ნოვას ახალი საწარმო, "აწარმოე საქართველოს" პროექტის ფარგლებში

„ნოვა“-ს  ადლიის ფილიალში,  „აწარმოე საქართველოს“  პროექტის  ფარგლებში,  სასაწყობე-საწარმოო მეურნეობისა  და საწარმოო ხაზების  დანერგვის სამუშაოები, აჭარის მთავრობის  თავმჯდომარემ – ზურაბ პატარაძემ და აჭარის მთავრობის ფინანსთა და ეკონომიკის მინისტრმა, რამაზ ბოლქვაძემ მოინახულეს.

მთავრობის წევრებს ადგილზე მიმდინარე სამუშაოები, „ნოვას“ გენერალურმა დირექორმა ზვიად აბულაძემ და ტექნიკურმა დირექტორმა, რამაზ ირემაძემ გააცნო.

"აწარმოე საქართველოში" პროექტის ფარგლებში, "ნოვა" მიღებული 1 200 000 აშშ დოლარი დაფინანსებით უკვე არსებულ საწარმოს აფართოვებს. პირველ ეტაპზე კომპანიამ უკვე განახორციელა 3600 კვ/მ-ზე საწარმოს მშენებლობა და ამ დროისთვის 8000 კვ/მ-ზე ახალი საწარმოს მშენებლობა მიმდინარეობს, რომელიც ექსპლუატაციაში წლის ბოლოსთვის შევა. ორივე საწარმოს ინვესტიციის საერთო მოცულობა 2 მლნ აშშ დოლარია. საწარმოებში ჯამში 50 მოქალაქე დასაქმდება. 

ამ დროისთვის ადლიის ფილიალის ტერიტორიაზე  აქტიურად მიმდინარეობს პლასტმასის ნაკეთობათა  წარმოება.  „ნოვა“ პოლიეთილენის წყლის ავზებს 2014 წლიდან აწარმოებს. ავზები იწარმოება ეკოლოგიურად  სუფთა მექსიკური ნედლეულითა  და იტალიური დანადგარებით. საერთო ჯამში  აღნიშნული საწარმო წელიწადში  600-800 ტონა ნედლეულს გადაამუშავებს.