როგორ შევარჩიოთ იდეალური ჭურჭლის სარეცხი მანქანა - რჩევები ,,ნოვასგან”

არც თუ ისე დიდი ხნის წინ ჭურჭლის რეცხვა უსიამოვნო რიტუალი იყო, ალბათ, კერძების მომზადების, სადილსა თუ ვახშმის შემდეგ აუცილებელ პროცესში ჩაფლული, ხშირად ფიქრობდნენ (და დღესაც ფიქრობენ) , თუ რას მოახმარდნენ ,,ფუჭად”  ამ დახარჯულ დროს. 

დღეს ჭურჭლის რეცხვა ისეთი მარტივია, როგორც არასოდეს ყოფილა, და ეს ჭურჭლის სარეცხი მანქანების დამსახურებაა. თუმცა ახლა სხვა გამოწვევასთან გამკლავებაა საჭირო. თუ ახალი ტექნიკის ყიდვას აპირებთ, საკუთარ თავს აუცილებლად ჰკითხავთ - როგორი ჭურჭლის სარეცხი მანქანა ვიყიდო? რომელ მაღაზიაში? როგორ შევარჩიო? 

ჭურჭლის მანქანა მნიშვნელოვანი შენაძენია, რომელიც არც თუ მწირ ფინანსურ რესურსს მოითხოვს, მაგრამ სწორად თუ შეარჩევთ, მოგება მეტი იქნება, ვიდრე დანახარჯი. სწორად შერჩევაში კი ეს ბლოგი დაგეხმარებათ. 

ზომა მართლაც მნიშვნელოვანია: როგორ შევუხამოთ ტევადობა ოჯახის საჭიროებებს

პირველი, რაც ჭურჭლის სარეცხი მანქანის შერჩევისას უნდა გაითვალისწინოთ, თქვენი ოჯახის ზომა და ყოველდღიური საჭიროებებია. ტევადობა იზომება პერსონებით. ერთი პერსონა ერთი ადამიანის სადილისთვის საჭირო ჭურჭელს გულისხმობს. მცირე ოჯახებისთვის, სადაც 1-3 ადამიანი ცხოვრობს, 9-10 პერსონიანი მოდელი საკმარისი იქნება. საშუალო ზომის ოჯახებისთვის (4-6 ადამიანი) რეკომენდებულია 12-14 პერსონიანი მოდელები, ხოლო დიდი ოჯახებისთვის (6+ ადამიანი) უმჯობესია 14+ პერსონიანი ჭურჭლის სარეცხი მანქანა.

გარდა ამისა, მნიშვნელოვანია გაითვალისწინოთ თქვენი სამზარეულოს ზომა. თუ სივრცე შეზღუდულია, ყურადღება მიაქციეთ კომპაქტურ მოდელებს, რომლებიც ნაკლებ ადგილს იკავებს, მაგრამ მაინც ეფექტურად ასრულებს თავის ფუნქციას. სტანდარტული ზომის მოდელები უფრო ოპტიმალური ვარიანტია  იმ შემთხვევაში, თუ სამზარეულოში საკმარისი სივრცე გაქვთ და რეგულარულად გჭირდებათ დიდი რაოდენობის ჭურჭლის გარეცხვა.

ეკო არჩევანი თქვენი სამზარეულოსთვის: ენერგოეფექტურობა და წყლის დაზოგვა

დღევანდელ დღეს, როდესაც გარემოს დაცვა და ენერგიის დაზოგვა სულ უფრო მნიშვნელოვანი ხდება, ენერგოეფექტურობა ერთ-ერთი მთავარი კრიტერიუმია ჭურჭლის სარეცხი მანქანის შერჩევისას. ყურადღება მიაქციეთ ენერგოეფექტურობის კლასს - A++ ან A+++ კლასის მოდელები, როგორც  წესი, ყველაზე ეკონომიურებია. მსგავსი მიდგომა არა მხოლოდ გარემოს დაცვას უწყობს ხელს, არამედ გრძელვადიან პერსპექტივაში მნიშვნელოვნად ამცირებს თქვენს კომუნალურ ხარჯებს.

