როგორ შევინარჩუნოთ სიგრილე სახლში

ზაფხულის ცხელ დღეებში ერთ-ერთი ყველაზე დიდი გამოწვევა სახლში სიგრილის შენარჩუნებაა. როცა ქუჩაში ტემპერატურა მატულობს, სიცხე საცხოვრებელ სახლებში უფრო და უფრო ინტენსიურად იგრძნობა. ეს კი, რა თქმა უნდა, გვაიძულებს გაგრილების გზები უფრო აქტიურად ვეძებოთ. 

სახლის გაგრილება საკმაოდ რთული ამოცანაა, რადგან ასეთ დროს მრავალი ფაქტორი უნდა გაითვალისწინოთ - საცხოვრებლის ტიპი და ფართობი, თქვენი ინდივიდუალური მოთხოვნები და ა.შ. 

საუკეთესო კონდიციონერი თქვენი სახლის გასაგრილებლად  

ინვერტორული კონდიციონერი - ინვერტორული კონდიციონერი თანამედროვე სისტემაა, რომელიც ინვერტორულ ტექნოლოგიას იყენებს კომპრესორის სიჩქარის რეგულირების, ენერგოეფექტურობისა და ზუსტი ტემპერატურული კონტროლის უზრუნველსაყოფად. 

ტრადიციული კონდიციონერებისგან განსხვავებით, რომლებიც ციკლურად ირთვება, ინვერტორული კონდიციონერი მუდმივად არეგულირებს კომპრესორის სიჩქარეს, რათა სივრცეში სასურველი ტემპერატურა შენარჩუნდეს. 

სტანდარტული კონდიციონერი - სტანდარტული, ანუ კედელზე დასამაგრებელი კონდიციონერი ფართოდ გავრცელებული კონდიცირების სისტემაა, რომელიც როგორც საცხოვრებელ, ისე კომერციულ შენობებში გამოიყენება. 

სტანდარტული კონდიციონერი ორი ძირითადი ნაწილისგან შედგება: შიდა ბლოკი, რომელიც მაგრდება შენობის შიგნით კედელზე და გარე ბლოკი, რომელიც შენობის გარეთ ყენდება. 

მსგავსი ტიპის გაგრილების საშუალებები საუკეთესოა როგორც მცირე, ისე დიდი სივრცეების გასაგრილებლად. 

დასადგამი კონდიციონერი - დასადგამი, ანუ პორტატიული კონდიციონერები კომპაქტური მოწყობილობებია, რომლებიც ცალკეული ოთახების ან მცირე სივრცეების გასაგრილებლად გამოიყენება. 

დასადგამი კონდიციონერი კედელზე დასამონტაჟებელი კონდიციონერის კარგ ალტერნატივას წარმოადგენს. 

ის ერთ კორპუსში აერთიანებს კომპრესორს, კონდენსატორსა და აორთქლების სისტემას. ეს კი მოწყობილობის სხვადასხვა ოთახში გადაადგილებას ხდის შესაძლებელს. 

გამაგრილებელი ვენტილატორი - მარტივი და პორტატიული მოწყობილობა, რომელიც კონდიცირების სისტემებისგან იმით განსხვავდება, რომ მუშაობისას კომპრესორს არ იყენებს.

გამაგრილებელი ვენტილატორი, თავისი სპეციფიკის გათვალისწინებით, პატარა ოთახების გასაგრილებლადაა საუკეთესო. 

როგორ შევარჩიოთ გამაგრილებელი მოწყობილობა სწორად

იმისთვის, რომ გამაგრილებელი მოწყობილობის შერჩევა ეფექტურად მოახერხოთ, მნიშვნელოვანია, შემდეგი ფაქტორები გაითვალისწინოთ: 

სივრცის ზომა - გაზომეთ ის ფართობი, რომლის გაგრილებაც გსურთ. ამისთვის მხედველობაში მიიღეთ ოთახის სიმაღლეც, რადგან ეს მონაცემი დაგეხმარებათ სასურველი სიმძლავრის განსაზღვრაში. 

კლიმატური პირობები - თუ ცხელ და ნოტიო გარემოში ცხოვრობთ, უფრო ძლიერი გაგრილება დაგჭირდებათ, ვიდრე ზომიერ კლიმატში მცხოვრებ ადამიანებს. 

თუ გაგრილება ზომიერ კლიმატში გსურთ, “ნოვაში” შეგიძლიათ გამაგრილებელი ვენტილატორი საუკეთესო ფასად შეიძინოთ. 

ენერგოეფექტურობა - ბაზარზე ამჟამად არსებული გაგრილების სისტემები ენერგოეფექტურობის სხვადასხვა დონით ხასიათდება. ენერგოეფექტურობის მაღალი მაჩვენებელი იმას ნიშნავს, რომ მოწყობილობა ნაკლებ ენერგიას მოიხმარს და გრძელვადიან პერსპექტივაში, კომუნალური გადასახადები შეგიმცირდებათ. 

ინვერტორული კონდიციონერი ერთ-ერთი ყველაზე ენერგოეფექტური გაგრილების საშუალებაა, რომელიც “ნოვას” მაღაზიათა ქსელში შეგიძლიათ შეიძინოთ. 

დამატებითი ფუნქციები - თუ ისეთი მახასიათებლებით ხართ დაინტერესებული, როგორებიცაა  ტენიანობის კონტროლი, ჰაერის გაწმენდა ან დისტანციური კონტროლი, უნდა შეარჩიოთ ამ მოთხოვნების შესაბამისი მოდელი. 

ასეთ დროს საუკეთესო სტანდარტული და ინვერტორული ტიპის კონდიციონერი. 

გამაგრილებელი მოწყობილობის სწორად შერჩევა უზრუნველყოფს თქვენს კომფორტს, ენერგიის ეფექტურ გამოყენებასა და შეძენილი პროდუქტის ხანგრძლივ მუშაობას. 

შეიძინეთ კონდიციონერი “ნოვაში” 

თუ გსურთ გაგრილების სისტემები ერთ სივრცეში იხილოთ, ჩვენს ჰიპერმარკეტებს ეწვიეთ. 

“ნოვას” გამოცდილი კონსულტანტები თქვენს სივრცეზე მაქსიმალურად მორგებული გაგრილების სისტემის შერჩევაში დაგეხმარებიან. 

პროდუქტის შერჩევის შემდეგ კი შეგეძლებათ მიტანის სერვისითაც ისარგებლოთ მთელი ქვეყნის მასშტაბით.