ონლაინ დახმარება
კატალოგის ჩამოტვირთვა

ჩვენ შესახებ

ნოვას ისტორია  2006 წელს იწყება. პირველ ეტაპზე კომპანიის საქმიანობა სამშენებლო მასალების იმპორტით და რეალიზაციით შემოიფარგლებოდა.
2011 წლიდან კომპანიამ სამშენებლო მასალების წარმოების ხაზების განვითარება დაიწყო.
პირველ ეტაპზე ნოვა თბილისის ფილიალში იწყებს სასახურავე მასალების  ფერის, ზომისა და ფორმის მიხედვით წარმოებას.
2012 წელს ნოვა თაბაშირ-მუყაოს პროფილების და აქსესუარების საწარმოო ხაზს ნერგავს. პარალელურად იხსნება ნოვას ბათუმის ფილიალი.
2013 წლიდან კომპანია ISO 9001:2008 ხარისხის მენეჯმენტის სისტემის საერთაშორისო  სერთიფიკატის მფლობელია.
2014 წელს  ნოვას ბათუმის ფილიალში პოლიეთილენის წყლის ავზების საწარმო და საგამოფენო დარბაზი იხსნება. ამავე წელს ნოვა  სამღებრო და საბათქაშე კუთხოვანების წარმოებას იწყებს...
ავზების წარმოების დაწყებისთანავე პროდუქციის ექსპორტი მეზობელ სომხეთშიც დაიწყო და დღემდე აქტიურად მიმდინარეობს.
2015 წელს ნოვა სასახურავე მასალების წარმოების ხაზს აფართოებს ბათუმის ახალ ფილიალში. ამავე ფილიალში 2016 წელს ნოვა თაბაშირ-მუყაოს პროფილების წარმოების ხაზს აფართოებს .
2016 წლის ნოემბერში ნოვა თბილისის ფილიალში განახლებულ საგამოფენო დარბაზს ხსნის.
2017 წელს ნოვა ბათუმის ფილიალში ევროპული სტანდარტის თაბაშირ-მუყაოს პროფილების და მეტალოპლასტმასის პროფილების წარმოებას იწყებს. ასევე აფართოებს ავზების საწარმოო ხაზს და ბაზრის მოთხოვნის შესაბამისად  ღია ტიპის ავზებს აწარმოებს.
2017 წლის სექტემბერში ნოვა  ISO 9001:2015 ხარისხის მენეჯმენტის სისტემის საერთაშორისო  სერთიფიკატის განახლებულ სტანდარტს ნერგავს.
2017 წლის ბოლოსთვის სამშენებლო მასალების მწარმოებელი კომპანია ნოვა 100-ზე მეტი დასახელების პოლიეთილენის წყლის ავზებს, 30-ზე მეტი დასახელების სასახურავე მასალას და აქსესუარებს, 40 მეტი დასახელების თაბაშირ-მუყაოს, მეტალოპლასტმასის პროფილების და აქსესუარების მწარმოებელია.
ნოვა ფლობს ორ საგამოფენო დარბაზს თბილისსა და ბათუმში.
ნოვა მსოფლიოში ცნობილი ბრენდების ოფიციალური წარმომადგენელია საქართველოში (IZOCAM, BETEK, RIGIPS, YEPSA, TEMPO, INGCO და სხვ.) ნოვას სივრცეში და მის სარეალიზაციო ქსელში მთელს საქართველოში ნოვას იმპორტირებული პროდუქციის 10 000-მდე დასახელებაა წარმოდგენილი.
ნოვაში 240-ზე მეტი ადამიანია დასაქმებული. 

სიახლეები

უპრეცედენტო აქცია ნოვასგან!

09 ივნისი - 2017
მათთვის ვისაც გაქვთ ან გეგმავთ ტურისტულ ბიზნესს
 იყიდე სასახურავე და სარემონტო მასალები უპროცენტო განვადებით და
 10 თვემდე საშეღავათო პერიოდით!
გადახურე ან გაარემონტე
☑ბინა, სასტუმრო ან ოჯახური სასტუმრო
☑კაფე-ბარი ან რესტორანი
☑მაღაზია ან მარკეტი
დაიწყე რემონტი დღეს და გადაიხადე სასურველი სეზონიდან
 
ვრცლად

INGCO- ს ხელსაწყოები ახლა უკვე გარანტიით!

01 მაისი - 2017


ნოვას სივრცეში ingco-მ სატესტო პერიოდი წარმატებით გაიარა. მომხმარებლების კმაყოფილებასთან ერთად გაიზარდა ბრენდის ასორტიმენტი ქართულ ბაზარზე და დღეს იგკოს 1000-ზე მეტი დასახელების ხელსაწყოს შეძენა უკვე გარანტიითაა შესაძლებელი.

 

საგარანტიო ფურცელი გაიცემა ingco-ს  პროფესიონალურ ხელსაწყოებზე.

 

ინგკოს ინოვაციური და ნოვატორული პროდუქციის შესახებ ინფორმაცია შეგიძლიათ იხილოთ  ვენ გვერდზე - www.ingco.ge

 

 


შენც შექმენი სამყარო, შენივე ხელით!

ვრცლად

ნოვას ავზებე შესაბამისობის სერთიფიკატი გაიცა

13 აპრილი - 2017

უკვე მეორედ, ნოვას წარმოებული პოლიეთილენის წყლის ავზები „შესაბამისობის სერთიფიკატის“ ტესტს წარმატებით გადის.