წყლის მოხმარების მაჩვენებელიც მნიშვნელოვანი ფაქტორია. თანამედროვე, ეფექტური მოდელები იყენებენ დაახლოებით 15 ლიტრ წყალს ერთი ციკლის განმავლობაში. რაც უფრო დაბალია ეს მაჩვენებელი, მით უკეთესია როგორც გარემოსთვის, ასევე თქვენი ყოველთვიური ხარჯებისათვის.

ასევე, ყურადღება მიაქციეთ ეკო-პროგრამების არსებობას. ეს პროგრამები ოპტიმიზებულია წყლისა და ელექტროენერგიის მინიმალური დანახარჯებით ეფექტური რეცხვისთვის. მართალია, ენერგოეფექტური მოდელები შეიძლება უფრო ძვირი ღირდეს, მაგრამ გრძელვადიან პერსპექტივაში ისინი მნიშვნელოვან სარგებელს გთავაზობთ.

ხმაურის კონტროლი: როგორ შევარჩიოთ ყველაზე წყნარი ჭურჭლის სარეცხი მანქანა

ხმაურიანი საყოფაცხოვრებო ტექნიკა შეიძლება გამაღიზიანებელი და დისკომფორტის შემქმნელი აღმოჩნდეს, განსაკუთრებით მაშინ, თუ თქვენი სამზარეულო ახლოსაა საცხოვრებელ ოთახებთან. ჭურჭლის სარეცხი მანქანის ხმაურის დონე დეციბელებში (დბ) იზომება. როგორც წესი, თანამედროვე სარეცხი მანქანების ხმაურის დონე 40-დან 50 დეციბელამდე მერყეობს, რაც კლავიატურაზე წერის დროს გამოცემული ხმის ტოლფასია. 

თუ ხმაური თქვენთვის მნიშვნელოვანი ფაქტორია, ეძებეთ მოდელები დამატებითი ხმის იზოლაციით. ზოგიერთ თანამედროვე მოდელს აქვს სპეციალური ღამის რეჟიმი, რომელიც კიდევ უფრო ამცირებს ხმაურს მუშაობისას. შეამოწმეთ, თუ აქვს მანქანას ინვერტორული ძრავა - ასეთი ძრავები, როგორც წესი, უფრო ჩუმად მუშაობს და ნაკლებად ვიბრირებს.

ეფექტური რეცხვა: რეჟიმები და პროგრამები ყველა ტიპის ჭურჭლისთვის

მრავალფეროვანი პროგრამები საშუალებას გაძლევთ მოარგოთ რეცხვის პროცესი სხვადასხვა ტიპის ჭურჭელსა და დაბინძურების დონეს. სტანდარტული პროგრამები, რომლებიც ნებისმიერ ხარისხიან ჭურჭლის სარეცხ მანქანას უნდა ჰქონდეს, მოიცავს ინტენსიურ რეცხვას (ძლიერ დაბინძურებული ჭურჭლისთვის), ეკო რეჟიმს (ენერგიისა და წყლის დაზოგვისთვის), სწრაფ რეცხვას (მსუბუქად დაბინძურებული ჭურჭლისთვის) და ნაზ რეცხვას (ადვილად მსხვრევადი ჭურჭლისათვის).

გარდა ამ ძირითადი პროგრამებისა, თანამედროვე მოდელებს ხშირად აქვთ დამატებითი, სასარგებლო ფუნქციები. მაგალითად, ავტომატური რეჟიმი, რომელიც თვითონ არჩევს ოპტიმალურ პარამეტრებს ჭურჭლის დაბინძურების მიხედვით, ნახევრად დატვირთვის რეჟიმი მცირე რაოდენობის ჭურჭლისთვის, ან ჰიგიენური რეცხვა მაღალი ტემპერატურით სტერილიზაციისთვის.

რაც უფრო მეტი პროგრამა აქვს მანქანას, მით უფრო მოქნილად შეგიძლიათ მისი გამოყენება სხვადასხვა სიტუაციაში. 

