წარმოება - კატალოგი
სახელმძღვანელო
ბეტეკის კატალოგი
ცილინდრული ღია ავზი (საწნახელი)
დალაგება:
მოიძებნა 2 პროდუქტი
ცილინდრული ღია ავზი – საწნახელი
საქართველოში შემოდგომა ყურძნის დაწურვის გარეშე თითქმის წარმოუდგენელია. მას ზომიერი წნეხის ქვეშ ატარებენ – სითხე გამოთავისუფლდება, ნარჩენები კი ავზში რჩება. ამ დროს მნიშვნელოვანია, რომ ძალა კონტროლირებადი იყოს: ზედმეტი წნეხი ყურძნის წვენის გემოს ცვლის.
ძველად ხის ჭურჭელს იყენებდნენ. აღმოსავლეთ საქართველოში მას ნავი ერქვა, დასავლეთში – საწნახელი, სამეგრელოში – ოჭინახი, ლეჩხუმში კი – ხაპი. ყოველ კუთხეს თავისი სახელი და ტრადიცია ჰქონდა. დღეს ნოვას წარმოების პლასტმასის საწნახელი ამ ფუნქციას ბევრად უფრო პრაქტიკულად ასრულებს, ხის მასალასთან შედარებით ნაკლებ მოვლას საჭიროებს და პროდუქტის ხარისხზე უარყოფით გავლენას არ ახდენს.
ნოვას პლასტმასის საწნახელი - ღია ავზი
ნოვას ცილინდრული ღია ავზი HDPE-სგან, მაღალი სიმკვრივის პოლიეთილენისგანაა დამზადებული. ეს მასალა ქიმიურად გამძლეა, დარტყმას უძლებს და ფორმას დიდხანს ინარჩუნებს. ორშრიანი კონსტრუქცია კედელს სიმყარეს მატებს, რაც განსაკუთრებით მნიშვნელოვანია, თუ ავზი სავსეა.
გამოყენებული ნედლეული საკვებ პროდუქტებთან თავსებადია. ეს ნიშნავს, რომ ყურძნის საწნახელად ან ღვინის დამზადების სხვა ეტაპებისთვის მისი გამოყენება უსაფრთხოა. ყველა ნოვას ავზი საქართველოშია წარმოებული.
რა მოცულობის საწნახელი უნდა ავირჩიოთ?
500 ლიტრიანი პრიზმულ-ჰორიზონტალური ფორმის პატარა საწნახელი ოჯახური მეურნეობისთვის კომფორტული ზომაა.
850 ლიტრიანი ცილინდრული ღია ავზი კი მეტი სამუშაო მოცულობისთვის გამოდგება. 3 ან 4 შრიანი ვარიანტები ინდივიდუალური შეკვეთის საფუძველზე მზადდება, ამ შემთხვევაში, შეკვეთა ვებ-გვერდზე ან ნოვას ფილიალებშია შესაძლებელი.
ცილინდრული და პრიზმული ღია ავზი და მისი გამოყენება
ყურძნის დაწურვა ღია ავზის ერთ-ერთი პრაქტიკული გამოყენებაა, მაგრამ არა ერთადერთი. ღია ავზი სხვა ხილის დასამუშავებლადაც გამოიყენება – ვაშლი, მსხალი, ბალი. ასევე მარცვლოვანი მასალების ან სხვა სასოფლო-სამეურნეო პროდუქტების დროებით შესანახად.
ვენახის ინვენტარის კატეგორიაში სხვა დამხმარე საშუალებებიც მოიძებნება.
სჭირდება თუ არა ღია ავზს თავსახური?
ღია ავზი ყურძნის დაწურვის პროცესისთვის კარგი არჩევანია, მუდმივი წვდომა და ხილვადობა აქ განსაკუთრებით საჭიროა. თუ ამოცანა შენახვაა, ღია ავზი თავსახურით (ჩანი) უფრო გამართლებული ვარიანტია. ეს კატეგორია 750 ლიტრიდან 2000 ლიტრამდე ვარიანტებს მოიცავს, ორივეს ერთ და ორშრიანი კონსტრუქცია აქვს.