წარმოება - კატალოგი
სახელმძღვანელო
ბეტეკის კატალოგი
კონდიციონერი
დალაგება:
მოიძებნა 51 პროდუქტი
ზაფხულის მოახლოებასთან ერთად, როცა მზის მწველი სხივები დღითიდღე ძლიერდება, კომფორტული გარემოს შენარჩუნება სახლსა თუ ოფისში განსაკუთრებით აქტუალური ხდება და ბევრი თქვენგანი კონდიციონერის შეძენაზე იწყებს ფიქრს.
Nova.ge ამ გამოწვევასთან გამკლავების მარტივ და ეფექტურ გზას გთავაზობთ – მაღალი ხარისხის კონდიციონერების ფართო არჩევანს, რომელიც დაგეხმარებათ შექმნათ სასიამოვნო მიკროკლიმატი წლის ნებისმიერ დროს.
როგორ შეარჩიოთ იდეალური კონდიციონერი ცხელი დღეებისათვის?
იმისთვის, რომ ახალი კონდიციონერი იდეალურად მოერგოს თქვენს მოთხოვნებს, მოგიტანოთ სასურველი კომფორტი და ამავდროულად, ენერგოეფექტური შენაძენიც აღმოჩნდეს, გირჩევთ, რომ შერჩევისას ყურადღება რამდენიმე მთავარ ასპექტზე გაამახვილოთ:
- განსაზღვრეთ საჭირო სიმძლავრე (BTU): კონდიციონერის სიმძლავრე თქვენი ოთახის ზომას უნდა მოერგოს. ამისთვის, ჯერ ოთახის ფართობი (სიგრძე x სიგანე) გაზომეთ. თუ კონდიციონერი ოთახისთვის სუსტია, კარგად ვერ გააგრილებს და მუდმივად დატვირთული იქნება. თუ ზედმეტად ძლიერია – ბევრ ენერგიას დახარჯავს და ტემპერატურაც არასტაბილური იქნება. არჩევანის გასამარტივებლად, ყველა მოდელს აღწერაში მითითებული აქვს თუ რა ფართობისთვისაა განკუთვნილი იგი;
- ყურადღება მიაქციეთ ენერგოეფექტურობას: ენერგოეფექტური კონდიციონერი ნაკლებ დენს მოიხმარს, რაც კომუნალურ გადასახადებს ამცირებს. ეძებეთ A+, A++ ან A+++ კლასის მოდელები. განსაკუთრებით ეკონომიურია ინვერტორული ძრავის მქონე კონდიციონერები – ისინი 20-40%-ით ნაკლებ ენერგიას მოიხმარს, ოთახში სტაბილურ ტემპერატურას ინარჩუნებს და ძალიან ჩუმად მუშაობს;
- შეაფასეთ ფუნქციონალი თქვენი საჭიროებების მიხედვით: მხოლოდ გაგრილება გჭირდებათ, თუ გათბობის ფუნქციაც მნიშვნელოვანია შემოდგომა-გაზაფხულის პერიოდისთვის? იქნებ ტენიანობის მაღალი დონე გაწუხებთ და ტენის ამოშრობის (დრენაჟის) ფუნქციაც გამოგადგებათ? გააანალიზეთ, რომელ ფუნქციებს გამოიყენებთ რეალურად და ამის მიხედვით შეარჩიეთ მოდელი;
- გაითვალისწინეთ დამატებითი კომფორტის ფაქტორები: თუ კონდიციონერს საძინებლისთვის არჩევთ, ხმაურის დონე (dB) ერთ-ერთი უმნიშვნელოვანესი კრიტერიუმია. ალერგიისკენ მიდრეკილების შემთხვევაში, დაინტერესდით ჰაერის ფილტრაციის სისტემებით.
რატომ უნდა შეარჩიოთ კონდიციონერი ნოვაში?
Nova.ge-ზე თქვენ აღმოაჩენთ MIDEA-ს კონდიციონერებს – ბრენდს, რომელმაც ათწლეულების განმავლობაში მსოფლიო აღიარება მოიპოვა როგორც საყოფაცხოვრებო ტექნიკის, ასევე HVAC (გათბობა, ვენტილაცია, კონდიცირება) სისტემების სფეროში.
MIDEA მუდმივად ავითარებს ტექნოლოგიებს და აუმჯობესებს თავის პროდუქციას. კომპანიის მთავარი მიზანი თქვენი ყოველდღიური ცხოვრება უფრო კომფორტული და სასიამოვნო გახადოს, მათ ნებისმიერ პროდუქტში იკითხება.
დამატებითი სარგებელია ისიც, რომ ჩვენთან შეძენილ MIDEA-ს ყველა კონდიციონერზე 4 წლიანი ოფიციალური გარანტია ვრცელდება. ეს შენაძენს უფრო დაცულს ხდის და თქვენთვისაც სიმშვიდის მომგვრელი ფაქტორია. ამასთან, შერჩეულ კონდიციონერს საქართველოს მასშტაბით 3-4 სამუშაო დღეში მოგაწვდით.
ცხელი დღეებისათვის მზადება მაქსიმალურად ხელმისაწვდომი რომ გავხადოთ, გთავაზობთ მოქნილ ონლაინ განვადებას. განაცხადის შევსება შეუძლია საქართველოს 20-დან 65 წლამდე ასაკის მოქალაქეს, რომელსაც შემოსავალი შემოსავლების სამსახურში უდასტურდება. განვადება გაიცემა 3-დან 48 თვემდე ვადით, პროდუქციის ღირებულებით მინიმუმ 100-დან მაქსიმუმ 10,000 ლარამდე. ამ ეტაპზე ხელმისაწვდომია თიბისისა და საქართველოს ბანკის ონლაინ განვადებები, ხოლო რე-ბანკის ტოპ-ქარდით გადახდისას, თანხა 3 თვეზე უპროცენტოდ გადანაწილდება.
იხილეთ MIDEA-ს კონდიციონერების კატალოგი Nova.ge-ზე, შეარჩიეთ თქვენს საჭიროებებზე მორგებული მოდელი. დახმარების საჭიროების შემთხვევაში კი მოგვმართეთ, გაიარეთ კონსულტაცია და მიიღეთ საუკეთესო გადაწყვეტილება კომფორტული და გრილი ზაფხულისათვის.