სახურავის კატალოგი
ავზის კატალოგი
სახელმძღვანელო
ბეტეკის კატალოგი
თავიდანვე შევთანხმდეთ, რომ იატაკის საფარი უნდა იყოს: გამძლე, ხანმედეგი, ადვილად იწმინდებოდეს და, რა თქმა უნდა, ესთეტიკურადაც უნდა მოგეწონოთ. ყველა ამ მოთხოვნას საუკეთესოდ პასუხობს კერამოგრანიტი - მოსაპირკეთებელი მასალა, საუკეთესო საექსპლუატაციო თვისებებით.
მოდით, თანმიმდევრობით განვიხილოთ:
რა არის კერამოგრანიტი?
თავდაპირველად უნდა აღინიშნოს, რომ კერამოგრანიტის ფილები ბუნებრივი ქვის ჩასანაცვლებლად მოიფიქრეს, როგორც უფრო იაფი და ხელმისაწვდომი ალტერნატივა და ამ ეტაპზე, შეიძლება ითქვას, გამძლეობითა და საექსპლუატაციო თვისებებით მან ბუნებრივ ქვას საგრძნობლად გაუსწრო.
ზოგადად, კერამიკული ფილები, თავისი შემადგენლობისა და თვისებების მიხედვით, ორ სახეობად იყოფა:
- კერამიკული ფილები;
- კერამოგრანიტის ფილები.
ანუ, ტერმინი „კერამიკული ფილა“ მოიაზრებს ყველა კერამიკულ ფილას, გარდა კერამოგრანიტისა.
რა მასალა გამოიყენება?
ნებისმიერი სახის კერამიკული ფილის დამზადებისთვის საჭიროა მასალაა თიხები, სხვა ტიპის წიაღისეულის ნედლეული და სხვ. მთავარი ნედლეული თეთრი თიხებია - ვინაიდან ის კაოლინსა და მინერალ კაოლინიტს შეიცავს. აღნიშნული მინერალები კერამოგრანიტის მთავარ თვისებას - ყინვაგამძლეობას და ცვეთამედეგობას განაპირობებენ.
კაოლინური თიხა ძვირიად ფასობს, აქედან გამომდინარე კერამოგრანიტის ფასი შედარებით მაღალია, თუმცა, ამის მიუხედავად, დიდი მოთხოვნით სარგებლობს, რადგან, კერამიკულ-თან შედარებით, მეტი უპირატესობა გააჩნია. მათ შორის:
- წყლის შთანთქმის კოეფიციენტი ძალიან დაბალი აქვს - ეს იმას ნიშნავს, რომ ყინვის დროს (გარე მოპირკეთების შემთხვევაში) წყლით არ გაიჟღენთება, არ გაფართოვდება და არ გასკდება;
- ზედაპირის ხახუნის კოეფიციენტი მაღალი აქვს (მქრქალ და ფაქტურულ ფილებს) და ადამიანს ზედ ფეხი არ დაუცდება;
- ზედაპირის ცვეთამედეგობა მაღალი აქვს. უძლებს ინტენსიურ დატვირთვას;
- პირველადი გარეგნული იერსახის შენარჩუნების მაღალი უნარი აქვს;
- ტემპერატურული ცვლილებების მიმართ მაღალი მდგრადობა აქვს - არ გასკდება ზაფხულში გაფართოების, _ ან ზამთარში შეკუმშვის შედეგად.
ყველა ამ პირობის გათვალისწინებით, ნათელი ხდება, რომ გარე მოპირკეთების დაბლა დასაგებ ფილებს შორის კერამოგრანიტი უკონკურენტოა, ხოლო შიდა მოპირკეთებაშიც, იატაკის ფილებში ყველაზე გავრცელებული პროდუქტია (აბაზანები, სამზარეულო).
კერამოგრანიტის კიდევ ერთი უპირატესობაა ის, რომ კერამიკულ ფილებთან შედარებით, მისი წარმოება დიდი ზომის ნაჭრებადაც შეიძლება, რაც დაგების ხარჯს, საგრძნობლად, ამცირებს.
