სპრეი საღებავის შერჩევა და გამოყენების წესები

სპრეი საღებავების თანამედროვე ასორტიმენტი ძალიან ფართოა - შეგიძლიათ, შეარჩიოთ საღებავები როგორც გარე, ისე შიდა სამუშაოებისთვის; შეღებოთ ნეისმიერი ფორმისა და მასალის ზედაპირი - ბეტონი, აგური, მინა და პლასტმასიც კი; გამოიყენოთ არა მხოლოდ კედლების მოსახატად, არამედ - რემონტისა და რესტავრაციისთვის, ძველი ნივთების დეკორირებისთვის და, თქვენ წარმოიდგინეთ, ისეთი საგნების შესაღებადაც, რომლებიც მაღალი ტემპერატურის ან მუდმივი მექანიკური ზემოქმედების ქვეშ არიან.
უბრალოდ, უნდა იცოდეთ, რა შეიძინოთ და როგორ გამოიყენოთ.

საღებავის შერჩევა

უამრავი პულივიზატორი არსებობს. თუმცაღა, არის რამდენიმე მნიშვნელოვანი ფაქტორი, რომელიც შერჩევის ეტაპზე უნდა გაითვალისწინოთ. კარგად დააკვირდით, რომელ საღებავს ყიდულობთ და რა უნდა შეღებოთ. ყველა საღებავს ინდივიდუალური შემცველობა გააჩნია და სხვადასხვა ზედაპირისთვის გამოიყენება. შეარჩიეთ, ეკომეგობრული სპრეი, რომელიც მაქსიმალურად იქნება მორგებული გარემო პირობებთან და დროთა განმავლობაში პირვანდელ ფერს შეინარჩუნებს.  

უსაფრთხოების წესები

რეკომენდირებულია, გამოიყენოთ სპეციალური სათვალე, კომბინიზონი, პირბადე და ხელთათმანები, რათა მაქსიმალურად უსაფრთხოდ იმუშაოთ. სახლში ღებვის დროს ფანჯრები გამოაღეთ. შესაღები საგნის გარშემო დააფინეთ ზეწარი ან თუნდაც, პარკი, რათა საღებავის არასაჭირო ადგილებში გაფრქვევა მაქსიმალურად შეამციროთ.

სპრეი საღებავის მოხმარების წესი

სამუშაოების დაწყებამდე შეანჯღრიეთ პროდუქტი მაქსიმუმ ორი წუთის განმავლობაში და დარწმუნდით, რომ იგი საქშენიდან თავისუფლად ასხურებს.

გირჩევთ, შესაღებ დისტანციად 10-20 სანტიმეტრი აიღოთ. ხატვის დაწყებისას კი მისხურებისას საქშენი ობიექტს  გვერდიდან გადაატარეთ, რათა საღებავის კონცენტრაცია ერთ კონკრეტულ ადგილას არ მოხვდეს. პირველი ფენის გასაშრობად დაიცადეთ 30-45 წუთი და შემდეგ მეორე პირის გადაღებვა დაიწყეთ.