ნაძვის ხე

დალაგება:

მოიძებნა 10 პროდუქტი

ახალი წლის აღსანიშნად მთელ მსოფლიოში ადამიანები ნაძვის ხის გარშემო იკრიბებიან. მაგრამ რატომ? ამაზე ბევრ ჩვენგანს შესაძლოა არ უფიქრია, თუმცა საახალწლო ნაძვის ხე საუკუნეების მანძილზე სადღესასწაულო ტრადიციების მნიშვნელოვანი ნაწილი იყო.

ჰიპერმარკეტი “ნოვა” სხვადასხვა ზომისა და ვიზუალის ნაძვის ხეების ფართო არჩევანს გთავაზობთ. პროდუქტები მცირე ზომის, 60სმ-იანი ხეებიდან იწყება, მათი ფასი კი სიმაღლისა და სხვა მახასიათებლების მიხედვით იცვლება. შეგიძლიათ შეიძინოთ როგორც სტანდარტული ვიზუალის მქონე, ისე დათოვლილი ნაძვის ხე, რომელიც თქვენს სახლში საახალწლო განწყობას კიდევ უფრო გააუმჯობესებს.

საახალწლო ნაძვის ხის ისტორია

ქრისტესშობამდე დიდი ხნით ადრე, მარადმწვანე მცენარეებსა და ხეებს ზამთარში ადამიანებისთვის განსაკუთრებული მნიშვნელობა ჰქონდა. როგორც დღეს ვალამაზებთ სახლებს ნაძვით, ძველ დროშიც, კარებსა და ფანჯრებზე კიდებდნენ მარადმწვანე ხის ტოტებს. ბევრ ქვეყანაში ითვლებოდა, რომ მარადმწვანე მცენარეები მათ ჯადოქრებისგან, მოჩვენებებისგან, ბოროტი სულებისა და ავადმყოფობისაგან იცავდა.

მიიჩნევა, რომ ნაძვის ხის მორთვა ტრადიციად მე-16 საუკუნის გერმანიაში ჩამოყალიბდა. ქრისტიანებმა სწორედ ამ დროს შეიტანეს თავიანთ სახლებში მორთული ხეები. მარტინ ლუთერმა, მე-16 საუკუნის პროტესტანტმა რეფორმატორმა, პირველმა დაამატა ანთებული სანთლები და დეკორაციები ხეს. ის ზამთრის ერთ საღამოს, თავისი სახლისკენ მიმავალი ხეთა შორის მოციმციმე ვარსკვლავებით აღფრთოვანდა, სახლში მისულმა კი ნაძვის ხე მთავარ ოთახში დადგა და ტოტები ანთებული სანთლებით დაუმშვენა.

ნაძვის ხის მორთვა

დღეს საახალწლო ნაძვის ხე დღესასწაულის ერთ-ერთი მთავარი ატრიბუტია. ის იმედის, ოპტიმიზმისა და სიხარულის სიმბოლოა - ეს კი ყველაფერია, რაც ზამთრის სიცივეში გვჭირდება. მისი ნათელი ფერები ზამთრის პეიზაჟებთან კონტრასტს ქმნის და გვახსენებს, რომ გაზაფხული კვლავ მოვა.

დღესაც, ნაძვის ხის მორთვა მსოფლიოს მრავალი კულტურის ტრადიციის მნიშვნელოვან ნაწილად რჩება. ერთ-ერთი მიზეზი ის არის, რომ აქტივობა ოჯახს შეკრებისა და მნიშვნელოვანი მომენტების გაზიარების საშუალებას აძლევს. ხის მორთვა, უმეტესწილად, განახლებას უკავშირდება, ნაძვის ხის ვარსკვლავი კი ბეთლემის ვარსკვლავს წარმოადგენს, რომელიც იმედისა და ოპტიმიზმის სიმბოლოა.

ნაძვის ხის მორთვა განსაკუთრებით სასიამოვნო და სახალისო ბავშვებისთვისაა, რადგან ახალი წლის ღამეს საჩუქრები სწორედ საახალწლო ხის ქვეშ უნდა მოთავსდეს. ამასთან ერთად, მნიშვნელოვანია აღინიშნოს ისიც, რომ პატარები ძალიან აფასებენ ოჯახთან გატარებულ დროს, იქნება ეს საახალწლო სუფრის გაზიარება თუ თამაშებით გართობა.თუ გსურთ თქვენს პატარებს კიდევ უფრო დაუახლოვდეთ, შეგიძლიათ მათ საახალწლო ნაძვის ხის ისტორია გააცნოთ.

ყველაფერ ამის გათვალისწინებით, ნაძვის ხის მორთვა საახალწლო დღესასწაულის მართლაც მნიშვნელოვანი ნაწილია, რომელშიც ოჯახის ყველა წევრმა უნდა მიიღოს მონაწილეობა.