როგორ შევარჩიოთ საშხაპე კაბინა აბაზანისთვის

საშხაპე კაბინები, მათი მრავალფუქციურობისა და კომფორტის გათვალისწინებით, სულ უფრო პოპულარული ხდება. დღეს ბაზარზე მრავალფეროვანი ასორტიმენტია წარმოდგენილი. მოდელები ერთმანეთისგან განსხვავდება მასალით, კომპლექტაციით და ზომებით.

როგორ შევარჩიოთ საშხაპე კაბინა, რომ იგი ჰარმონიულად ერწყმოდეს აბაზანის ოთახის ინტერიერს და მაქსიმალურად კომფორტული იყოს წყლის პროცედურებისთვის?

საშხაპე კაბინის მინა

საშხაპე კაბინის მინა ანუ კედლები შემდეგი მასალებით მზადდება - პოლისტიროლი, მინა, ორგმინა და ტრიპლექტსი (მინა, რომელიც შედგება გამჭვირვალე პლასტმასით დაწებებული ორი ფენისაგან; დაზიანებისას ნამსხვრევები არ სცვივა);

საშხაპე კაბინები კონსტრუქცია

კონსტრუქციის მიხედვით სამ ძირითად სახეობად იყოფა: საშხაპე კაბინა - მას ოთხი გვერდი აქვს; კუთხის საშხაპე კაბინა - აქვს ორი გვერდი, ხოლო დამატებით ორ გვერდის ფუნქციას სააბაზანო ოთახის კედლები ასრულებს. კომბინირებული საშხაპე კაბინა, იგივე საშხაპე ბოქსი - აქვს ოთხი გვერდი და ღრმა ქვეში (პადონი), რომლის ფუნქციასაც ხშირად ჩაშენებული აბაზანა ასრულებს;

შენიშვნა: 4-გვერდიანი საშხაპე კაბინისთვის და საშხაპე ბოქსისთვის აბაზანის კედლების დამუშავება საჭირო არ არის. თუმცა საშხაპე კაბინის სამივე სახობისთვის აუცილებელია აბაზანის იატაკის დამუშავება, რადგან ის იდეალურად სწორი უნდა იყოს.

საშხაპე კაბნები შეიძლება იყოს ჭერით (დახურული) და ჭერის გარეშე (ღია).

ღია ტიპის საშხაპე კაბინა

ფუნქციების მხრივ შეზღუდულია. მასში კასკადური შხაპის დაყენება მოუხერხებელია. აქ მხოლოდ ტრადიციული შხაპის მიღება შეგიძლიათ ტანის დასაბანად. ხშირად ღია ტიპის საშხაპე კაბინებს ქვეშის (პადონის) გარეშე აყენებენ - საშხაპის კედლები პირდაპირ აბაზანის იატაკზე  მონტაჟდება, ალუმინის, ლატუნის ან ფოლადის პროფილებით, რომლებსაც ანტიკოროზიული დაფარვა აქვს;

საშხაპე კაბინა ჭერით

შედარებით ძვირი, თუმცა - უფრო კომფორტული გახლავთ. დახურულ მოდელებს სრულად ავტონომიური კონსტრუქცია აქვთ, რომელშიც შედის: საშხაპე კაბინის პადონი, საშხაპე კაბინის კედლები და საშხაპე კაბინის ჭერი. ასეთი კონსტრუქციის საშხაპე კაბინა აღჭურვილია უამრავი დამატებითი ფუნქციით. თანაც, თუკი აბაზანის რემონტს ან ბინის გამოცვლას გადაწყვეტთ, ადვილად შეგიძლიათ დახურული საშხაპე კაბინის დემოტაჟი და შემდეგ ახალ სააბაზანო ოთახში მონტაჟი.

საშხაპე კაბინების კომპლექტაცია

საშხაპე კაბინების კომპლექტაციაში შედის: კაბინის კედლები, საშხაპე კაბინის კარი და ქვეში (პადონი).

