როგორ შევარჩიოთ ბაღის ავეჯი და მოვუაროთ მას

ვიდრე გარე ავეჯის შერჩევას შეუდგებით, პირველ რიგში, აუცილებელია იმის გათვალისწინება: ა) სად უნდა დადგათ - ეზოში, აუზთან, ვერანდაზე თუ პატარა აივანზე და ბ) რისთვის გჭირდებათ - ეზოში ან ვერანდაზე დასასვენებელი ზონის მოსაწყობად მთელი ოჯახისთვის თუ პატარა აივნისთვის, სადაც საკმარისი იქნება ერთი სავარძელი და ყავის მაგიდა.

რა თქმა უნდა, უნივერსალური ვარიანტია  ბაღის ავეჯის ნაკრები, რომელშიც შედის როგორც სკამები და მაგიდა, ასევე დივანი და სავარძლები:

• 2-3 ადამიანისთვის დივანის ოპტიმალური სიგრძეა 150-200 სმ.; კუთხის დივანი გაცილებით ტევადია - მასზე შეიძლება, 6-8 ადამიანიც თავისუფლად მოთავსდეს, თუმცა ძვირია;
• სავარძლებისა და გარე სკამების მიმართ ყველას თავისი მოთხოვნა აქვს - ამიტომ უმჯობესია, მათი სიღრმე და სიგანე გაარკვიოთ და ასე შეაფასოთ კომფორტის დონე;
• მაგიდის სიგანე და სიგრძე შეიძლება ნებისმიერი იყოს, სიმაღლე კი დამოკიდებულია იმაზე, თუ რა ფუნქცია უნდ შეასრულოს მაგიდამ: ყავის მაგიდა, რომელსაც სავარძლის გვერდით დადგამთ,  დაბალი უნდა იყოს - 50-70 სმ, ხოლო სადილის მაგიდის სტანდარტული სიმაღლე 70-80 სმ-ია. აქვე ყურადღება მიაქციეთ მაგიდის ზედაპირს - ზედაპირი შეიძლება იყოს როგორც სადა-ერთგვაროვანი, ასევე სახეებიანი-აჟურული. ეზოს ავეჯისთვის მეორე ვარიანტი უკეთესია, რადგან მას ნაკლებად დაეტყობა წვიმის კვალი.

ახლა კი მოკლედ იმის შესახებ, თუ როგორ უნდა შეარჩიოთ ეზოს მაგიდა და სკამები მასალის მიხედვით, რომელს რა უპირტესობა და ნაკლი აქვს, როგორ მოვლას ითხოვს:

პლასტმასის სკამები და მაგიდა

ბაღის ავეჯის შერჩევისას ყველაზე უნივერსალური ვარიანტია პლასტმასის სკამები და მაგიდა. გარდა იმისა, რომ პლასტმასის სკამი და მაგიდა იაფია, მისი მარტივი და კომფორტული დიზაინი ნებისმიერ ანტურაჟს უხდება.

პლუსები: პლასტმასი ავეჯი იაფია. მისი გამოყენება შეგიძლიათ როგორც ზაფხულის დიდ სიცხეში, ასევე ზამთრის ყინვებში. პლასტმასის ავეჯი წვიმას და ქარსაც ადვილად იტანს;

მინუსები: სამწუხაროდ, გატეხილი პლასტმასის სკამის თუ მაგიდის შეკეთება პრაქტიკულად შეუძლებელია.

მოვლა: პლასტმსის ავეჯი არ არის პრეტენზიული - საკმარისია, ზედაპირიდან მტვერი სველი ნაჭრით გადაწმინდოთ. თუ დალაქავდა, პლასტმასიდან ლაქების ამოსაყვანად შეგიძლიათ გამოიყენოთ სამზარეულოს ავეჯის ზედაპირის სწმენდი სითხე ან სოდის და მდოგვის ფხვნილის ნარევი.

ნატურალური ხის ავეჯი ბაღისთვის

ხეებში და ყვავილებში ყველაზე ჰარმონიულად, რა თქმა უნდა, ნატურალური ხის ავეჯი  გამოიყურება. ის ნებისმიერ სტილს უხდება, ხოლო ეზოში ხის ფანჩატური ალბათ ბევრი ადამიანის ოცნებაა.