 

პროდუქციის სერტიფიკაციის ორგანოს მიერ ნოვას წარმოებული პროდუქციის ტესტირების  შედეგად, კიდევ ერთხელ დადგინდა, რომ  ავზების გამოყენება რეკომენდირებულია საკვებ პროდუქტებთან უშუალო კონტაქტისთვის.

 

მოხერხებული ფორმებით, მაღალი ხარისხით და ეკოლოგიური სისუფთავით ქართულ და სომხურ ბაზარზე ნოვას ავზები 2014 წლიდან დამკვიდრდა. წარმოების იტალიური ტექნოლოგია და როტაციული მეთოდი ერთადერთია ანალოგ წარმოებათა შორის საქართველოში. ავზები მექსიკური ნედლეულით მზადდება. როგორც კომპანიაში აცხადებენ, ფორმების გარდა, რომელიც ქართული ბაზრის მოთხოვნიდან გამომდინარე შეირჩა, მნიშვნელოვანია  ნედლეული, რომელიც ავზების დასამზადებლად გამოიყენება.

ხარსხი და ნდობა ჩვენი ბრენდისთვის უპირველესია, ნოვა ქმნის ქართულ ხარისხიან, ეკოლოგიურად სუფთა პროდუქტს!

ვრცლად

წარმოება

სასარგებლო რჩევები

გოფრირებული ფურცლით გადახურვა

გოფრირებული ფურცლით გადახურვა

გოფრირებული ფურცლით გადახურვის შემთხვევაში მოლარტყვა დამოკიდებულია სასახურავე მასალის სისქეზე. სპეციალისტები ამ შემთხვევაში ითვალისწინებენ  გარემო  პირობებსაც (დიდთოვლიანობა, ქარი და ა.შ) მოლარტყვის შემდეგ სახურავზე წვიმსაწრეტი სისტემა მზადდება;
შემდეგი ეტაპი სახურავის იზოლაციაა;  შემდეგი ეტაპი სახურავის ფურცლის დამაგრებაა. აუცილებელია  სწორად დამაგრდეს შურუპი . შურუპი სახურავის სიბრტყის მიმართ 90 გრადუსით უნდა დამაგრდეს (თუნუქის გოფრირებულ სახურავს გრეხილი მოთუთიებული ლურსმანითაც ამაგრებენ); ბოლო ეტაპი კეხების დამაგრებაა.

თუ ირჩევთ მეტალოკრამიტის ფურცელს

თუ თქვენ ირჩევთ მეტალოკრამიტის ფურცელს თქვენი სახლის გადასახურად აუცილებელია გავითვალისწინოთ შემდეგი დეტალები.
შეკვეთისას გაარკვიეთ მეტალოკრამიტის ფურცლის სიგანე და ე.წ მუშა სიგანე; მეტალოკრამიტის ფურცლის სიგრძე განისაზღვრება ბიჯის შესაბამისად (მაგ. 300მმ). როგორც წესი ფურცლის სიგრძე უნდა შეესაბამებოდეს ქანობის სიგრძეს. მიუხედავად მეტალოკრამიტის ფურცლის სიმსუბუქისა სიგრძე რაღა თქმა უნდა უსასრულო არ შეიძლება იყოს. მეტალოკრამიტის ფურცლის ბოლოები იჭრება ბიჯის ზომის შესაბამისად (გადახურვისას თუ ფურცელი ადგილზე იჭრება ვიზუალური სილამაზისა და სრულყოფისთვის აუცილებელია ბიჯის ტალღის სისრულის გათვალისწინება) მოლარტყვა უნდა შეესაბამებოდეს მეტალოკრამიტის ბიჯის ზომას, მაგალითად თუ მეტალოკრამიტის ბიჯი 30 სმ-ია, მოლარტყვა ყოველ 30სმ-ში უნდა მოხდეს; შემდეგი ეტაპი სახურავზე წყალსაწრეტი სისტემა მზადდება; წყალსაწრეტი სისტემის შემდეგ ხდება სახურავის იზოლაცია, რომელიც სხვადასხვაგვარი შეიძლება იყოს. სახურავის თბოიზოლაციის საუკეთესო საშუალება  მინაბამბა და ქვაბამბა, ხმაგაუმტარობისთვის გამოიყენებენ პენოპლასტსაც...  შემდეგი ეტაპი სახურავის ფურცლის დამაგრებაა. აუცილებელია სწორად დამაგრდესშურუპი. შურუპი სახურავის სიბრტყის მიმართ 90 გრადუსით უნდა დამაგრდეს; ბოლო ეტაპი კეხების დამაგრებაა.

პროფნასტილის სახურავით გადახურვისას

პროფნასტილის ფურცლით გადახურვა

პროფნასტილის ფურცლით  (ე.წ. პროფილირებული ფენილით) გადახურვის შემთხვევაში გადახურვის მოსამზადებელი სამუშაოები განსხვავებულია.
მოლარტყვა დამოკიდებულია სასახურავე მასალის სისქეზე. სპეციალისტები ამ შემთხვევაში ითვალისწინებენ  გარემო  პირობებსაც (დიდთოვლიანობა, ქარი და ა.შ)  მოლარტყვის შემდეგ სახურავზე წვიმსაწრეტი სისტემა მზადდება; შემდეგი ეტაპი სახურავის იზოლაციაა;  
შემდეგი ეტაპი სახურავის ფურცლის დამაგრებაა. აუცილებელია  სწორად დამაგრდეს შურუპი . შურუპი სახურავის სიბრტყის მიმართ 
90 გრადუსით უნდა დამაგრდეს; ბოლო ეტაპი კეხების დამაგრებაა.

კონტაქტი