Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
როგორ შევარჩიოთ აბაზანის სარკე

როგორ შევარჩიოთ აბაზანის სარკე

აბაზანის სარკე ინტერიერის ის საგანია, რომელიც მთელ ოჯახს სჭირდება. ამიტომ, ის ყველას უნდა „ერგებოდეს“ და, ამასთან ერთად, ჰარმონიულად ავსებდეს სააბაზანო ოთახის დიზაინს.

Nova.ge აბაზანის სარკეების მოდელების დიდ არჩევანს გთავაზობთ, მთავარია, ჩამოყალიბდეთ, რომელი პასუხობს ზუსტად თქვენს საჭიროებებს. 

როგორი სარკეა უმჯობესი თქვენი სააბაზანო ოთახისთვის?

მოდით, შევიმუშაოთ კონცეფცია, რა ჯობია: სარკე კარადა ნივთების შესანახად თუ აბაზანის მრგვალი სარკე ლამაზი ჩარჩოთი? ერთდროულად დეკორატიული სარკის ტიპი, რომელიც სააბაზანო ოთახს ვიზუალურად გაზრდის თუ, საგანგებოდ, ლედ განათებით?

სარკე კარადა

სანამ არჩევანზე ჩამოყალიბდებით, ზოგადად გაგაცნობთ მოდელებსა და მათ მთავარ მახასიათებლებს: 

  • პატარა აბაზანისთვის - აქ ერთ-ერთი ოპტიმალური გადაწყვეტილებაა აბაზანის სარკე კარადით, რომელიც ნესტგამძლე მასალისგან მზადდება. ამით პატარა სააბაზანოში მეორე, სათავსოს პრობლემასაც გადაჭრით - გექნებათ კოსმეტიკის შესანახი ადგილი;  
  • თუ აბაზანაში ორი ხელსაბანია - კარგი გადაწყვეტილება იქნება, ერთდროულად, ორი ერთნაირი სარკის დაკიდება;
  • როცა, აბაზანის ნაცვლად, საშხაპე კაბინა დგას - შეიძლება, სარკის დამონტაჟება შიგნით საშხაპეშივე, კედელზე.

სარკე ხის ელემენტებით

  • როცა ორიგინალურ დიზაინზე ფიქრობთ - საინტერესო ვარიანტი იქნება სარკე ხის ელემენტებით; შეგიძლიათ, ხელსაბანის თავზე კედელი მთელს სიგანეზე სარკედ „აქციოთ“ ან „მოზაიკა“ ააწყოთ სხვადასხვა ფორმის ნაჭრებით, რომლებიც ერთსა და იმავე მასალის ჩარჩოში იქნება ჩასმული. ეს, არა მხოლოდ, ორიგინალური გადაწყვეტილება იქნება, არამედ ვიზუალურად სივრცესაც გაზრდის. ასევე, სივრცის ვიზუალიზაციისთვის, თვითონ აბაზანას უკეთებენ ხოლმე სარკის ეკრანს. ამისთვის ხარისხიანი და სქელი მასალა უნდა შეარჩიოთ. სხვათა შორის, ის ყოველდღიურადაც ძალიან ადვილი მოსავლელია.
  • როცა სარკე მაკიაჟისთვისაც გჭირდებათ - ძალიან მოსახერხებელია, თუკი სააბაზანო ოთახში პირსაბანის თავზე დიდი სარკის გვერდით კოსმეტიკურსაც მიამაგრებთ, რომელსაც გამადიდებელი ეფექტი აქვს და შეგიძლიათ 3600-ით ატრიალოთ თქვენთვის საჭირო რაკურსისთვის. ხშირად ამგვარ დიზაინს დამატებითი LED განათებაც აქვს ხოლმე.
  • თუკი ულტრათანამედროვე დიზაინის სააბაზანო ოთახი გაქვთ - ასეთი სააბაზანოსთვის შეგიძლიათ, შეიძინოთ სარკე, რომელშიც ჩაშენებულია მონიტორი და ხმის გამაძლიერებლები. მას WI-FI-ს მიერთების ფუნქციაც აქვს, რაც იმას ნიშნავს, რომ ერთდროულად შეგიძლიათ შხაპის მიღება და თქვენი საყვარელი კლიპების ყურება. მწარმოებლებმა გაითვალისწინეს, რომ სენსორების მართვა სველი ხელით არცთუ მოხერხებულია, ამიტომ ეკრანზე შეხება არის საჭირო - სენსორები დისტანციურად მოახდენს რეაგირებას ხელის სითბოზე!

სარკე LED განათებით

აბაზანის სარკის მთავარი პარამეტრები

ანუ, რა უნდა გაითვალისწინოთ შერჩევის დროს

სარკის დაამალგამება

ეს ნიშნავს ზედაპირის ვერცხლისწყლით დაფარვას. დამზადების ტექნოლოგია ასეთია - მინაზე ან პლასტმასზე ადებენ 3 ფენას. აქედან: სარკის პირველი ფენაა ამრეკლავი. ოპტიმალური ვარიანტია, როცა ამრეკლავი ფენა ვერცხლისაა, რადგან ვერცხლი გაცილებით ნესტგამძლე ლითონია, ვიდრე, მაგალითად, ალუმინი.  გარდა ამისა, გამოსახულების ხარისხი უკეთესი აქვს და მექანიკური დაზიანების მიმართაც უფრო გამძლეა;

მეორე ფენა იცავს კოროზიისგან - ის შედგება სპილენძის ან სხვა ლითონისგან;

მესამე ფენა აკავებს ნესტს და, ასევე, მექანიკურ დარტყმას - ის წარმოადგენს საღებავს ან პოლიმერულ საფარს.