ყველაზე პოპულარული ვარიანტია საშხაპე კაბინა პოლისტიროლის კედლებითა და კარით. საშხაპე კაბინის ასეთი მინა საკმაოდ გამძლეა, თუმცა დროთა განმავლობაში ექსპლუატაციის პროცესში ცხელი ორთქლის ზემოქმედების გამო გამჭვირვალობას კარგავს. კიდევ ერთი გაფრთხილება - პოლისტიროლის კედლების მქონე საშხაპე კაბინაზე გაჩენილი ლაქები რთული მოსაცილებელია, მით უფრო, თუ დროულად არ იზრუნებთ ამაზე. ასეთი საშხაპე კაბინის ფასი განპირობებულია მისი ხანმედეგობითა და საკმაოდ მრავალფეროვანი არჩევანით: სადა და გამჭვირვალე კედლებითა თუ მინის ტონირებით. ესთეტიკური თვალსაზრისით ძალიან ეფექტურია საშხაპე კაბინა მქრქალი (მატოვი) კედლებით და კარით.

საშხაპე კაბინის დამატებითი ფუნქციები

საშხაპე კაბინა შეგიძლიათ შეარჩიოთ სხვადასხვა საინეტრესო ფუნქციებით, რომელთა შორის ყველაზე მოთხოვნადი გახლავთ - მასაჟი.

საშხაპე კაბინა ჰიდრომასაჟით - თუკი გსურთ, შეიძინოთ საშხაპე კაბინა ჰიდრომასაჟით, აუცილებლად უნდა გაითვალისწინოთ, რომ ვერტიკალური ჰიდრომასაჟისთვის აუცილებელია წნევა, მინიმუმ, 3 ატმოსფერო, ზოგჯერ კი მეტიც. თუკი თქვენი საცხოვრებელი სახლის წყალგაყვანილობის სისტემა  საჭირო წნევას ვერ უზრუნველყოფს, ჰიდრომასაჟის ფუნქციის გამოყენება გაგიძნელდებათ.

საშხაპე კაბინა ორთქლის გენერაციით - საშხაპე კაბინის კიდევ ერთი საინტერესო ფაუნქციაა  ორთქლის გენერაცია (წარმოშობა). ზოგიერთ მოდელებში ასევე შესაძლებელია ორთქლის არომატიზება.

საშხაპე კაბინის ფერი და დიზაინი

გაითვალისწინეთ ინტერიერში წარმოდგენილი ნივთები, რათა მათი ტონები და დიზაინი თქვენს გემოვნებას დაემთხვეს. კერამიკული ფილა, მეტლახი, ავეჯი, აბაზანის აქსესუარები, უნიტაზის ფერი და მათი ვიზუალი, ყველაფერი გადამწყვეტია. თუ ფერთა კომბინაცია არეულია შეგიძლიათ მიყვეთ ერთ დომინანტს და იმის მიხედვით შეარჩიოთ შუშის პროფილი, ანდა პადონი.

ბოლოს, განსაზღვრეთ კაბინის კარის გაღების ტიპი, სახელურების დიზაინი და განლაგება. საერთო სურათის დანახვის შემდეგ კი თქვენი გემოვნება შეიძლება ჩასაშენებელ ტიხარზე ან სულაც კომბინირებულ საშხაპეზე შეაჩეროთ.

მას შემდეგ, რაც შეარჩევთ საშხაპე კაბინის მოდელს, უშუალოდ შეძენის წინ ყურადღებით გაეცანით ტექნიკურ მახასიათებლებს - განსაკუთრებით კედლების და კარის მონაცემებს. საშხაპე კაბინის კარი რამოდენიმე სახეობისაა - გასაწევი, გამოსაღები, ორმხრივად მოძრავი. ნებისმიერ შემთხვევაში, მთავარია, რომ კარი თავისუფლად, ძალდაუტანებლად მოძრაობდეს და დახურვისას მჭიდროდ ეხებოდეს კაბინის კედლებს. ეს თავიდან აგაცილებთ წყლის გამოჟონვას ექსპლუატაციის დროს.