ესთეტიკურ მხარეზე. მედეგობისა და ადვილად მოვლის გამო, უჟანგავი ფოლადი პოპულარული არჩევანია. თუმცა, არსებობს სხვა ვარიანტებიც, როგორიცაა მინა, სპილენძი ან შეღებილი ზედაპირები. დიზაინი უნდა შეესაბამებოდეს თქვენი სამზარეულოს საერთო სტილს. გაითვალისწინეთ ისეთი დეტალები, როგორიცაა განათება, მართვის პანელის ტიპი და დამატებითი ფუნქციები.

ეფექტური გამწოვები ,,ნოვასგან”

გსურთ თქვენი სამზარეულო მეტად კომფორტულ სივრცედ აქციოთ და ამ პროცესში საიმედო პარტნიორს ეძებთ? მაშინ, ,,ნოვას” ფილიალებს ან ონლაინ მაღაზიას ესტუმრეთ. 

"ნოვას" მაღაზიათა ქსელში წარმოდგენილია სხვადასხვა დიზაინის, ფერისა და ზომის MIDEA-ს გამწოვების ფართო არჩევანი. ეს მრავალფეროვნება საშუალებას გაძლევთ შეარჩიოთ როგორც კლასიკური, ისე თანამედროვე სტილის მოდელი, რომელიც იდეალურად მოერგება თქვენს სამზარეულოს.

პროდუქტების მთავარი უპირატესობებია:

• ეფექტური ფილტრაციის სისტემა, რომელიც სანდოდ ასუფთავებს ჰაერს;
• მრავალფეროვანი კონტროლის სისტემები: მექანიკური, სენსორული, Touch Control;
• განსხვავებული დიზაინი და ფორმები: გამოსაწევი, პირამიდა, დახრილი, T-ტიპი;
• რეგულირებადი სიმძლავრე და ჰაერის ნაკადის პარამეტრები;
• ხანგრძლივი და საიმედო მუშაობა.

ამ ბლოგის წაკითხვის შემდეგ, თქვენ უკვე  გაქვთ ცოდნა შექმნათ ჯანსაღი გარემო სამზარეულოში და გყავთ სანდო პარტნიორი კომპანია, რომლის გამოცდილი გუნდი მზადაა დაგეხმაროთ სწორი არჩევანის გაკეთებაში და მოგაწოდოთ სრულყოფილი ინფორმაცია პროდუქტის მახასიათებლების შესახებ.

გადადგით ეს მნიშვნელოვანი ნაბიჯი დღესვე და იგრძენით განსხვავება. გაუმკლავდით სამზარეულოს გამოწვევებს "ნოვასთან” ერთად!