იდეალური შპალერი - შერჩევის კრიტერიუმები

თანამედროვე ინტერიერში შპალერი, ერთ დროს მივიწყებული, როგორც ძველმოდური დეკორაცია, დღეს თავიდან პოულობს ახალ სიცოცხლეს. 

ბოლო პერიოდში მომატებულმა პოპულარობამ კიდევ უფრო გაზარდა არჩევანის საშუალება. ერთ კონკრეტულ ფონზე ჩამოყალიბება ის მნიშვნელოვანი სამომავლო ინვესტიციაა, რომელიც წლების განმავლობაში შეცვლის თქვენი სახლის იერსახეს.

ბევრი რამაა დამოკიდებული იმაზე, თუ რომელი ოთახისთვის არჩევთ შპალერს: სპეციალურად საძინებლებისთვის, მისაღები ოთახებისთვის, სამზარეულოსთვისა და სველი წერტილებისთვისაც კი. მას შემდეგ რაც ოთახზე ჩამოყალიბდებით, უნდა გადაწყვიტოთ სტილი. გინდათ ორნამენტებიანი, თუ მყარი ფერი? როგორ დიზაინს მიანიჭებთ უპირატესობას და ა.შ.ხშირად გვინახავს უღიმღამო, უხარისხო და მალფუჭებადი შპალერი (როგორც ხშირად არასწორად უწოდებენ შპალიერი), რომელსაც ოთახის სტილთან არაფერი აქვს საერთო. რიგი ფაქტორების გათვალისწინებით, თქვენს ოთახებში თანამედროვე, ესთეტიური, უმაღლესი ხარისხის დეკორატიული ქაღალდი გაჩნდება, რომელიც ზუსტ თანხვედრაში იქნება როგორც თქვენ გემოვნებასთან, ასევე სახლის ზოგად ინტერიერთან.

 

ვინილის შპალერი

ეს ულამაზესი საკურას ყვავილობა, რომელიც ვინილის ქაღალდზეა გამოხატული, თქვენს ნებისმიერ ოთახს დაამშვენებს. გარდა ესთეტიური მომხიბვლელობისა, ვინილის ნაწარმი ძალიან წყალგამძლეა და საშუალებას გვაძლევს გაიკრას ისეთ ადგილებში, რომლებიც, როგორც წესი, ძალიან ტენიანია სხვა ტრადიციული შპალერებისთვის. კერძოდ -  სველი წერტილები და სამზარეულოები.

ცხიმი და ჭუჭყი არ უქმნის პრობლემას ამ ქაღალდებს, ასე რომ თქვენ შეგიძლიათ გააკრათ ისინი ყველგან თქვენს სახლში, ან ბიზნეს სივრცეში.

ზოგიერთი სამშენებლო მასალა და სახლის დეკორაციის ელემენტი მავნე ქიმიკატებითაა დამზადებული. ვინილის არ შეიცავს აცეტონს და ტურპენტინს, ასე რომ თქვენ არ მოგიწევთ უსიამოვნო და ცუდი ჰაერის პირობებში ცხოვრება. ამ პლიუსის გამო ის ძალიან ხშირად ბავშვთა საძინებლებში გამოიყენება.

ასე რომ, ვინილის შპალერის უნივერსალურობა მას ნებისმიერ ოთახისთვის სასურველ ნაწილად აქცევს.

 

თხევადი შპალერი

თხევადი შპალერიც დღითი-დღე უფრო მოთხოვნადი ხდება ბაზარზე. მას აქვს ერთი უპირატესობა, რის გამოც ცდუნება დიდია, რომ ზუსტად ის აირჩიოთ თქვენი ოთახის გასალამაზებლად.

გაუთვალისწინებელ შემთხვევაში კედელს მცირე დაზიანება თუ გაუჩნდა, კარგი ამბავი ის არის, რომ თქვენ არ გჭირდებათ მთლიანი ზედაპირის რედეკორაცია. კედლის დაზიანებული ნაწილის აღდგენითი სამუშაოები ძალიან მარტივად და სწრაფად განხორციელებადია.