ეკოლოგიურად სუფთა სარემონტო მასალა
კერამოგრანიტის ფილა ეკოლოგიური და უსაფრთხოა - ეს მისი კიდევ ერთი დიდი უპირატესობაა. მზის ულტრაიისფერი სხივები არ ემუქრება კერამოგრანიტის ფიზიკურ თვისებებსა და ფერს. პირველადი გარეგნული იერსახე, სიგლუვე და სიპრიალე ექსპლუატაციის მრავლი წლის განმავლბაში ნარჩუნდება. ასევე, კერამოგრანიტის მოვლა ადვილია. თუ საჭირო გახდება, შეგიძლიათ კერამოგრანიტის გაწმენდა მჟავა და ტუტე ხსნარებით - ისინი არ აზიანებს კერამოგრანიტის ზედაპირს.
სარემონტო რჩევები:
შეარჩიეთ კერამოგრანიტის სწორი ზომა
რემონტის დაწყების წინ გაითვალისწინეთ, რომ ფილების გაბარიტები უნდა შეესაბამებოდეს შენობის ფართს. პატარა ფართზე დიდი ზომის ნაჭრები ულამაზოდ გამოიყურება.
დიდი ზომებიდან სტანდარტულია 600х600 მმ; მას დასაგებად სჭირდება კარგად გასწორებული საფუძველი და მაღალი ხარისხის წებო.
შედარებით მომცრო ზომის ფილები - 300х300 მმ ან 450х450 მმ - მცირედ უსწორმასწორო საფუძველსაც აიტანს; გარდა ამისა, მომცრო ზიმის კერამო გრანიტის დაგება უფორ მარტივია და ხარჯიც ნაკლები აქვს.
თუკი არასტანდარტული დიზაინის იატაკი გაქვთ, ამ შემთხვევაში უმჯობესია, შეარჩიოთ სწორკუთხა ფორმით ან პატარა დეტალები 50х50 ზომით. ამ დეტალებით კარგად იგება მოზაიკა.
საჭირო სისქე
კერამოგრანიტის ფილებს სხვადასხვა სისქისას აწამოებენ: მინიმალური სისქეა - 3 მმ. მაქსიმალური - 3 სმ.;
თუმცა უნდა იცოდეთ, რომ კერამოგრანიტის გამძლეობა მის სისქეზე სულაც არ არის დამოკიდებული. სწორი მონტაჟის პირობებში 3-მილიმეტრიანი ფილა ექსპლუატაციაში ისეთივე გამძლე იქნება, როგორც 3-სამტიმეტრიანი სისქის ფილა. თუმცა კერამოგრანიტის ფილების ფასი სისქის მიხედვით შეიძლება განსხვავებული იყოს, ამიტომ ამის გამო ზედმეტის გადახდა არ ღირს.
თუკი გსურთ, კერამოგრანიტის იატაკის ფილები სამზარეულოში დასაგებად შეიძინოთ, სრულიად საკმარისია 8-9 მმ სისქის ფილა. ასეთი სისქის იატაკი 1 კვ.მ-ზე 200 კგ დატვირთვას უძლებს!
გარეგნული მახასიათებები
კერამოგრანიტი მქრქალი (მატი) - არ პრიალებს, შეხებით ცოტა უხეშია, თუმცა, სამაგიეროდ ზედ ფეხი არ ცურავს და მეტი სიმტკიცეც აქვს.
კერამოგრანიტი პოლირებული - ფილაზე დაიტანება ჭიქური და შედეგად მიიღება პრიალა ზედაპირი. პოლირება შედარებით ამცირებს ცვეთის მიმართ ამტანობას - დროთა გამავლობაში, თუკი უხარისხო პროდუქციაა, პოლირება იცრიცება. ეს საფრთხე არსებობს ისეთ სივრცეში, სადაც ბევრი ადამიანი მოძრაობს და იატაკი ინტენსიური დატვირთვის ქვეშაა.
