ახალი სეზონი ახალი პროდუქტებით ნოვაში

ცივი სეზონი დგება და საჭიროებებიც იცვლება. ამიტომ საჭიროა, ზაფხულის შემდგომ გრილ შემოდგომასა და ზამთარს მომზადებული დახვდეთ. ამ პროცესს კი სამშენებლო-სარემონტო მასალების მაღაზია ნოვა გაგიმარტივებთ. 

ამინდების გათვალისწინებით, ამ სეზონების მთავარი გამოწვევაა გათბობა. შესაბამისად, საჭიროა გაზის გამათბობელი, გათბობის ქვაბი და კარგი თბოიზოლაცია.  ამ ბლოგში გირჩევთ თუ რა უნდა გაითვალისწინოთ ამ პერიოდისათვის და როგორ შეარჩიოთ აღნიშნული პროდუქტები. 

რა არის გაზის გამათბობელი და როგორ შევარჩიოთ ის

გაზის გამათბობელი მოწყობილობაა, რომელიც ბუნებრივი აირის წვის ხარჯზე სითბოს გამოყოფს. აღსანიშნავია, რომ გამათბობელი აქტიურად გამოიყენება, როგორც საცხოვრებელი, ისე კომერციული მიზნებისათვის. ამის მიზეზი კი ეფექტურობა, ეკონომიურობა და საიმედოობაა. 

როგორც წესი, გაზის გამათბობელი ეფექტურია მაშინ, როდესაც მისი სიმძლავრე გათბობის არეალს შეესაბამება.  პროდუქტის შეძენამდე მნიშვნელოვანია განსაზღვროთ თქვენი საცხოვრებელი თუ სამუშაო სივრცის მოცულობა. 

გარდა ამისა, მნიშვნელოვანია გაითვალისწინოთ თუ რომელი სამშენებლო მასალებია გამოყენებული მშენებლობისას, რადგან ამან შესაძლოა გავლენა მოახდინოს გამათბობლის ეფექტურობაზე. როგორც წესი, კარგად იზოლირებული ოთახები სითბოს უკეთ ინარჩუნებს და გათბობა უფრო მარტივია. 

ამასთანავე სასურველია  ყურადღება გაამახვილოთ ჭერის სიმაღლეზე. მაღალი ჭერის მქონე ოთახების სათანადო გათბობას შესაძლოა მეტი სიმძლავრე დასჭირდეს. ასეთი სივრცის შემთხვევაში არსებობს დიდი ალბათობა იმისა, რომ სითბოს ნაკადი ზემოთ აიწევს და ოთახი ქვედა ნაწილი შედარებით გრილი დარჩება. 

შერჩევისას განიხილეთ გამათბობლები, რომლებიც აღჭურვილია რეგულირებადი თერმოსტატითა და პროგრამირებადი ტაიმერით. აღნიშნული მახასიათებლები საშუალებას გაძლევთ შეინარჩუნოთ ოპტიმალური ტემპერატურა და დაზოგოთ ენერგია მაშინ, როცა გამათბობლის აქტიური მუშაობა საჭირო არ არის. 

ამ პროცესში უსაფრთხოება მთავარი პრიორიტეტი უნდა იყოს. მოძებნეთ გამათბობელი ისეთი ფუნქციებითა და მახასიათებლებით, როგორებიცაა, გადახურების გადამრთველები, თვით გამორთვის სისტემა და ა.შ. 

მონტაჟის პროცესში რესურსს ნუ დაზოგავთ და ეს საქმე პროფესიონალს მიანდეთ, რადგან უსაფრთხოების გარანტია სწორედ პროფესიონალურად ინსტალირებულ მოწყობილობაში მდგომარეობს. 

რა არის გათბობის ქვაბი და რა უნდა გაითვალისწინოთ შეძენის დროს

გათბობის ქვაბი მოწყობილობაა, რომელიც, ერთი მხრივ, სახლს ცხელი წყლით უზრუნველყოფს, მეორე მხრივ კი, ცენტრალური გათბობის სისტემის ფუნქციონირებას უწყობს ხელს. მოუხედავად იმისა, არსებული ქვაბის გამოცვლას გეგმავთ თუ პირველად ყიდულობთ, მნიშვნელოვანია იცოდეთ არჩევანის გაკეთებისას რა უნდა გაითვალისწინოთ. აღსანიშნავია, რომ ნოვაში ხშირად გათბობის ქვაბი ფასდაკლებით არის ხელმისაწვდომი.  

