როგორ გავწმინდოთ აბაზანა?

აბაზანა სახლის ერთ-ერთი მნიშვნელოვანი ნაწილია და სხვა ოთახებისაგან განსხვავებით სპეციფიკურ ყურადღებას საჭიროებს. მისი ავეჯისა და მოწყობილობების პირვანდელი სახის შენარჩუნება, არა მხოლოდ ესთეტიკას აუმჯობესებს, არამედ ჰიგიენური გარემოს შექმნასაც უწყობს ხელს, რაც ამ სივრცისთვის აუცილებელი პირობაა.

სასურველია, რომ აბაზანის გაწმენდა ყოველდღე შხაპის მიღების შემდეგ მოხდეს, რათა წყალმა ლაქების გაჩენა ვერ მოასწროს. თუმცა, დატვირთული გრაფიკიდან გამომდინარე, ეს წარმოუდგენელიც კია. ამიტომ, გაგიზიარებთ რჩევებს, რომლებიც, ერთი მხრივ დაგაზოგინებთ დროს, მეორე მხრივ, სისუფთავის შენარჩუნებაში დაგეხმარებათ.  

აბაზანის გაწმენდა, როგორც გამოწვევა

ალბათ, დაგვეთანხმებით, რომ აბაზანის გაწმენდა საშინაო საქმეებიდან ყველაზე დიდი გამოწვევაა. მიუხედავად იმისა, რომ ეს პროცესი სახლის მოვლის აუცილებელი ნაწილია, არსებობს კონკრეტული ფაქტორები, რომლებიც მას მეტად კომპლექსურს ხდის და შესაბამისად, უფრო ხანგრძლივი საზრუნავიცაა. აბაზანის გაწმენდა მეტად შრომატევადი საქმეა, რადგან სველი წერტილები დღის განმავლობაში ძალიან ხშირად გამოიყენება, რაც იმას ნიშნავს რომ სწრაფადაც ბინძურდება. გაგაცნობთ, იმ რამდენიმე მიზეზებს, რის გამოც აბაზანის გაწმენდა შესაძლოა გამოწვევად ჩაითვალოს. 

როგორც წესი, სველი წერტილები მაღალი ტენიანობისკენაა მიდრეკილი. ეს ფაქტორი კი ბაქტერიების გამრავლებას, ამასთანავე  ობისა და ნალექის გაჩენას უწყობს ხელს.

ერთ-ერთი გამოწვევა ზედაპირთა მრავალფეროვნებაშიც ვლინდება - აბაზანებში გვხვდება ფილები, გრუნტი, მინა, ფაიფური, უჟანგავი ფოლადი და ა.შ. თითოეული ზედაპირი განსაკუთრებულ დასუფთავების მეთოდს მოითხოვს, რაც წმენდის პროცესს ართულებს. 

საპნის ნარჩენები და წყლის მყარი ნალექი დროთა განმავლობაში შესაძლოა საშხაპეების კარებზე, ონკანებსა და ფილებზე დაგროვდეს. ამ ნალექის მოშორება კი ძალიან რთულია. 

მიუხედავად ჩამოთვლილი სირთულეებისა, აბაზანის სისუფთავის შენარჩუნება გადამწყვეტია ესთეტიკური და კომფორტული საცხოვრებელი გარემოს შესაქმნელად. ამ მიმართულებით კი რამდენიმე რჩევას გაგიზიარებთ. 

როგორ გავწმინდოთ აბაზანა მარტივად

როგორც ზემოთ აღინიშნა, აბაზანის გაწმენდას და საფუძვლიან დალაგებას თუ გადაწყვეტთ, მაშინ კომპლექსური მიდგომები უნდა გამოიყენოთ, რადგან ეფექტური შედეგისათვის ამ სივრცის ყოველ ნაწილს  განსხვავებული მეთოდი სჭირდება. 

მტვრისაგან ზედაპირები ხშირად გაწმინდეთ 

გამომდინარე იქიდან, რომ სველი წერტილი ბაქტერიების, ვირუსებისა და სხვა პათოგენების გამრავლების ადგილია, ზედაპირების ხშირი წმენდა, ერთი მხრივ ჯანმრთელობისათვის არის მნიშვნელოვანი, მეორე მხრივ კი აბაზანის მოწყობილობებისა და ინვენტარის ფუნქციონირების შესანარჩუნებლად, რადგან ხარისხიანი აბაზანის ავეჯი დიდი ინვესტიციაა და მოფრთხილებას საჭიროებს. 

