სახურავის კატალოგი
ავზის კატალოგი
სახელმძღვანელო
ბეტეკის კატალოგი
წელიწადის ის დრო დადგა, როცა მზე მთელი ძალით აცხუნებს და ტემპერატურა მატულობს. ეს მხოლოდ ერთს შეიძლება ნიშნავდეს: აუზში ჩასვლის დროა. ზაფხულის სიცხის დასაძლევად არ არსებობს უკეთესი ვარიანტი, ვიდრე წყალში გაგრილებაა და ამასთან ერთად აუზი უსასრულო გართობას სთავაზობს როგორც ბავშვებს, ისე უფროსებს.
საცურაო კომპლექსები მშვენიერი ვარიანტია. თუ გაგვიმართლა და ეზოში დიდი, მიწაში ჩამონტაჟებული საცურაო აუზი გვაქვს, ხომ კიდე უკეთესი. მაგრამ ეს უკანასკნელი ფუფუნების საგანია და ბევრ ადამიანს არ აქვს ამის საშუალება, მაგრამ გამოსავალი მაინც არსებობს - გასაბერი აუზის სახით.
სარჩევი
გასაბერი აუზი
ერთ დროს გასაბერი აუზი აღიქმებოდა როგორც ბავშვის უბრალო გასართობი და სათამაშო. ტექნოლოგიების განვითარებასთან ერთად ეს პროდუქტი სულ უფრო გამძლე და მრავალფეროვანი გახდა და გაიზარდა მომხმარებლის ასაკი. ეზოში დადგმულ საცურაო აუზში ადრე მხოლოდ ბავშვები ისხდებოდნენ, ახლა კი ადამიანები ხშირად იმიტომ ყიდულობენ, რომ მთელი ოჯახი გაგრილდეს და გაერთოს. ტრადიციულ საცურაო აუზებთან შედარებით, ბუნებრივია, რომ გასაბერი მასშტაბებითა და სიღრმით ვერ დაიკვეხნის. აქ შორ დისტანციაზე ვერ იცურავებთ, მაგრამ მას ბევრი პლიუსი აქვს და მომხმარებლებს უამრავ სარგებელს სთავაზობს.
- ძალიან ხელმისაწვდომია.
- დაყენება მარტივია.
- პორტატულია.
- შესაფერისია მცირე და საშუალო სივრცისთვის.
- ადვილად იწმინდება.
ფასში განსხვავება ყველაზე დიდი უპირატესობაა, რითაც გასაბერი სხვა აუზებისგან გამოირჩევა.
მაგალითად ეს პროდუქტი, რომლის დიამეტრი და სიმაღლე 229x56 სმ.ია სულ რაღაც 132. 30 ლარი ღირს და მთელ ზაფხულს იდეალურად მოგემსახურებათ.
გასაბერი აუზები ყველა ფორმისა და ზომისაა. ზოგი საკმარისად პატარაა იმისთვის, რომ მხოლოდ ერთი ბავშვი ჩაჯდეს და ზოგი კი საკმარისად დიდია მთელი ოჯახისთვის. არ აქვს მნიშვნელობა რა ზომას აირჩევთ, ეს საუკეთესო საშუალებაა ზაფხულის თვეებში სიცხის დასაძლევად.
რადგან ისინი მიწისზედა აუზებია, მათ დასაყენებლად არ საჭირო პროფესიონალური დამონატაჟება და დამხმარე პერსონალის გამოძახება.
მარტივია არამარტო მათი გაბერვა და ეზოში მოთავსება, არამედ შემდეგ დაშლა და დაკეცვა. ზოგიერთი მოდელისგან განსხვავებით, რომლებიც არ მოძრაობს მის მერე, რაც მათ ადგილზე დააყენებთ, პლასტმასის აუზები ძალიან პორტატულია. თქვენ შეგიძლიათ მარტივად გადაწუროთ ისინი, დაკეცოთ და გადაიტანოთ ერთი ადგილიდან მეორეში. ეს ძალიან მოსახერხებელია, თუ არ გაქვთ შერჩეული კონკრეტული სივრცე აუზისთვის და არ გსურთ მთელი ზაფხული ერთ ადგილას იდგეს. მათი უმეტესობა შედარებით მსუბუქია დაცლისა და გაშრობის შემდეგ, ამიტომ ერთი, ან ორი ადამიანისთვის ძალიან მარტივია მათი გადატანა, ან დაკეცვა ზაფხულის გასვლის შემდეგ.
მთავარია რომ დრო დაუთმოთ სწორი და შესაფერისი ზედაპირის შერჩევას. დახრილი ზედაპირი პრობლემას ქმნის. ასე რომ ჩვენ გირჩევთ შეძენამდე შეამოწმოთ თქვენი ეზო, დარწმუნდეთ, რომ ის შესაბამის დონეზეა და გასწორებას არ საჭიროებს.
