Logo
Warning

სურვილების სიის შესავსებად გაიარეთ ავტორიზაცია

ავტორიზაცია
სიაში დაბრუნება
თუნუქის სახურავის შერჩევა და მთავარი უპირატესობები

თუნუქის სახურავის შერჩევა და მთავარი უპირატესობები

დღეს სამშენებლო ბაზარზე მასალების უდიდესი ასორტიმენტია წარმოდგენილი, რომელთაგან ბევრი ახალი ტექნოლოგიის პროდუქტია.

სწორედ ასეთია მეტალოკრამიტი, რომელიც მე-20 საუკუნის ბოლო წლებში გამოჩნდა და თავისი უნიკალური საექსპლუატაციო თვისებებისა და ლამაზი ვიზუალის დამსახურებით, დღეს უკვე გაყიდვების ლიდერი და მომხმარებლის პოპულარული არჩევანია.

რა მასალაა მეტალოკრამიტი?

ეს არის სასახურავე მასალა, რომელიც, ძირითადად, დამზადებულია მოთუთიებული ფოლადის ფურცლისგან და იშვიათად  სპილენძისა და ალუმინისგან.

იმისთვის, რომ მასალას სიმტკიცე და გამძლეობა შესძინონ, ლითონის ფურცელზე დაიტანება პოლიმერი, შემდეგ - გრუნტის ფენა, პასივატორი და თუთიის შრე. შიდა მხრიდან - თუთიის შრე, პასივატორი და სპეციალური საფარველი ეპოქსიდური ფისის საფუძველზე.

მეტალოკრამიტი ნოვა

რა ფუნქცია აქვს თუნუქის სახურავის შემადგენელ ფენებს?

პოლიმერული ფენა - იცავს სახურავს აგრესიული გარემო პირობებისა და მექანიკური ზემოქმედებისაგან; აღსანიშნავია, რომ მზა პროდუქტის ფასი დიდწილად დამოკიდებულია პოლიმერის სახეობაზე, რომლითაც დაფარულია მეტალოკრამიტი:

პოლიეტერი - ეს ყველაზე გავრცელებული დაფარვაა. აქვს პრიალა და ერთფეროვანი ზედაპირი. იაფია და, შესაბამისად - ნაკლებად ხანმედეგია. რამდენიმე წელიწადში მზის სხივების ზემოქმედების შედეგად ფერი ხუნდება; მისი გამოყენება უმჯობესია ისეთ რეგიონებში, სადაც ზომიერი კლიმატია -  არც ძალიან ცხელი ზაფხული იცის და არც ძალიან ყინვიანი ზამთარი;

პოლიურეთანი - გამოირჩევა ულტრაიისფერი სხივების, ტემპერატურის ცვალებადობის და აგრესიული გარემო პირობების მიმართ გამძლეობითა. ამიტომ ხანგრძლივად ინარჩუნებს ფერს. ასეთი დაფარვა იდეალურია ნებისმიერი, თუნდაც ყველაზე მკაცრი კლიმატურ პირობებში ექსპლუატაციისთვის;

გრუნტი - გრუნტის ფენა ლითონს დამატებით იცავს კოროზიისგან;

პასივატორი - კიდევ ერთი ფენაა, რომელიც თუთიას იცავს კოროზიისგან;

თუთიის შრე - რაც უფრო მეტია თუთიის შემცველობა, მით უფრო ხანმედეგია და საექსპლუატაციო თვისებებიც უკეთესი აქვს.

თუნუქის სახურავის მახასიათებლები ნოვა

თუნუქის სახურავის ტექნიკური და ვიზუალური მახასიათებლები:

მეტალოკრამიტის სისქე

მნიშვნელოვანი ტექნიკური მახასიათებელია, რომელზეც დამოკიდებულია მექანიკური ზემოქმედებისადმი გამძლეობა, ისე რომ სახურავის ფორმა და ჰერმეტულობა არ დაზიანდეს. სისქის დიაპაზონია: 0,35 მმ-დან 0,52მმ-დე.

თუნუქის სახურავის წონა

მსუბუქი მასალაა, რაც მნიშვნელოვანია ტრანსპორტირებისა და მონტაჟის პროცესისთვის. ფურცლების წონა, ფორმისა და სისქის მიხედვით, განსხვავებულია, თუმცა უმნიშვნელოდ: 0,4 და 0,5მმ სისქის მქონე 1 კვ.მ. ფურცლის საშუალო წონა, შესაბამისად 3,7 კგ და 5კგ-ია.