რბილი ქსოვილის დახმარებით რეგულარულად მოწმინდეთ მტვერი, რათა ახალ ბაქტერიებს ღრმა დაბინძურების შესაძლებლობა არ მისცეთ. ამ მარტივ ნაბიჯს სულ რამდენიმე წუთი სჭირდება.

ძმრისა და წყლის ნარევი

ახალი მტვრის მოშორება მეტად მარტივი ამოცანაა, მაგრამ რა ხდება მაშინ თუ აბაზანაში უფრო ღრმა ლაქებია და არც სპეციალური ქიმიური საწმენდი საშუალება გვაქვს? ამ შემთხვევაში, შეგიძლიათ ერთმანეთში თანაბარი რაოდენობის ძმარი და წყალი გააზავოთ. მიღებული ნივთიერება დაიტანეთ გასაწმენდ ადგილას, რამდენიმეწუთიანი დაყოვნების შემდეგ გახეხეთ და ჩამოწმინდეთ. ძმრის შემცველობაში არსებული მჟავა ეფექტურად შლის წყლის ნალექსა და ლაქებს. თუმცა, თუ მაინც საყოფაცხოვრებო ქიმიის გამოყენება გირჩევნიათ, მაშინ მიმართეთ საუკეთესო ონლაინ მაღაზია ნოვას.  

გამოიყენეთ კბილის ჯაგრისი 

აბაზანაში ძნელად მისადგომი ადგილები და კუთხეები დიდი გამოწვევაა. ასეთ დროს შეგიძლიათ კბილის ჯაგრისი გამოიყენოთ. ჯაგრისს დაასხით ხსნარი და ზედმიწევნით გაასუფთავეთ ძნელად მისადგომი ადგილები, სახელურები და ა.შ.

ხშირად გაწმინდეთ მინისაგან დამზადებული მოწყობილობები

აბაზანაში მინის მასალისაგან დამზადებული მოწყობილობები მრავლადაა, მაგალითად, საშხაპე კაბინა და სარკე. როგორც წესი, წყლის წვეთების კვალი აღნიშნულ აქსესუარებს მარტივად ემჩნევა, დროთა განმავლობაში კი ლაქადაც კი გარდაიქმნება. ამიტომ, მნიშვნელოვანია, რომ მინის ზედაპირები ხშირად გაიწმინდოს. სასურველია თუ შესაბამის ხელსაწყოებს გამოიყენებთ - მაგალითად, შუშის საწმენდი, რომელიც ნოვაში ხელმისაწვდომია - რადგან სამუშაოს უფრო ეფექტურად და ნაკლებ დროში შეასრულებთ. 

წმენდის მეთოდი შეარჩიეთ მასალის მიხედვით

მნიშვნელოვანია ისიც თუ რომელი მასალისგანაა დამზადებული ესა თუ ის ინვენტარი. მაგალითად, ნოვაში იყიდება აბაზანა, როგორც პლასტმასის, ისე აკრილის. ამ მასალისაგან დამზადებულ მოწყობილობებს უმჯობესია თუ რბილი ტილოთი გაწმენდთ, რათა ნაკაწრები თავიდან აიცილოთ. 

საყოფაცხოვრებო ქიმიური საშუალებები

ზოგჯერ ლაქები იმდენად ღრმაა, რომ არც შეუიარაღებელი ხელი შველის და არც სხვადასხვა პროდუქტების შერევით მიღებული ნივთიერებები. ასეთ შემთხვევაში გამოსავალი საყოფაცხოვრებო ქიმიური საშუალებებია, რომლებიც აბაზანას პროფესიონალურად წმენდს. უნდა აღინიშნოს, რომ ნოვაში ხელმისაწვდომია,  როგორც ინვენტარი, მაგალითად, აბაზანის ნიჟარა კარადით, ამასთანავე საწმენდი საშუალებებიც. 

და ბოლოს, სუფთა აბაზანა არა მხოლოდ, მიმზიდველად გამოიყურება, არამედ ჯანსაღ გარემოს ქმნის. ზემოთ აღწერილი ნაბიჯების დაცვისა და რეგულარული გამეორების შემთხვევაში აბაზანის მოწყობილობების პირვანდელ იერსახეს ნამდვილად დიდხანს შეინარჩუნებთ.