ასევე მნიშვნელოვანია გავითვალისწინოთ მიმდებარე ტერიტორია. მიუხედავად იმისა, რომ მასალა არის გამძლე, ის არ არის შეუღწევადი, ამიტომ თვალყური ადევნეთ ახლომდებარე ხეებს, ბუჩქებს ან რაიმე ბასრს, რამაც შეიძლება დააზიანოს აუზი.
ინტექსის easy setუნიკალური სტრუქტურითაა დამზადებული - სამ ფენის PVC-პოლიესტერისა და გასაბერი რგოლისაგან. მისი დიამეტრი 244 სმ-ია, სიმაღლე 61 სმ, ტევადობა კი1942 ლიტრი. აქვს 32 მმ. შეერთებები გამწმენდი ნაგებობის დასაკავშირებლად, იმავე დიამეტრის მილებით.
Intex 50 წელზე მეტია არსებობს და ის მომხმარებელს ხელმისაწვდომ ფასად სთავაზობს ხარისხიან ნაწარმს.
ამ აუზების პოპულარობის ერთ-ერთი მთავარი მიზეზი ზუსტად ის არის, რომ მათი დაყენება ძალიან მარტივია. უმეტეს შემთხვევაში, შეფუთული მდგომარეობიდან როგორც კი ამოიღებთ, რამდენიმე წუთში შეგიძლიათ შეავსოთ იგი წყლით.
პოპულარობას ასევე განაპირობებს ის ფაქტი, რომ შესანიშნავია პატარა ბავშვებისთვის. სიღრმე ისეთია, რომ იდეალურია მათთვის როგორც გასართობად, ასევე ცურვის მთავარი პრინციპების სასწავლად. აქ მიღებული გამოცდილება სამომავლოდ მათ ძალიან დაეხმარებათ.
უცხოურ საიტებზე თუ გადახედავთ კომენტარებს ბევრი მყიდველი წერს, რომ მიუხედავად იმისა, რომ მათმა ინტექსის Easy Set-მა დაახლოებით 2-3 სეზონი გაძლო, ისინი უბრუნდებიან ამ პროდუქტს და ისევ ყიდულობენ, რადგან მათთვის ძალიან კომფორტული და მოსახერხებელია.
საბავშვო აუზი
თქვენი ეზო იდეალური ადგილია ბავშვებისთვის ცურვის სასწავლებლად. ეს არის უსაფრთხო და მშვიდი გარემო, სადაც შეგიძლიათ მთელი ყურადღება ბავშვებს დაუთმოთ, მაშინ როცა ისინი ერთობიან და წყალთან ურთიერთობას სწავლობენ.
ეს ნაცნობი და დაცული გარემო არამარტო მათთვის ყურადღების მისაქცევადაა კარგი, არამედ პატარებისთვისაც ძალიან მნიშვნელოვანია. ცურვის სწავლაში პირველი ნაბიჯების გადადგმა ბევრად უმჯობესია, თუ ნაცნობ გარემოში და ადამიანებთან მოხდება. მშობლების ინსტრუქციებით და თამაშით ცურვის სწავლა და წყლის შიშის გადალახვა თქვენ ეზოში უფრო ეფექტურია. ბავშვები მეტად თავდაჯერებული გახდებიან და მომავალში დიდ აუზებსა და ღია წყალში უფრო თამამად იქნებიან, როცა სრულფასოვნად ცურვის სწავლაზე მიდგება საქმე.
ეზოს აუზი ნიშნავს, რომ თქვენ ყოველთვის შეგიძლიათ შვილებზე ზედამხედველობა, მაშინაც კი, როცა ისინი ვერ ხვდებიან, რომ თქვენ მათ უყურებთ. ეს არის მნიშვნელოვანი ნაწილი, რითაც ეხმარებით თქვენს შვილებს უსაფრთხო და კონტროლირებადი გზით მოიპოვონ დამოუკიდებლობა.
რამდენიმე მნიშვნელოვანია ფაქტორია, რაც უნდა გაითვალისწინოთ საბავშვო შეძენისას:
რამდენად უსაფრთხოა?
ბუნებრივია, რომ უსაფრთხოება ნომერ პირველი პრიორიტეტია, როცა ბავშვებს ეხებათ საქმე. გასაბერი აუზი მისი სპეციფიკიდან გამომდინარე ყველაზე კარგი ვარიანტია. სიღრმე მნიშვნელოვანი ფაქტორია და საბავშვო გასაბერი აუზები ზუსტად ისაა, რაც ჯდება ბავშვის ზომის კატეგორიაში.
