სახურავის კატალოგი
ავზის კატალოგი
სახელმძღვანელო
ბეტეკის კატალოგი
მტვერსასრუტი
დალაგება:
მოიძებნა 30 პროდუქტი
მტვერსასრუტი თანამედროვე ადამიანის ცხოვრებაში ერთ-ერთი უმნიშვნელოვანესი მოწყობილობაა. ის გვეხმარება სხვადასხვა ზედაპირები მტვრის, ჩამჯდარი ჭუჭყისა და ძლიერი ალერგენებისგან გავათავისუფლოთ.
სამშენებლო და სარემონტო მასალების მაღაზია “ნოვა” სხვადასხვა ტიპის მტვერსასრუტების მრავალფეროვან არჩევანს გთავაზობთ.
მტვერსასრუტების სხვადასხვა სახეობები
ხელის მტვერსასრუტი (უსადენო) - უსადენო მტვერსასრუტები ბოლო რამდენიმე წლის განმავლობაში გახდა პოპულარული. პროდუქტი თანამედროვე ოჯახებისთვის კარგი არჩევანია თავისი მოქნილობისა და პორტატიულობის გამო. მისი მთავარი ღირსება გადაადგილებისა და მანევრირების სიმარტივეა - ხელის მტვერსასრუტი ყველა ოთახის სწრაფად და ეფექტურად გასუფთავების საშუალებას იძლევა. გარდა ამისა, მისი ზედაპირი მარტივად აღწევს ოთახის კუთხეებსა და სხვა რთულად მისადგომ ადგილებში.
"ნოვას" ხელის მტვერსასრუტი გამძლე ელემენტზე მუშაობას, რომელიც მოწყობილობის შეუფერხებელ ფუნქციონირებას უზრუნველყოფს რამდენიმე საათის განმავლობაში.
სტანდარტული მტვერსასრუტი - მოწყობილობის ყველასთვის ნაცნობი სახე, რომელიც დენის წყაროში შეერთებით მუშაობს. დაგროვილი მტვრის გასუფთავება კი მისი ე.წ. ჩანთიდან არის შესაძლებელი. ჩანთა, ხშირ შემთხვევაში, ბორბლებზე მუშაობს, რაც მის ერთი ოთახიდან მეორეში გადაადგილებას მნიშვნელოვნად ამარტივებს.
ფოთლების მტვერსასრუტი - მტვერსასრუტის ეს ტიპი განსაკუთრებით საჭირო კერძო სახლში მცხოვრები ადამიანებისთვისაა. შემოდგომას, როცა ფოთლები ქუჩებსა და ეზოებს ფარავს, ტერიტორიის გაწმენდა აუცილებელი ხდება. სწორედ ამ დროსაა ეს პროდუქტი განსაკუთრებულად ეფექტური.
მანქანის მტვერსასრუტი - ავტომობილის ყველა მფლობელისთვის აუცილებელი მოწყობილობა, რომელსაც სხვადასხვა სიგრძის, ფორმისა და ზომის საცმები მოჰყვება. ის ყველაზე რთულად მისაღწევი ადგილებიდანაც შეძლებს მტვრის შეწოვას და სრული სისუფთავის უზრუნველყოფას.
რობოტი მტვერსასრუტი - რობოტი მტვერსასრუტი საუკეთესო ხელსაწყოა იმ შემთხვევაში, თუ გსურთ სახლის დასუფთავების პროცესში თქვენი ჩართულობა მაქსიმალურად შეამციროთ და დრო სხვა აქტივობებს დაუთმოთ. მოწყობილობის ფუნქციონალი მას საშუალებას აძლევს დამოუკიდებლად მოიაროს მთელი სახლი და გაათავისუფლოს ის მტვრისგან.
სამშენებლო მტვერსასრუტი - სამშენებლო მტვერსასრუტები საყოფაცხოვრებოსგან იმით განსხვავდება, რომ ისინი ბევრად უხეშ და რთულ დაბინძურებასთან გასამკლავებლადაა შექმნილი. ისინი სამშენებლო ობიექტებიდან ნამსხვრევების, მტვრისა და სხვა ნარჩენების ასაღებად გამოიყენება.
მაღაზია “ნოვა” მომხმარებელს მოწყობილობის მრავალფეროვან არჩევანს სთავაზობს და საშუალებას აძლევს მათ მტვერსასრუტი იაფად შეიძინონ.
