Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ ცენტრალური გათბობის რადიატორი

როგორ შევარჩიოთ ცენტრალური გათბობის რადიატორი

სტატიაში განვიხილავთ, რა განსხვავებაა გათბობის რადიატორებს შორის, რა პლუსები და მინუსები აქვს თითოეულ სახეობას, რომელი რადიატორი გამოგადგებათ კერძო სახლისთვის, კორპუსის ბინისთვის, ოფისისთვის და რას უნდა მიაქციოთ ყურადღება, როცა გათბობის რადიატორის ყიდვას გადაწყვეტთ.

ადრე ამ მხრივ მარტივი არჩევანი იყო - უფრო სწორად, არჩევანის საერთოდ არ არსებობდა, რადგან ყველა რადიატორი თუჯისგან მზადდებოდა.

დღეს კი აბსოლუტურად განსხვავებული სიტუაციაა. სამშენებლო მაღაზიები და სარემონტო ჰიპერმარკეტები გათბობის სისტემების და აქსესუარების დიდ არჩევანს გვთავაზობენ. მათ შორის არის, რა თქმა უნდა, ცენტრალური გათბობის რადიატორების სხვადასხვა მოდელები, მაგრამ ისინი, ერთი შეხედვით, ყველა ერთმანეთს ჰგავს. მაინც, როგორ განვსაზღვროთ, რომელი შევარჩიოთ, რათა ოპტიმალური შედეგი მივიღოთ?

გათბობის რადიატორები ერთმანეთისგან განსხვავდება მასალით და კონსტრუქციით. ცენტრალური გათბობის რადიატორების სახეობებია:

  • ალუმინის სექციური გათბობის რადიატორი;
  • ბიმეტალის სექციური გათბობის რადიატორი;
  • ფოლადის პანელური რადიატორები;
  • თუჯის რადიატორი

გათბობის სექციური რადიატორი

ალუმინის სექციური რადიატორები

ალუმინის სექციური გათბობის რადიატორი დღეს მომხმარებელთა ყველაზე დიდი მოწონებით სარგებლობს, რადგან მას ბევრი ღირსება  აქვს.

ალუმინის რადიატორების პლუსებია:

  • აქვს კარგი თბოგამტარობა, შეუძლია მთელი სისტემის სწრაფად გათბობა;
  • ალუმინის რადიატორები მსუბუქია, მათი მონტაჟი და, საჭიროების შემთხვევაში, დემონტაჟი მარტივია;
  • ფორმის ანუ სექციების დამსახურებით, აქვს საუკეთესო კონვექციური თბოგადაცემა;
  • სექციური რადიატორები ესთეტიკურად ლამაზია;
  • ალუმინის გათბობის ბატარეების ფასი მისაღებია.

ალუმინის რადიატორების მინუსები:

როცა ალუმინის რადიატორების ყიდვა გსურთ, ყურადღება მიაქციეთ იმ მოდელებს, რომლებსაც შიგნით პოლიმერული დამცავი საფარი აქვს. ეს გამორიცხავს ალუმინის რეაქციაში შესვლას წყალთან და კოროზიის გაჩენას.

გარდა ამისა, უნდა გაითვალისწინოთ, რომ რაც უფრო დიდი ზომისაა სექციური რადიატორი, მით უფრო კარგად გამოსცემს სითბოს. სექციური რადიატორების ერთი სექციის სტანდარტული სიღრმეა 95-100 მმ, თუმცა არსებობს უფრო ბიუჯეტური მოდელები, სექციის სიღრმით 80 მმ - ასეთი მოდელები, ფასის შესაბამისად, სითბოსაც უფრო ნაკლებს გასცემს.

ბიმეტალის რადიატორები

ბიმეტალის რადიატორები ალუმინის რადიატორებისგან მხოლოდ შიდა კონსტრუქციით განსხვავდება, გარეგნულად კი ისინი თითქმის ერთნაირია.