ასევე მნიშვნელოვანია ისიც, რომ ისინი უსაფრთხო მატერიისგანაა დამზადებული და დაცემისას, ან კიდეზე თავის ჩამორტყმის შემთხვევაში გვიცავს რაიმე გართულებებისგან.
ყურადღება უნდა მიექცეს იმასაც, რომ ბავშვებმა დიდი ხანი არ დაჰყონ მზის გულზე. ამ დროს საბავშვო აუზი მზისგან დამცავი სახურავით მშვენიერი ვარიანტია.
აუცილებელია რომ გაირეცხოს და გაიწმინდოს ყოველდღე. ასევე ადგილის შერჩევისას მნიშვნელოვანია მყარი და გასუფთავებული ზედაპირის შერჩევა.
გართობა აუცილებელია
მის მერე რაც უსაფრთხოების გარანტიები შექმნილია, ამის შემდეგ მთავარი ბავშვების თამაში და გართობაა. მართალია, რომ პატარები წყალში ყოფნისას დამატებითი ჩარევის გარეშე ახერხებენ შესაბამისი განწყობის შექმნასა და მაქსიმალურად გართობას, მაგრამ სხვადასხვა ტიპისა და ფორმის გასაბერი აუზები მათ კიდე უფრო გააბედნიერებს.
მაგალითად, ეს გასაბერი აუზი, სახელად - დინოზავრების პლანეტა, გარდა პირვანდელი დანიშნულებისა, ასევე გასართობი ცენტრის ფუნქციასაც ითავსებს. სასრიალო, შადრევანი, კალათბურთის ფარი და რაც მთავარია - დინოზავრები. ნებისმიერ მშობელს ცოტა შეშურდება, რომ მის დროს ასეთები არ იყო…
რამხელა სივრცეს იკავებს
თქვენ მიერ არჩეული აუზი უნდა შეესაბამებოდეს თქვენი ეზოს დიზაინს, რომ თქვენ და ბავშვებმა მაქსიმალურად გამოიყენოთ ყველა არსებული სივრცე. ეს ნიშნავს ისეთი პროდუქტის ყიდვას, რომელიც არ დაიკავებს მთელ ეზოს, რადგან იგივე ბავშვების შემთხვევაში, გარდა იმისა რომ მათ წყალში თამაში სურთ, ასევე ხშირად ეზოს დანარჩენ ნაწილებსაც იყენებენ სხვა გასართობი აქტივობებისთვის.
აუზის აქსესუარები
არ უნდა დაგვავიწყდეს სხვადასხვა აქსესუარები, რაც წყალში გართობას კიდევ უფრო სასიამოვნოს გახდის.
წყლის კამერები აუცილებელი ატრიბუტია. 1-2 წლის ბავშვები რომ ძალიან არ დაიჩაგრონ და მათაც ქონდეთ დამოუკიდებლად გართობის საშუალება, ამისათვის შესაფერისი ჩასაჯდომი წყლის კამერა არსებობს.
უფროსებმა შეგიძლიათ დიდი ზომის - 114 სმ. დიამეტრის მქონე რგოლით ისიამოვნოთ ნებისმიერ სიტუაციაში.
რა შეიძლება იყოს ზაფხულში წყალზე უკეთესი, თუ არა კიდევ უფრო მეტი წყალი! წყლის თოფი ბავშვების ერთ-ერთი ყველაზე საყვარელი სათამაშოა და ზაფხული მის გარეშე ვერ ჩაივლის.
ზღვაზე დასვენებისას სანაპიროზე შეზლონგზე წოლა ჩვეულებრივი რუტინაა. წოლა, ოღონდ ლეიბზე და შუა ზღვაში ის ნეტარებაა, რაც არ უნდა მოაკლოთ საკუთარ თავს. გასაბერი ლეიბი, შიგ ჩამონტაჟებული ნასოსით, რომელიც რამდენიმე ადამიანს იტევს, დასვენებას კიდევ უფრო დაუვიწყარს ხდის.
ზაფხულის სიცხე, შეზღუდული ბიუჯეტი, დამთავრებული სკოლა და სულ სახლში მყოფი ბავშვები, რომლებიც ენერგიას ვერსად ხარჯავენ. გასაბერი აუზი როგორღაც ახერხებს, რომ ეს სამი მნიშვნელოვანი საკითხი მარტივად მოაგვაროს. ძალიან შეღავათიანი ფასით, მოაგვაროს სიცხის პრობლემა და გასართობი მისცეს ბავშვებს, რაც ამავდროულად მათთვის კარგი გამოცდილება იქნება ცურვის სასწავლად.