სარკის ზომა

ეს პირდაპირაა დამოკიდებული სააბაზანო ოთახის ფართობზე. მაგალითად, პატარა სააბაზანოში ნაკლებ სავარაუდოა, რომ მოთავსდეს სარკე, რომელშიც თავიდან ფეხებამდე გამოჩნდებთ.

დასაკიდებლად ოპტიმალური სიმაღლე ხელსაბანიდან 35-45 სმ. შეადგენს; ხოლო, თუ სარკის ქვეშ პატარა თაროა დამონტაჟებული, ეს მას წყლის შხეფებისგან იცავს.

ცხადია, რომ აბაზანის სარკისთვის ჩარჩოც ნესტგამძლე მასალით უნდა დამზადდეს. ეს შეიძლება იყოს - პლასტმასი, ქრომირებული ლითონი, უჟანგავი ლითონი ან მინა.

აბაზანის სარკე გათბობის ფუნქციით

გათბობის ფუნქცია თავიდან აგარიდებთ სარკის დაორთქვლას, მაგრამ, თუკი ასეთ ნივთს თქვენს ბიუჯეტი არ ითვალისწინებს, მისი გაცილებით იაფი ალტერნატივაა სპეციალური ხსნარი, რომელიც ასევე ხელს უშლის მინისებრი ზედაპირის დაორთქვლას.

ნოვა ლედ სარკე

აბაზანის სარკე განათებით

სარკე განათებით, სპეციალური დიზაინითაა შემუშავებული, რომლის ზედაპირის თავსა ან გვერდებზე სანათებია დამონტაჟებული. იგი ძალიან მოხერხებული ვარიანტია, რადგან სააბაზანოს ოთახის სინათლეს, შეიძლება, ხშირად ჩვენივე სხეულით ჩამოვეფაროთ და ამან გამოსახულების სიმკვეთრეზე იმოქმედოს. ამასთან სინათლის სითბო მინის დაორთქვლასაც უშლის ხელს.

აბაზანის სარკე ლედ განათებით 

სარკე ლედ განათებით საკმაოდ ფუნქციური და ორიგინალური გადაწყვეტილებაა. გარდა იმისა, რომ ასეთი სარკის ჩარჩო, გარკვეულწილად, დეკორის ელემენტსაც წარმოადგენს, ლედ ნათურა აბაზანაში თანაბარ და მკვეთრ ნათებას უზრუნველყოფს.

როგორ შევამოწმოთ სარკის ხარისხი

  1.  პირველ რიგში, სარკის ზედაპირზე არ უნდა შეიმჩნეოდეს, თუნდაც, უმნიშვნელო ვიზუალური ხარვეზები - პატარა ბზარები, ბუშტუკები, ხორკლები... და, რა თქმა უნდა, გამოსახულება უნდა იყოს მკაფიო;
  2. ნესტგამძლე ფენა, რომლითაც სარკის უკანა მხარეა დაფარული, უნდა იყოს 3 სმ. - სწორედ, მასზეა დამოკიდებული ექსპლუატაციის ხანგრძლივობა და გამოსახულების ხარისხი;
  3. სარკის წიბო (კრომკა) მას, თავისებურ, გამომსახველობას აძლევს, განსაკურებით, თუ წიბო რთული ფორმისაა. მისი დამუშავების ხარისხზეც ასევეა დამოკიდებული, თუ რამდენ ხანს გამოგადგებათ ეს აუცილებელი ნივთი.

სხვა ბლოგები

როგორ შევარჩიოთ კერამოგრანიტი იატაკისთვის

როგორ შევარჩიოთ კერამოგრანიტი იატაკისთვის

კერამოგრანიტი მოსაპირკეთებელი მასალაა, საუკეთესო საექსპლუატაციო თვისებებით. ეს მასალა გამძლეა, ადვილად იწმინდება და რაც მთავარია, ხანმედეგია.

30 ივლისი 2021

როგორ შევარჩიოთ სამზარეულოს ნიჟარა

როგორ შევარჩიოთ სამზარეულოს ნიჟარა

სამზარეულოს ნიჟარების მრავალი ნაირსახეობა არსებობს. საიმისოდ, რომ სწორად შეარჩიოთ თქვენთვის სასურველი მასალა, რამდენიმე დეტალის ცოდნა ძალიან დაგეხმარებათ.

23 ივლისი 2021

თუნუქის სახურავის შერჩევა და მთავარი უპირატესობები

თუნუქის სახურავის შერჩევა და მთავარი უპირატესობები

დღეს სამშენებლო ბაზარზე მასალების უდიდესი ასორტიმენტია წარმოდგენილი, რომელთაგან ბევრი ახალი ტექნოლოგიის პროდუქტია.

28 მაისი 2021

სპრეი საღებავის შერჩევა და გამოყენების წესები

სპრეი საღებავის შერჩევა და გამოყენების წესები

სპრეი საღებავების თანამედროვე ასორტიმენტი ძალიან ფართოა - შეგიძლიათ, შეარჩიოთ საღებავები როგორც გარე, ისე შიდა სამუშაოებისთვის; შეღებოთ ნეისმიერი ფორმისა და მასალის ზედაპირი - ბეტონი, აგური, მინა და პლასტმასიც კი; გამოიყენოთ არა მხოლოდ კედლების მოსახატად, არამედ - რემონტისა და რესტავრაციისთვის, ძველი ნივთების დეკორირებისთვის და, თქვენ წარმოიდგინეთ, ისეთი საგნების შესაღებადაც, რომლებიც მაღალი ტემპერატურის ან მუდმივი მექანიკური ზემოქმედების ქვეშ არიან.

10 მარტი 2021