ბიმეტალის ფირფიტა შედგება ორი სხვადასხვაგვარი ლითონის ფენისაგან.

ბიმეტალის რადიატორში სექციებს შორის მოთავსებულია ფოლადის მილები, რომელთა საშუალებითაც რადიატორი დიდ წნევას და ჰიდროდარტყმებს უძლებს.

ბიმეტალის რადიატორების პლუსებია:

  • ესთეტიკური დიზაინი;
  • კარგი სითბოგადაცემა;
  • მაღალი სამუშაო წნევის ამტანობა (35 ატმოსფერომდე);
  • ექსპლუატაციის ხანგრძლივი ვადა (20+ წელიწადი);

ბიმეტალის რადიატორების მინუსია:

  • შედარებით მაღალი ფასი.

ბიმეტალის რადიატორის შერჩევის მთავარი კრიტერიუმია სამუშაო წნევის მაქსიმალური სიდიდე და დიზაინი. სხვა მხრივ ისინი ერთნაირია.

გათბობის პანელური რადიატორი

ფოლადის პანელური რადიატორები

პანელური რადიატორი არის ერთმანეთთან შედუღებული ორი ფირფიტა - პანელები. მათ დამახასიათებელი ფორმები აქვს, რომლებიც შიდა გამტარ არხებს ქმნის. სწორედ ამ არხების საშუალებით ცირკულირებს სითბოგადამცემი.

ფოლადის რადიატორების პლუსებია:

  • მარტივი კონსტრუქცია;
  • რადიატორის დიდი ფართობი, რაც უზრუნველყოფს მაღალ თბოგამტარობას;
  • ხელმისაწვდომი ფასი;

ფოლადის რადიატორების მინუსებია:

  • იმ შემთხვევაში, თუკი სითბოგადამცემი ცუდი ხარისხისაა და სისტემიდან წყლის ხშირად დაცლა ხდება საჭირო, კოროზიის პროცესი იწყება;
  • შედარებით ნაკლებია მათი სამუშაო წნევა (8-დან 14 ატმოსფერომდე).

თუჯის რადიატორები

10-12 წლის წინ სახლის გათბობის მთავარი მოწყობილობა თუჯის რადიატორები იყო. თუჯის რადიატორებს დღესაც აწარმოებენ, თუმცა მათი დიზაინი გაცილებით თანამედროვეა.

თუჯის რადიატორების პლუსებია:

  • დიდი მასის დამსახურებით  მისი სითბოტევადობა დიდია და როცა გათბობის ქვაბი გამორთულია, დიდხანს არ გრილდება, თუმცა თავიდან გასათბობად ხანგრძლივი დრო სჭირდება;
  • თუჯის ბატარეაში სითბოგადამტანის (წყლის) ტემპერატურამ შეიძლება მიაღწიოს 1300-ს, ისე რომ ბატარეას ზიანი არ მიადგეს;
  • თუჯის ბატარეას არ „აშინებს“ სითბოგადამტანის მაღალი კოროზიული აგრესიულობა;
  • შეუძლია, იმუშაოს მუდმივად მაღალი წნევის ქვეშ;
  • ინოვაციური დიზაინი აქვს;
  • მისი ექსპლუატაციის ვადა ხანგრძლივია (50+ წელი);

თუჯის რადიატორის მინუსებია:

  • შეიძლება, ვერ გაუძლოს ჰიდროდარტყმებს;
  • აწყობილ თუჯის ბატარეას დიდი წონა აქვს;
  • ექსპლუატაციის გარკვეული დროის გასვლის შემდეგ, შეიძლება რადიატორის გადაღებვა გახდეს საჭირო.