სტილი სამზარეულოში: როგორ შევარჩიოთ იდეალურად მორგებული დიზაინი

ჭურჭლის სარეცხი მანქანის შერჩევისას მნიშვნელოვანია გავითვალისწინოთ, როგორ მოერგება ის თქვენი სამზარეულოს დიზაინს. ჩასაშენებელი მოდელები იდეალურია ინტეგრირებული სამზარეულოებისთვის - ისინი სამზარეულოს ავეჯს სრულად ერწყმის და ერთიან, გლუვ იერსახეს ქმნის. ცალკე მდგომი მოდელები კი განთავსების თვალსაზრისით მეტ მოქნილობას გთავაზობთ და ადვილად გადაადგილდება საჭიროების შემთხვევაში.

პანელის დიზაინიც მნიშვნელოვანი ფაქტორია. კლასიკური მოდელებს ხშირად ფიზიკური ღილაკები აქვთ, რაც ბევრისთვის უფრო ინტუიციური და ადვილად გამოსაყენებელია. თანამედროვე მოდელები კი ხშირად სენსორული პანელებითაა აღჭურვილი, რაც უფრო თანამედროვე ესთეტიკურ იერსახეს ქმნის და ადვილად იწმინდება.

ფერის არჩევანიც მნიშვნელოვანია. კლასიკური თეთრი ფერი უნივერსალურია და ყველა სამზარეულოს ერგება. ელეგანტური შავი ფერი შესანიშნავად გამოიყურება თანამედროვე, მინიმალისტურ სამზარეულოებში. 

ჭურჭლის სარეცხი მანქანები ,,ნოვასგან”

"ნოვაში" იპოვით Midea-ს უმაღლესი ხარისხის ჭურჭლის სარეცხ მანქანებს, რომლებიც მრავალ უპირატესობას  გთავაზობთ. ჩვენი მოდელები გამოირჩევა 12-დან 14 პერსონამდე ტევადობით, რაც აკმაყოფილებს როგორც მცირე, ისე დიდი ოჯახების საჭიროებებს. ენერგოეფექტურობის თვალსაზრისით, Midea-ს მანქანები A++ და A+++ კლასის მაჩვენებლებით ამცირებენ ელექტროენერგიის ხარჯებს და იცავენ გარემოს.

ხმაურის დონე, რომელიც მერყეობს 38-დან 49 დეციბელამდე, მშვიდ საცხოვრებელ გარემოს უზრუნველყოფს. განსაკუთრებით აღსანიშნავია მოდელები, რომლებიც 40 დეციბელზე ნაკლები ხმაურის დონიზე მუშაობს, რაც პრაქტიკულად შეუმჩნეველია ყოველდღიურ ცხოვრებაში.

ჭურჭლის სარეცხი მანქანების მოდელები 4-დან 8-მდე სხვადასხვა რეცხვის რეჟიმითაა აღჭურვილი, მათ შორისაა ავტომატურ რეჟიმი, ღამის რეჟიმი და სპეციალურ პროგრამებს მსხვრევადი ჭურჭლისთვის. ეს მრავალფეროვნება საშუალებას გაძლევთ მოარგოთ რეცხვის პროცესი ნებისმიერი ტიპის ჭურჭელსა და დაბინძურების დონეს.

"ნოვა" გთავაზობთ როგორც ჩასაშენებელ, ისე ცალკე მდგომ მოდელებს სხვადასხვა ფერში - კლასიკური თეთრიდან თანამედროვე ინოქსის ჩათვლით. ინოვაციური ტექნოლოგიები, როგორიცაა ინვერტორული ძრავა და სამმაგი დუშირების სისტემა, უზრუნველყოფს მაღალ ეფექტურობას და იდეალურ სისუფთავეს.

ნუ გადადებთ ,,ნოვას” პროდუქციის შეძენას - გამოსცადეთ სამზარეულო, სადაც ჭურჭლის რეცხვა აღარ არის ტვირთი.