ფოროვანი სტრუქტურის გამო, მას შეუძლია ხმაურის შთანთქმა. რა თქმა უნდა, ის ვერ უზრუნველყოფს სრულყოფილ სიჩუმეს, მაგრამ გარე ხმაურის დონეს 10-15%-ით ამცირებს, რაც დამერწმუნებით, რომ ძალიან დიდი შვებაა. გარდა ამისა, ის ხელს უშლის ოთახში ექოს წარმოქმნას.

თხევად შპალერს თავისი სტრუქტურიდან გამომდინარე აქვს მნიშვნელოვანი ყინვაგამძლეობა. მასალის ეს თვისება ხელს უწყობს მისი მოცულობის მნიშვნელოვან გაფართოებას.

 

მისაღები ოთახის შპალერი

როდესაც საქმე ეხება ჩვენი სახლის შპალერს, მისაღები ოთახი არის ერთ-ერთი ყველაზე მნიშვნელოვანი ადგილი. ეს ის სივრცეა, სადაც ვიღებთ სტუმრებს და ვისვენებთ ხანგრძლივი დღის შემდეგ. მთლიანად სახლი და განსაკუთრებით კი მისაღების ოთახი ლაპარაკობს ჩვენს მაგივრად. ის გამოხატავს ჩვენს გემოვნებას, ინტერესებს და ხასიათს, ამიტომ ავეჯთან და სხვა მნიშვნელოვან აქსესუარებთან ერთად დიდი ყურადღება უნდა მიექცეს სწორად შერჩეულ ქაღალდს.

მაშ, როგორ ავირჩიოთ იდეალური ფონი ჩვენი მისაღები ოთახისთვის?

უპირველეს ყოვლისა, იფიქრეთ იმაზე, თუ რა ფერები გსურთ გამოიყენოთ თქვენს მისაღებ ოთახში. ეს დეკორატიული ქაღალდი ხელმისაწვდომია ფერების და შაბლონების ფართო სპექტრში, ასე რომ აუცილებლად იპოვით თქვენს ესთეტიკას. თუ არ ხართ დარწმუნებული საიდან დაიწყოთ, გადახედეთ საცხოვრებელი ოთახების პოპულარულ ფერთა სქემას და ნახეთ, შთაგაგონებთ თუ არა რომელიმე მათგანი.

ოთახის სპეციფიკიდან გამომდინარე, ზოგადი რეკომენდაციაა, რომ მისაღების კედლები იყოს შედარებით ნათელ ფერებში, რაც ოთახს უფრო მეტად სტუმართმოყვარეს გახდის.

ყურადღება მიაქციეთ ოთახის ბუნებრივ განათებასა და ტემპერატურას. თუ ატმოსფერული ფანჯრის შუქი ბევრია, ამ შემთხვევაში ფერების ფართო სპექტრის გამოყენება უსაფრთხოა - ღიადან მუქამდე. ბევრი ბუნებრივი განათება მუქ ქაღალდებს ნაკლებად მძიმესა და ბუნდოვანს ხდის. 

ყურადღება მიაქციეთ იმ ოთახებს, სადაც ფანჯრის სინათლე ცოტაა, ან საერთოდ არ არის, რადგან უფრო ბნელმა და მსგავსი განწყობის ქაღალდებმა შეიძლება შექმნას გამოქვაბულის მსგავსი ატმოსფერო. 

შემდეგ იფიქრეთ თქვენი მისაღები ოთახის საერთო დიზაინზე. ფორმალური გსურთ, თუ არაფორმალური? ტრადიციული იერსახე, თუ რაიმე უფრო თანამედროვე? შპალერი დაგეხმარებათ მიაღწიოთ თქვენთვის სასურველ იერს. არსებობს  დიზაინი, რომელიც ზუსტად ბაძავს ნამდვილი ქვის ან ხის იერს. ბევრ მომხმარებელში ძალიან პოპულარულია აგურის ეფექტით, რაც კონკრეტულ სივრცეს დამატებით დახვეწილობას მატებს.

 

სამზარეულოს შპალერი

წავიდა ის დრო, როდესაც შპალერი ექსკლუზიურად გამოიყენებოდა მისაღებ ოთახებსა და საძინებლებში. 