პლუსები: ნატურალური მასალა გარეგნულად ძალიან ლამაზია და იდეალურად შეეხამება ლანდშაფტის ნებისმიერ დიზაინს. ხის ავეჯი ძალიან გამძლე და ხანმედეგია, თანაც დაზიანების შემთხვევაში მისი გარემონტება შეიძლება.

მინუსები: ეზოს ხის ავეჯის მთავარი მინუსია ის, რომ გარემოს პირობების ზემოქმედებას განიცდის და ხანძარსაშიშია. მართალია, მარალი ხარისხის ხის ავეჯის ზადაპირებს სპეციალური ლაქ-საღებავით ფრავენ, რაც ხანძრისგანაც იცავს და ტემპერატურული ცვლილებებისგანაც, მაგრამ მაინც რეკომენდებულია, რომ ნატურალური ხის მასალისგან დამზადებული ეზოს ავეჯის ყინვებში გადახურულ და მშრალ შენობაში შეიტანოთ.

მოვლა: თუკი სპეციალური მასალით დამუშავებუილი ხის ავეჯი დალაქავდება ან გაიკაწრება, აიღეთ ზუმფარის ქაღალდი (შკურკა) და დაზიანებული ადგილი კარგად გაასუთავეთ. შემდეგ კი ამ მონაკვეთს დამცავი ლაქ-საღებავი გადაუსვით.

მოწნული მაგიდა-სკამები ნატურალური როტანგისგან

როტანგი მასალა ნატურალური ხის „ახლო ნათესავია“ - ის ბუნებრივი მასალაა და როტანგის პალმის ტოტებისგან იწარმოება. როტანგის ავეჯის წარმოება დიდი ხანია ავტომატიზებულია და ეს საშუალებას ძლევა, რომ მას გაცილებით დაბალი ფასი ჰქონდეს, ვიდრე ხის ავეჯს.

პლუსები: როტანგის მასალა ელასტიკური და მსუბუქია. ლითონისა და მინის ელემეტებით გამორმებული როტანგის ავეჯი კი საოცრად ელეგანტურად გამოიყურება და ნებისმიერ ადგილას განსაკუთრებულ ატმოსფეროს ქმნის.

მინუსები: როტანგის ავეჯს არ უყვარს ტემპარატურის ცვლილებები და სინასტე. ამიტომ ზამთარში ღია ცის ქვეშ არ უნდა დატოვოთ.

მოვლა: მოარიდეთ სისველეს და ყინვას. მის გასაწმენდათ გამოიყენეთ მტვერსასრუტი, ავეჯისთვის განკუთვნილი ბრტყელი პირით, ასევე - გადაწმინდეთ ოდნავ მარილიან წყალში დასველებული და გაწურული ნაჭრით.

მოწნული ავეჯი ხელოვნური როტანგისგან

ხელოვნური როტანგი ნატურალური როტანგის უპრეტენზიო ალტერნატივაა. ხშირად, ხელოვნური როტანგისგან დამზადებული ბაღის ავეჯი, ვიზუალურად ნატურალურისგან ძნელად გასარჩევია. პლუსები კი, როგორც გარე გამოყენების ავეჯს, გაცილებით მეტი აქვს.

პლუსები: ხელოვნური როტანგის ავეჯის ფასი გაცილებით დაბალია, ხის ავეჯთან შედარებით. გამირჩევა მაღალი ცვეთამედეგობით და ღია ცის ქვეშ ზამთარშიც კომფორტულად გამოიყენებთ.

მინუსები: ხელოვნური როტანგი ნაკლებად გამძლეა, ვიდრე ნატურალური. ამიტომ მას რკინის ან პლასტმასის კარკასს უკეტებენ.

მოვლა: ხელოვნური მასალისგან მოწნული ავეჯის მოვლა ძალიან მარტივია - საკმარისია, მტვერი სველი ნაჭრით გადაწმინდოთ. სეზონზე ერთხელ კი შეგიძლიათ, საპნიანი წყლით გადარეცხეთ და შემდეგ პირდაპირ სარწყავი შლანგის ქვეშ გაავლოთ.