კერამოგრანიტი ფაქტურიანი - ფილის ზედაპირზე დაიტანება რელიეფი სხვადასხვა მასალის იმიტირებით: ტყავი, ხე, ქვა.
- თუკი კერამოგრანიტი გარე სივრცისთვის გსურთ, გაითვალისწინეთ, რომ ფეხი არ ცურავს მხოლოდ მქრქალ და ფაქტურულ ფილებზე.
გაცრეცის მიმართ მდგრადობის დონე
გაცრეცის მიმართ მდგრადობის დონე იზომება სპეციალურ სკალაზე, რომელსაც PEI სკალა ეწოდება.
PEI კლასიფიკაცია კი ასეთია:
- PEI I - ყველაზე დაბალი გამძლეობა ცვეთის მიმართ. ასეთი კერამოგრანიტი კედლისთვის გამოიყენება;
- PEI II - ისეთი ოთახებისთვის, სადაც ფეხი ხშირად არ ხვდება - სააბაზანო ოთახი, საპირფარეშო ოთახი;
- PEI III - იმ ოთახისთვის, სადაც საათის განმავლობაში 100-მდე ადამიანი მოძრაობს;
- PEI IV - საზოგადოებრივი ადგილების იატაკის მოსაპირკეთებლად, სადაც საათის განმავლობაში 100-ზე მეტი ადამიანი მოძრაობს;
- PEI V - ისეთი სივრცეებისთვის, სადაც ინტენსიური მოძრაობაა - აეროპორტი, ვაგზალი.
ამ ჩამონათვალიდან უნივერსალურია PEI III, რომელიც სახლის ყველა ოთახისთვის საუკეთესო არჩევანია.
წაიკითხეთ შეფუთვაზე მითითებული ინფორმაცია
შეფუთვაზე დაიტანება ინფორმაცია:
ა) შეფუთვაში ასებული ფილების რაოდენობის შესახებ - თუ რამდენ კვ.მ-ზეა გათვალისწინებული შეფუთვაში არსებული რაოდენობა. იმისთვის, რომ გაარკვიოთ, რამდენი შეფუთვა დაგჭირდებათ, ოთახის იატაკის ფართობი გაყავით შეფუთვაზე მითითებულ კვ.მ-ზე, მიღებული რიცხვი კი დაამრგვალეთ მატებისკენ (მარაგისთვის უმატებენ 5-10%-ს) და შეიძინეთ მასალა ზედმეტობით. მართალია, კერამოგრანიტის ფილები საკმაოდ გამძლეა, მაგრამ მაინც არსებობს საფრთხე, რომ ტრანსპორტირების ან გადმოტვრთვის დროს დაზიანდეს.
ბ) შეფუთვაში არსებული კერამოგრანიტის ფერის პარტიის ნომერი - ეს პარამეტრი ყველა შეფუთვაზე ერთი და იგივე უნდა იყოს. წინააღმდეგ შემთხვევაში, შეიძლება ფერში განსხვავება მოგცეთ. ეს სხვაობა შეფუთვაში არც ჩანს, მაგრამ დაგების შემდეგ აუცილებლად თვალშისაცემად გამოჩნდბა.
გ) გაგეცინებათ და, ყოველი შემთხვევისთვის, ყურადღებით დააკვირდით, ხომ ნამდვილად იატაკის ფილა შეარჩიეთ და სახლში, შემთხვევით, კერამოგრანიტის კედლის ფილა არ მიგაქვთ.
და კიდევ ერთი, არანაკლებ საგულისხმო რეკომენდაცია - კერამოგრანიტის ფილას უკანა მხარეს კვადრატული ჩაღრმავებები აქვს, რომლებში დაიტანება წებო. ეს კვადრატები თითო 2 სმ-ზე მეტი არ უნდა იყოს. თუკი ისინი დიდი ზომისაა, ეს უხარისხობაზე მეტყველებს.
Nova იღბლიან შენაძენს გისურვებთ!