ძველი სიბრძნე გვეუბნება, რომ შპალერი და  ორთქლიანი, ნოტიო ადგილები, როგორიცაა სამზარეულო, არ ერწყმის ერთმანეთს. ტექნოლოგიისა და დიზაინის მუდმივი წინსვლის გამო, ეს ქაღალდი ძალიან მარტივად ინტეგრირდა იმ სივრცეში, სადაც ყველა უფრთხოდა მის გამოყენებას.

მცირედი კრეატიულობის დახმარებით, ის შესანიშნავი დამატება გახდება ნებისმიერი სამზარეულოსთვის.

როგორც ყველამ ვიცით, სამზარეულოში არეულობის მოსაწყობად დიდი ძალისხმება არ არის საჭირო. ასე რომ, სერიოზულად უნდა გაითვალისწინოთ მასალის ტიპი, რომელსაც გამოიყენებთ სამზარეულოს კედლებისთვის და არ იღელვებთ ქაღალდის გაფუჭებაზე.

ტრადიციული ქაღალდი სწრაფად ბინძურდება და კარგავს ბზინვარებას.  იმის გამო, რომ ისინი ძალიან თხელია, ძველი ქაღალდები ჩვეულებრივ შთანთქავენ უსიამოვნო სუნს. ასე რომ, ნომერ პირველი წესია თავი შეიკავოთ ქსოვილზე დაფუძნებული ან ზედმეტად ტექსტურირებული ვარიანტებისგან, რომლებშიც ჭუჭყი ძალიან მარტივად გროვდება. 

თუმცა, არის კარგი სიახლე სამზარეულოს შპალერის უფრო ახალი დიაპაზონის სახით. ბევრი მწარმოებელი გვთავაზობს გასარეცხ ალტერნატივებს. მაგალითად, ზემოთნახსენები ვინილის ნაწარმი ზუსტად ამ კატეგორიაში გადის. თქვენ შეგიძლიათ უბრალოდ გაწმინდოთ სველი ქსოვილით, ან გამოიყენოთ რბილი საწმენდი საშუალება. დარწმუნდით, რომ პირველ რიგში ყურადღება მიექცეს მწარმოებლის დასუფთავების ინსტრუქციებს.

 

შპალერი საძინებლისთვის

საძინებელი არის თქვენი უსაფრთხო და ბედნიერი სივრცე. აქ უნდა შეგეძლოთ განტვირთვა ხანგრძლივი დღის შემდეგ და ენერგიის განახლება მომდევნოსათვის. 

დაფიქრდით რა გინდათ, გსურთ დაიძინოთ ჩაბნელებულ, სენსუალურ ოთახში, თუ გაიღვიძოთ მზიან სანაპიროზე?

პირველ რიგში უნდა დარწმუნდეთ, რომ ეს არის ის, რაზეც თქვენ და თქვენი პარტნიორი თანხმდებით.  თუ მარტო ცხოვრობთ, შეგიძლიათ აირჩიოთ ნებისმიერი ფონი, რომელიც მოგწონთ.

ზოგადი რეკომენდაციები:

• შავ-თეთრი მოდელი ყოველთვის მისაღებია საძინებლისთვის, რადგან ის კლასიკურია და ყველა ეპოქას ერგება.
• ძალიან პოპულარულია სხვადასხვა ტონებში გადაწყვეტილი ყვავილების ნიმუშიანი საძინებლის შპალერი, როგორიცაა ლურჯი, ზურმუხტისფერი მწვანე და ოქროსფერი.
• თუ ფერი არ არის თქვენი მთავარი პრიორიტეტი, მოძებნეთ დამამშვიდებელი - სპილოსძვლისფერი, ან ღია ნაცრისფერი ტონები, რომლებიც ტექსტურირებულია და მკვეთრი სიკაშკაშის გარეშე უზრუნველყოფს შესაბამისი განწყობისა და ვიზუალის შექმნას.