მტვერსასრუტის სარგებელი
მტვერსასრუტებს უამრავი უპირატესობა აქვს, რაც მათ შეუცვლელ ინსტრუმენტებად აქცევს სახლის სისუფთავისა და სიჯანსაღის შესანარჩუნებლად. რამდენიმე მათგანი კი ასე გამოიყურება:
- ეფექტური წმენდა - მოწყობილობა ეფექტურად, ყოველგვარი ნარჩენების გარეშე აშორებს ჭუჭყს, მტვერს, შინაური ცხოველების ბეწვსა და ნამსხვრევებს ხალიჩებიდან, მყარი ზედაპირებიდან და ტანსაცმლიდან.
- ალერგენების მოცილება - მაღალი ხარისხის მტვერსასრუტები აღჭურვილია ეფექტური ფილტრაციის სისტემებით, რომლებსაც შეუძლია ისეთი ალერგენების აღება, როგორიცაა მტვერი, მტვრის ტკიპა და შინაური ცხოველების ბეწვი. ეს კი, საბოლოო ჯამში, აუმჯობესებს ჰაერის ხარისხს.
- დროის დაზოგვა - მტვერსასრუტი სხვა მოწყობილობებთან შედარებით, ბევრად სწრაფად ფარავს დიდ ტერიტორიებს, რაც დასუფთავებით სამუშაოებს უფრო მართვადს ხდის.
- მოსახერხებელი ფუნქციონალი - თანამედროვე მტვერსასრუტებს ხშირად სხვადასხვა დანართები და აქსესუარები აქვს, რომლებიც განსაკუთრებით სპეციფიკურ დაბინძურებასაც საუკეთესოდ უმკლავდება.
- მტვრის შეკავება - მტვერსასრუტის “ჩანთა” საშუალებას გაძლევთ ჰიგიენურად გადაყაროთ შეგროვებული მტვერი და ნამსხვრევები. ეს გადაყრის პროცესში ალერგენების ჰაერში გავრცელების შანსებს ამცირებს.
- მრავალფეროვნება - მტვერსასრუტების გამოყენება შესაძლებელია სხვადასხვა ზედაპირებზე, მათ შორის ხალიჩებზე, ხის იატაკზე, ფილებზე და სხვა მრავალ მასალაზე, რაც მათ დასუფთავებისთვის მრავალმხრივ ინსტრუმენტად აქცევს.
- ხალიჩებისა და იატაკის მოვლა - ის ხელს უწყობს ხალიჩებისა და იატაკის სიცოცხლის გახანგრძლივებას აბრაზიული ნაწილაკების მოცილებით, რომლებიც დროთა განმავლობაში ზედაპირებს მნიშვნელოვან ზიანს აყენებს.
რას უნდა მივაქციოთ ყურადღება მტვერსასრუტის შეძენისას?
იმისთვის, რომ პროდუქტი სწორად შეარჩიოთ უნდა გაითვალისწინოთ შემდეგი ფაქტორები:
- თქვენი საჭიროებები
თუ შინაური ცხოველები გყავთ, უნდა იყოთ მზად, რომ პროდუქტის გამოყენება ყოველდღიურად დაგჭირდებათ. სწორედ ამიტომ, განსაკუთრებით მძლავრი მოწყობილობის შერჩევა იქნება საჭირო.
მტვერსასრუტის შეძენამდე განსაზღვრეთ არის თუ არა თქვენი სახლის იმ სივრცეებში დენის წყარო, რომლებშიც მტვერსასრუტის გამოყენებას გეგმავთ, რადგან სტანდარტულ მტვერსასრუტს ელექტროენერგია სჭირდება. თუ წყაროს მოძიება პრობლემაა, სასურველია უსადენო მოწყობილობა შეიძინოთ.
თუ გაქვთ ასთმა ან ხართ ალერგიული, აუცილებლად შეარჩიეთ მძლავრი მოწყობილობა, რომელიც თქვენს სახლს ალერგენებისგან მაქსიმალურად გაწმენდს.
თუ სტუდიო ტიპის ბინაში ცხოვრობთ, თქვენთვის საუკეთესო არჩევანი რობოტი მტვერსასრუტი იქნება. ის ზედმეტი ძალისხმევის გარეშე გაასუფთავებს საცხოვრებელს სივრცეს.
ავტომობილების მფლობელებს მანქანის მტვერსასრუტი და მისი მოსახერხებელი ფუნქციონალი განსაკუთრებით გაუმარტივებს ყოველდღიურობას.
- მტვერსასრუტების ტიპები
იმისთვის, რომ გონივრული არჩევანი გააკეთოთ, აუცილებელია მეტ-ნაკლებად იცნობდეთ სხვადასხვა ტიპის მტვერსასრუტების ფუნქციონალს. გაეცანით მათ ძლიერ და სუსტ მხარეებს და დარწმუნდით, რომ სწორ არჩევანს აკეთებთ. კითხვები უშუალოდ “ნოვას” კონსულტანტებსაც შეგიძლიათ დაუსვათ.