პროფილის ფორმა და სიმაღლე

მეტალოკრამიტს სპეციალურ დანადგარზე აძლევენ ტალღისებურ ფორმას - პროფილს, რომელიც, თავის მხრივ, მასალას სიმტკიცესა და ესთეტიკურობას სძენს.

თანამედროვე სახეობები ერთმანეთისგან პროფილის ფორმითა და სიმაღლითაც გამოირჩევა. ყველაზე პოპულარული და ეკონომიური ის სახეობაა, რომლის ტალღის სიმაღლე 50 მილიმეტრამდეა. როდესაც სახურავის ტალღის სიმაღლე 50 მმ-ზე მეტია, გადახურვა უფრო მტკიცე და ხანმედეგია.

რაც შეეხება ტალღის ფორმას, ყველაზე გავრცელებულია ასიმეტრიული ტალღის მქონე პროფილის სახურავები. მეტალოკრამიტი, სიმეტრიული ტალღის პროფილით, იშვიათი და ძვირი პროდუქტია.

ფერადი თუნუქის სახურავი

დღეს სამშენებლო მრეწველობა მომხმარებელს მატალოკრამიტის ფერების დიდ არჩევანს სთავაზობს. ნაზი და ნათელი ფერები იდეალურია ცხელი და მზიანი რეგიონებისთვის; მკვეთრი და კაშკაშა მეტალოკრამიტი საინტერესოა ორიგინალური დიზაინის მოყვარულებისთვის;

ფერის შერჩევისას, რა თქმა უნდა, ყველა მომხმარებელი საკუთარი გემოვნებითა და საჭიროებებით ხელმძღვანელობს. უბრალოდ, გასათვალისწინებელია ერთი ზოგადი წესი - რაც უფრო მუქი ფერისაა სახურავი, მასზე უფრო შესამჩნევია ნაკაწრები, რომლებიც შეიძლება, მექანიკური ზემოქმედების შედეგად გაჩნდეს.

მეტალოკრამიტის სახურავის მთავარი უპირატესობები:

  • მცირე წონა - თუნუქის ფურცლების მცირე წონა ამარტივებს ტრანსპორტირებას და მონტაჟის პროცესს - პროფესიონალთა ბრიგადას შეუძლია, 100 კვ.მ ფართობი ერთ დღეში გადახუროს!
  • ექსპლუატაციის ხანგრძლივი ვადა - როცა თუნუქის გადახურვა ყველა წესის დაცვით არის დამონტაჟებული, იგი 50 წელი და მეტიც მოგემსახურებათ, თანაც - ზედმეტი მოვლისა და დანახარჯების გარეშე;
  • ხელმისაწვდომი ფასი - გარდა იმისა, რომ უშუალოდ მასალის ფასია მისაღები, მონტაჟის სიმარტივე სამონტაჟო სამუშაოების ფასსაც აიაფებს;
  • ესთეტიკურობა - ფერთა საინტერესო გამა და პროფილების მრავალფეროვანი არჩევანი საშუალებას გაძლევთ, საინტერესო დიზაინი შექმნათ;
  • ყინვაგამძლეობა
  • ხანძარუსაფრთხოება
  • ეკოლოგიურობა - გარემოს არ აყენებს ზიანს.

თუნუქის გადახურვა

სად გამოიყენება მეტალოკრამიტი?

ეს მასალა უნივერსალურია ნებისმიერი სახურავისთვის, რომლის დახრა, მინიმუმ, 14 გრადუსია. მათ შორის: ქანობიანი გადახურვისთვის, მანსარდული გადახურვისთვის, კერძო და სამოქალაქო მშენებლობებში.

რა უნდა გავითვალისწინოთ თუნუქის სახურავის შერჩევისას?

გადახურვის შერჩევისას, რომელიც ბევრი თანამედროვე  სასახურავე მასალის ღირსეული ალტერნატივაა, ყურადღება უნდა მიაქციოთ:

  • მეტალოკრამიტის სისქეს (ძალიან თხელი ფურცლები მონტაჟისას განსაკუთრებულ სიფრთხილეს მოითხოვს);
  • თუთიის ფენას (ოპტიმალურია, დაახლოებით, 275 გრ/კვ.მ;)
  • გრუნტის საფარს, რომელიც 15 მიკრონზე მეტი უნდა იყოს. ეს ზრდის ადჰეზიის ხარისხს და უკეთ იცავს თუთიის ფენას;
  • პოლიმერის სახეობას და სისქეს - ამაზე დიდწილადაა დამოკიდებული სასახურავე მასალის ხარისხი;
  • მასალის სტრუქტურას - არსებობს პრიალა, მქრქალი (მატი), რელიეფური, მეტალიკი და ა.შ.; თუმცა მასალის სტრუქტურა არ მოქმედებს სახურავის ხარისხზე.