ყველაზე მნიშვნელოვანი ელემენტი ფონის არჩევისას არის ისეთ ნიმუშზე ჩამოყალიბება, რომელიც მოგწონთ და კარგად იმუშავებს ოთახში. აქ მოცემულია რამდენიმე ძირითადი ესთეტიკური ხრიკი:

• ოთახის გასაფართოვებლად და ჭერის “ჩამოსაშლელად” აირჩიეთ ჰორიზონტალური ზოლები.
• პატარა სივრცისთვის აირჩიეთ მინი პრინტი.  ქაღალდი პატარა პატერნით, ან გეომეტრიული დიზაინით.
• იმისათვის, რომ ოთახი უფრო პატარა გამოიყურებოდეს, აირჩიეთ მუქი ფერები.
• თუ გსურთ, რომ ჭერი უფრო მაღალი ჩანდეს, აირჩიეთ ვერტიკალური ზოლები ან შაბლონები.
• აირჩიეთ შპალერი  ღია ფონით, რომ თქვენი ოთახი შედარებით დიდი გამოჩნდეს.

ბავშვის საძინებელზე როცა მიდგება საქმე, ზოგჯერ კედლის ფონის არჩევა არც ისე მარტივია. უნდა გაითვალისინოთ მათი ზრდის ტემპი და და ისიც, რომ პატარა ასაკის ბავშვზე გათვლილი ლამაზი შპალერი, შედარებით მოზრდილისთვის უბრალო ქაღალდად შეიძლება იქცეს.

რაც მთავარია, ბავშვის ოთახი ისე უნდა მოეწყოს, რომ მან კომფორტულად იგრძნოს თავი. თქვენ უნდა გქონდეთ ნათელი ფერები, რომლებიც ადვილია თვალისთვის, მაგრამ არა ზედმეტად სტიმულირებადი. ამ დროს დეკორატიული შპალერი ძალიან კარგია, მაგრამ ბევრმა ელემენტმა ბავშვის შეიძლება ძნელად ასატანი და აღსაქმელი გახადოს ქაღალდი. 

აქვე, არ დაგავიწყდეთ, რომ თუ ოდესმე დაგჭირდათ შპალერი საძინებლისთვის ნოვას სტუმართმოყვარე კარი თქვენთვის ყოველთვის ღიაა!

როგორ გავაკრათ შპალერი

და ბოლოს საუკეთესო ნაწილი ისაა, რომ თქვენ თვითონ შეგიძლიათ გააკრათ შპალერი. მცირე დაგეგმარებითა და მომზადებით, თქვენ შეგიძლიათ რამდენიმე საათში გააფორმოთ ნებისმიერი ოთახის კედელი. 

• მოამზადეთ კედლები. გაფორმებამდე უნდა დარწმუნდეთ, რომ კედლები სუფთა და გლუვია. გამოავსეთ ნებისმიერი ხვრელი, ან ბზარი და შემდეგ გაწმინდეთ კედლები ნესტიანი ქსოვილით, რათა მოაცილოთ მტვერი და პატარა ნარჩენები.
• ბევრჯერ გაზომეთ და ერთხელ გაჭერით. გამოთვალეთ რამდენი ქაღალდი დაგჭირდებათ. გაზომეთ კედლის სიმაღლე და სიგანე და დაამატეთ რამდენიმე სანტიმეტრი ყოველი შემთხვევისთვის და რაც აღარ იქნება საჭირო, იმას ბოლოს მოაჭრით.
• წაუსვით წებო და შეუდექით გაკვრას. დაიწყეთ კედლის ერთი ბოლოდან და წაუსვით წებოს თანაბარი ფენა ქაღალდის უკანა მხარეს. დარწმუნდით, რომ თანაბრად გადაანაწილეთ წებო ისე რომ არ გაიჟღინთოს და ქაღალდზე ნაოჭები არ წარმოიქმნას.
• მას შემდეგ, რაც მთელი ქაღალდი ამოიწურება, ზედმეტი მოაჭერით ბასრი დანით. იზრუნეთ, რომ არ ჩაჭრათ საღებავში ან საშრობ კედელზე ქვემოთ.

 

ზემოთ ჩამოთვლილი რიგი ფაქტორების გათვალისწინება დაგეხმარებათ გადაწყვეტილების მიღებაში. სწორად შერჩეული შპალერი კი ოთახს ახალ დატვირთვასა და მნიშვნელობას შესძენს, ესთეტიურად გაალამაზებს, როგორც თქვენთვის, ისევე თქვენი სტუმრებისათვის.