წარმოება - კატალოგი
სახელმძღვანელო
ბეტეკის კატალოგი
ჭაღი
დალაგება:
მოიძებნა 67 პროდუქტი
ჭაღები - ოთახის განათება
თანამედროვე სახლი კარგი განათების გარეშე იგივეა, რაც ადამიანი თვალების გარეშე. სანათები ოთახის სილამაზის აღქმაში გვეხმარება. ინტერიერის სილამაზე, სწორედ, რომ გონივრულად შერჩეულ განათებაზეა დამოკიდებული. შეუძლებელია რემონტი წარმატებულად შესრულდეს ამ კომპონენტის გარეშე.
კარგი განათება, როგორც მზის შუქი, დიდ გავლენას ახდენს ადამიანის ბიოლოგიურ ციკლზე. სინათლის მიხედვით ორგანიზმი იღებს ინფორმაციას მოდუნდეს თუ გამოფხიზლდეს. ამიტომ რემონტის დაწყებისთანავე უნდა ვიფიქროთ რა გავლენას მოახდენს განათება არა მხოლოდ ოთახის ესთეტიურ, არამედ ჩვენს ბიო-ფსიქოლოგიურ მხარეზეც.
საინტერესოა, როგორ შეიძლება გავანათოთ ოთახი? - ამის რამდენიმე საშუალება არსებობს, თუმცა ყველაზე მნიშვნელოვანია ჭაღები - ჭერის განათება.
ერთი შეხედვით ნაკლებად მნიშვნელოვანი განათება რეალურად, დიდ გავლენას ახდენს ადამიანის განწყობაზე. ის არა მხოლოდ ოთახის სილამაზის აღქმაში გვეხმარება, არამედ ჩვენს ყოველდღიურ რუტინასაც განსაზღვრავს. ზედმეტად განათებულმა ან ჩაბნელებულმა ოთახმა სტრესი, შფოთვა ან გაღიზიანება შესაძლოა გამოიწვიოს.
რა უნდა გავითვალისწინოთ ოთახის განათების (ჭაღები) შერჩევისას?
ადამიანების უმრავლესობა ოთახისთვის განათების შერჩევას დიდ ყურადღებას არ უთმობს. მათთვის მთავარი კრიტერიუმები ფასი და დიზაინია. მაგრამ კარგი ჭაღის შერჩევა დამატებითი ფაქტორების გათვალისწინებასაც საჭიროებს:
- ოთახის დანიშნულება - კარგად გარემონტებული ოთახიც კი სრულყოფილად ვერ შეასრულებს თავის ფუნქციას, თუ სწორად არ გავიაზრეთ მისი დანიშნულება - ვისთვის ან რომელი საქმიანობისთვისაა განკუთვნილი. ამ კითხვაზე პასუხის გაცემის შემდეგ შეიძლება განვსაზღვროთ როგორი ტიპის ჭაღი და ნათურა გვინდა: ფერის, ფორმის, ვარვარის ტემპერატურისა და სიმძლავრის მიხედვით.
- ადგილმდებარეობა - უნდა გავითვალისწინოთ თუ ჭერის რომელ ნაწილში დავკიდოთ ჭაღი. რეკომენდებულია, რომ შუქი ოთახის უმნიშვნელოვანეს ნაწილს ყველაზე უკეთ ანათებდეს. წინასწარ უნდა ვიცოდეთ, რომ განათების ფოკუსი განსაზღვრავს ოთახის სილამაზის აღქმას. შესაბამისად, აქცენტი სივრცის მიმზიდველ ადგილებზე უნდა გაკეთდეს. ამ დროს ჩნდება კითხვა - როგორც წესი ჭაღი ჭერის ცენტრალურ ნაწილშია განთავსებული, მაშინ დიდი ოთახის შემთხვევაში განათებით როგორ გადავიტანოთ ყურადღება სივრცის კონკრეტულ წერტილზე? ამისათვის შეგვიძლია გამოვიყენოთ მეტალის ჭერის ჭაღი, რომელიც კედელზე მაგრდება და სივრცის აუთვისებელ წერტილებს ანათებს. ეს იგივეა, რაც მუზეუმში განათებით მნახველების ყურადღების გადატანა კონკრეტულ ექსპონატზე. დამატებით ხელით რეგულირების საშუალებას გვაძლევს. ფიქსირებულ განათებასთან შედარებით ასეთი მახასიათებელი დიდი უპირატესობაა.
- შპალერის ფერი - მაღაზიაში შემოწმებისას ნათურა შესაძლოა იდეალურად მოგვეჩვენოს, მაგრამ სახლში მოტანისას იმედები გაგვიცრუვდეს. თუ ოთახის პირობებში სანათი საშუალების შემოწმება ვერ ხერხდება, გამოცდილი კონსულტანტის დახმარებით უნდა დავაზუსტოთ რომელ ფერს როგორი ნათურა უხდება.
- ნათურების რაოდენობა - თუ მეტი კომფორტისთვის გვსურს განათების ჩვენი გემოვნებით რეგულირება, იდეალურია რამდენიმე ნათურიანი ჭაღის შეძენა (ძირითადად 3 ან მეტი).
- სტუმრიანობის დროს შეგვიძლია სრული დატვირთვით ვამუშავოთ, სხვა დღეებში კი 1 ან 2 გამოვიყენოთ.
- ამ ტიპის განათება გვაძლევს შესაძლებლობას სინათლე დღის ნებისმიერ მონაკვეთს შევუსაბამოთ.
ვინ დაგვეხმარება ჭაღის შერჩევაში?
ვინაიდან, სახლის რემონტი ძალიან დიდი ძალისხმევას მოითხოვს, სამშენებლო-სარემონტო ჰიპერმარკეტმა ნოვამ გადაწყვიტა ამ მიმართულებით კვალიფიციური კადრები გამოეყო. სწორედ, მათი დახმარებით შეძლებთ ზემოთ ხსენებული ფაქტორების გათვალისწინებას. თქვენს ნებიმისიერ კითხვას დიდი სიამოვნებით ამომწურავად უპასუხებენ.
ჭაღებთან ერთად სხვა სარემონტო საშუალებების შერჩევაშიც აუცილებლად დაგეხმარებიან.