- ბიუჯეტი
მტვერსასრუტების ფასი პროდუქტის მახასიათებლების მიხედვით იცვლება, სწორედ ამიტომ, მნიშვნელოვანია განსაზღვრული გქონდეთ როგორც თქვენი საჭიროება, ისე ფინანსური რესურსები. მაგ.: თუ მაქსიმალურად ბიუჯეტური პროდუქტის შერჩევა გსურთ, ტრადიციული მტვერსასრუტი იდეალური არჩევანია, ხოლო თუ კომფორტი გსურთ საკუთარ თავს შეუქმნათ, რობოტი მტვერსასრუტი საუკეთესო არჩევანი იქნება.
- პროდუქტის ძირითადი მახასიათებლები
იქამდე, სანამ პროდუქტს შეიძენთ, დარწმუნდით, რომ ის იდეალურად აკმაყოფილებს თქვენს საჭიროებებს. თუ არ გსურთ თქვენმა მტვერსასრუტმა იხმაუროს, შეიძინეთ შედარებით დაბალი სიმძლავრის, მცირე ზომის მოწყობილობა. თუ ალერგია გაწუხებთ, სასურველია HEPA ფილტრების მქონე მოდელები ეძებოთ. გარდა ამისა, აუცილებლად უნდა იცოდეთ რამდენი ხანის განმავლობაში მოუწევს თქვენს მოწყობილობას მუშაობა - თუ გსურთ მტვერსასრუტმა შეუზღუდავად იმუშაოს, მოერიდეთ ელემენტზე მომუშავე, უსადენო მოდელებს.
- ბრენდები
რაც უფრო ცნობილი და ავტორიტეტულია ბრენდი, მით უფრო დიდია შანსი იმის, რომ მისი პროდუქცია ხარისხიანი იყოს. სწორედ ამიტომაა მნიშვნელოვანი პროდუქტის მწარმოებელზე დაკვირვება.
“ნოვას” კატალოგში შეხვდებით “კერხერის”, “ინგკოს”, “HECHT MOTORS”-ისა და “EMTOP”-ს მტვერსასრუტებს.
- დატესტეთ პროდუქტი
თუ ამის შესაძლებლობა მოგეცემათ, მაღაზიაშივე შეამოწმეთ შერჩეული პროდუქტის ფუნქციონირება, რათა ის საუკეთესოდ მოერგოს თქვენს ინდივიდუალურ საჭიროებებს.
“ნოვა” საშუალებას გაძლევთ პროდუქტის ფუნქციონირება ყურადღებით შეამოწმოთ.
- აქსესუარები
დაადგინეთ მოჰყვება თუ არა მოწყობილობას ისეთი აქსესუარები, როგორებიცაა ფილტრი და სხვადასხვა ტიპის საცმები.
- შენახვა და მოვლა
მტვერსასრუტი საკმაოდ დიდი ზომის ხელსაწყოა, რომელსაც თქვენს სახლსა თუ სამუშაო სივრცეში ადგილის გამოყოფა დასჭირდება. ამიტომ, პროდუქტის შეძენამდე აუცილებლად გაითვალისწინეთ ეს ფაქტორი. გარდა ამისა, აუცილებლად იკითხეთ რაიმე განსაკუთრებული ხომ არ სჭირდება პროდუქტის დიდხანს შენარჩუნებას - მაგ.: ფილტრის ხშირი გამოცვლა, ზედაპირის რეგულარული წმენდა და ა.შ.
მტვერსასრუტები “ნოვაში”
სარემონტო და სამშენებლო მასალების მაღაზია “ნოვას” კატალოგში მრავალი სხვადასხვა ტიპის მტვერსასრუტს შეხვდებით. ჩვენს მომხმარებელში განსაკუთრებული პოპულარობით სარგებლობს “კერხერის” პროდუქტები. მათი კატეგორიაში შედის როგორც მტვერსასრუტები, ისე მტვერსასრუტის კარტრიჯები და ფილტრები. “ინგკო” სხვადასხვა მტვერსასრუტების სახეობების სიმრავლით გამოირჩევა.
თუ ამ ეტაპზე, თქვენთვის მტვერსასრუტის შეძენა არაა პრიორიტეტული, თუმცა ზამთრისთვის მზადების პროცესში ხართ, “ნოვას” ქსელში შეგიძლიათ გათბობა და სხვადასხვა ტიპის წყლის გამაცხელებლები შეიძინოთ.
ჩვენს მაღაზიათა ქსელში მოქმედებს მიტანის სერვისიც, რომლითაც შეგიძლიათ თბილისში, ქუთაისსა და ბათუმში ისარგებლოთ. შეკვეთას 3-5 დღის განმავლობაში მიიღებთ სასურველ მისამართზე.