დასაწყისში ყურადღება გაამახვილეთ გათბობის ქვაბის მოცულობაზე. გახსოვდეთ, რომ ქვაბის ზომა და მოცულობა უნდა შეესაბამებოდეს თქვენს საჭიროებებს. დიდი ზომის ქვაბი არ გულისხმობს უკეთეს გათბობას, პირიქით ის არაეფექტურია და უფრო ძვირიც.

არსებობს ორი ტიპის გათბობის ქვაბი, ესენია: ღია და დახურული წვის მოწყობილობები. ღია წვის მქონე გამათბობელი ქვაბი წვის პროცესისათვის შიდა სივრცეში არსებულ ჟანგბადს იყენებს. პროპორციულად ეს დაახლოებით ასე ნაწილდება  - 1მ3 გაზის წვისთვის საჭიროა 12-15 მ3 ჰაერი.  რაც შეეხება დახურული წვის მქონე მოწყობილობას, ეს უკანასკნელი აღჭურვილია ვენტილატორითა და ჰაერის შემომტანით.  ამ მოდელის უპირატესობა იმაში მდგომარეობს, რომ არ მოიხმარს ოთახში არსებულ ჟანგბადს და საჭირო რაოდენობა გარედან შემოაქვს. აღსანიშნავია, რომ ამ ტიპის ქვაბები ხშირად ბინების გასათბობად გამოიყენება. 

შეხვდი ზამთარს თბილ ოთახში თბოიზოლაციის სისტემის დახმარებით

თბოიზოლაცია ერთგვარი სისტემაა, რომელიც შენობის ინტერიერსა და ექსტერიერს შორის სითბოს გაცემის შესამცირებლად გამოიყენება. შეიძლება ითქვას, რომ ცივ ზამთარში  კომფორტული და ენერგოეფექტური გარემოს შესანარჩუნებლად, საუკეთესო გზაა. აღსანიშნავია, რომ თბოიზოლაცია ნოვაში ხელმისაწვდომია და გაზის გამათბობელთან კომბინაციით ძალიან ეფექტურია.  

სათანადო იზოლაცია ამცირებს შენობისათვის საჭირო ენერგიის რაოდენობას. შესაბამისად, დაბალია მისი მოხმარება და კომუნალური გადასახადები მნიშვნელოვნად მცირდება. 

თბოიზოლაცია, როგორც წესი, შენობის სტრუქტურის ისეთ სისტემების იცავს გაყინვისა და დაზიანებისაგან, მაგალითად, როგორიცაა წყლის გაყვანილობა. ეს კი, ერთი მხრივ, წყლით მომარაგებას უზრუნველყოფს, მეორე მხრივ კი გაუთვალისწინებელ ხარჯებს ამცირებს. 

მარტივად, რომ ითქვას, თბოიზოლაცია მეტად მნიშვნელოვანია ზამთარში ,რადგან ის ხელს უწყობს კომფორტისა და სითბოს შენარჩუნებას, ზოგავს ენერგიასა და ფინანსებს, ამცირებს ყინვის შედეგად სტრუქტურული დაზიანების რისკებს და აქვს ეკოლოგიური სარგებელი ენერგიის მოხმარებისა და მასთან დაკავშირებული ემისიების შემცირებით. 

ალბათ, არასოდეს ყოფილა ახალი სეზონისათვის სამზადისი ისეთი სასიამოვნო, როგორც ახლა. ეს იმიტომ, რომ ნოვა ყველა საჭირო პროდუქტს ხელმისაწვდომ ფასად გთავაზობთ, მაგალითად, აქ საწვიმარი ლაბადა იაფად შეგიძლიათ შეიძინოთ,  და ამასთანავე, კომპანია ხარისხის გარანტიას გაძლევთ.