***

თუ გსურთ, სახურავი დიდი ხნის მანძილზე უხარვეზოდ გემსახუროთ, სახლის გადახურვისას ერთნაირად მნიშვნელოვანია როგორც ხარისხი, ასევე - სახურავის სწორი მონტაჟი, სადაც, პირველ რიგში, იგულისხმება სახურავის წყალსაწრეტი სისტემები.

სახურავის წყალსაწრეტი სისტემები ნოვა

სახურავის წყალსაწრეტი სისტემები

სახურავის წყალსაწრეტი სისტემის დანიშნულებაა, დაიცვას სახურავი, შენობის კედლები და ფუნდამენტი წვიმისა და ნადნობი წყლისგან.

თუკი თქვენი შენობის თავდაპირველ პროექტში არ იყო გათვალისწინებული სახურავის წყალსაწრეტი სისტემა, მისი დამონტაჟება ნებისმიერ დროს მარტივად შეგიძლიათ. თანაც არსებობს საშუალება, რომ წყალსაწრეტი სისტემა თუნუქის ფურცლების ფერის შესაბამისად შეარჩიოთ და არქიტექტურულ ანსამბლს ჰარმონიულად შეერწყას.

სახურავის წყალსაწრეტი სისტემები სხვადასხვა მასალისგან მზადდება, თუმცა დღეს, ხარისხისა და გამძლეობის გამო, პოპულარულია მოთუთიებული და პოლიმერით დაფარული ფოლადის მასალა. იგი უძლებს მექანიკურ დაზიანებებს, არ ემუქრება კოროზია, არ ხუნდება, არ უჩნდება ბზარები და მარტივი მოსავლელია.

სხვა ბლოგები

როგორ შევარჩიოთ აბაზანის სარკე

როგორ შევარჩიოთ აბაზანის სარკე

აბაზანის სარკე ინტერიერის ის საგანია, რომელიც მთელ ოჯახს სჭირდება. ამიტომ, ის ყველას უნდა „ერგებოდეს“ და, ამასთან ერთად, ჰარმონიულად ავსებდეს სააბაზანო ოთახის დიზაინს.

9 სექტემბერი 2021

როგორ შევარჩიოთ კერამოგრანიტი იატაკისთვის

როგორ შევარჩიოთ კერამოგრანიტი იატაკისთვის

კერამოგრანიტი მოსაპირკეთებელი მასალაა, საუკეთესო საექსპლუატაციო თვისებებით. ეს მასალა გამძლეა, ადვილად იწმინდება და რაც მთავარია, ხანმედეგია.

30 ივლისი 2021

როგორ შევარჩიოთ სამზარეულოს ნიჟარა

როგორ შევარჩიოთ სამზარეულოს ნიჟარა

სამზარეულოს ნიჟარების მრავალი ნაირსახეობა არსებობს. საიმისოდ, რომ სწორად შეარჩიოთ თქვენთვის სასურველი მასალა, რამდენიმე დეტალის ცოდნა ძალიან დაგეხმარებათ.

23 ივლისი 2021

სპრეი საღებავის შერჩევა და გამოყენების წესები

სპრეი საღებავის შერჩევა და გამოყენების წესები

სპრეი საღებავების თანამედროვე ასორტიმენტი ძალიან ფართოა - შეგიძლიათ, შეარჩიოთ საღებავები როგორც გარე, ისე შიდა სამუშაოებისთვის; შეღებოთ ნეისმიერი ფორმისა და მასალის ზედაპირი - ბეტონი, აგური, მინა და პლასტმასიც კი; გამოიყენოთ არა მხოლოდ კედლების მოსახატად, არამედ - რემონტისა და რესტავრაციისთვის, ძველი ნივთების დეკორირებისთვის და, თქვენ წარმოიდგინეთ, ისეთი საგნების შესაღებადაც, რომლებიც მაღალი ტემპერატურის ან მუდმივი მექანიკური ზემოქმედების ქვეშ არიან.

10 მარტი 2021