დასკვნის სახით:

იმისთვის, რომ სწორად შეარჩიოთ ცენტრალური გათბობის რადიატორი, პირველ რიგში, მხედველობაში უნდა მიიღოთ შენობის ტიპი, რომელშიც რადიატორები დამონტაჟდება. მაგალითად, ეს შეიძლება იყოს: კერძო სახლი, ბინა მრავალსართულიან კორპუსში, ადმინისტრაციული შენობა:

  • ალუმინის რადიატორები საუკეთესო არჩევანია კერძო სახლებისთვის;
  • მრავალსართულიან კორპუსებში უკეთესია ბიმეტალის რადიატორების დამონტაჟება, რადგან სექციის შიდა კოროზიის საფრთხე ნაკლებია;
  • ფოლადის პანელის რადიატორები საუკეთესოდ ასრულებს თავის საქმეს ოფისებში, ასევე - სააგარაკე სახლებში.

გარდა ამისა, ცენტრალური გათბობის რადიატორების შერჩევისას ყურადღება მიაქციეთ, მინიმუმ, შემდეგ პარამეტრებს: გასათბობი ოთახის ფართობს, ჭერის სიმაღლეს, ოთახში კარების და ფანჯრების რაოდენობას.

დიდწილად რადიატორის სწორად შერჩევაზეა დამოკიდებული, თუ როგორი სითბო იქნება შენობაში, ამიტომ საჭიროა, ამ პროცესს ყურადღებით მიუდგეთ, რათა შემდეგში რადიატორის რემონტის საჭიროება და  სითბოს დაკარგვის პრობლემები თავიდან აიცილოთ.

თუკი გადაწყვეტთ, ნოვას რადიატორი შეიძინოთ, ჩვენი სპეციალისტები კონსულტაციას გაგიწევენ და დაწვრილებთ აგიხსნიან, რა განსხვავებებია მოდელებს შორის და რომელი იქნება თქვენთვის ოპტიმალური.

სხვა ბლოგები

რომელია გაზის საუკეთესო გამათბობელი?

რომელია გაზის საუკეთესო გამათბობელი?

როცა სახლის გათბობა გსურთ, გაზის კონვექტორი საუკეთესო არჩევანია იმის გათვალისწინებით, რომ ასეთი მოწყობილობა იაფია, მის მონტაჟს ერთი საათიც არ სჭირდება, უსაფრთხოა, სწრაფად ათბობს და ძალიან ეფექტიანია. კონვექტორი უზრუნველყოფს საცხოვრებელი სახლების, ბინების, აგარაკების, ოფისებისა თუ საყოფაცხოვრებო შენობების ავტონომიურ გათბობას.

19 ნოემბერი 2021

როგორ შევარჩიოთ უნიტაზი - 10 ყურადსაღები საკითხი

როგორ შევარჩიოთ უნიტაზი - 10 ყურადსაღები საკითხი

უნიტაზის შერჩევისას ყურადღება უნდა გამახვილდეს ნიჟარის კონსტრუქციაზე, ჩარეცხვის სისტემაზე, ჩამრეცხ მექანიზმზე,  მასალასა და სხვა მახასიათებლებზე, რათა ფულიც დაზოგოთ, ნერვებიც შეინარჩუნოთ და დიზაინერული ჩანაფიქრიც აისრულოთ.

28 ოქტომბერი 2021

როგორ შევარჩიოთ ცენტრალური გათბობის ქვაბი?

როგორ შევარჩიოთ ცენტრალური გათბობის ქვაბი?

ცენტრალური გათბობის ქვაბის შერჩევისას უამრავი კითხვა ჩნდება: რამდენს წვავს ცენტრალური გათბობა, რომელია ყველაზე კარგი გათბობის ქვაბი, რას ნიშნავს ერთკონტურიანი და ორკონტურიანი და ა.შ.;

18 ოქტომბერი 2021

როგორ შევარჩიოთ აბაზანის სარკე

როგორ შევარჩიოთ აბაზანის სარკე

აბაზანის სარკე ინტერიერის ის საგანია, რომელიც მთელ ოჯახს სჭირდება. ამიტომ, ის ყველას უნდა „ერგებოდეს“ და, ამასთან ერთად, ჰარმონიულად ავსებდეს სააბაზანო ოთახის დიზაინს.

9 სექტემბერი 2021